spot_img
Homeຂ່າວພາຍ​ໃນບໍລິຄຳໄຊ FC ອອກມາຊີ້ແຈງກ່ຽວກັບ ການຖືກຖອນອອກຈາກການແຂ່ງຂັນບານເຕະເປັບຊີລາວລີກ 1 ປີ 2023

ບໍລິຄຳໄຊ FC ອອກມາຊີ້ແຈງກ່ຽວກັບ ການຖືກຖອນອອກຈາກການແຂ່ງຂັນບານເຕະເປັບຊີລາວລີກ 1 ປີ 2023

Published on

ໃນວັນທີ 13 ກຸມພາ 2023 ທາງສະຫະພັນບານເຕະແຫ່ງຊາດລາວ ອອກແຈ້ງການກ່ຽວກັບການຖອນສະໂມສອນ ແຂວງບໍລິຄຳໄຊ FC ອອກຈາກການແຂ່ງຂັນບານເຕະເປັບຊີລາວລີກ 1 ປີ 2023 ສາເຫດແມ່ນສະໜາມການແຂ່ງຂັນຍັງບໍ່ໄດ້ມາດຕະຖານ ແລະ ໃຫ້ສືບຕໍ່ປັບປຸງແລ້ວຈຶ່ງມາຂໍເຂົ້າຮ່ວມການແຂ່ງຂັນຄືນໃນປີ 2024.

ທັ້ງນີ້ ຈຶ່ງເຮັດໃຫ້ເກີດມີປະເດັນມາຫຼາຍຢ່າງທີ່ເຮັດໃຫ້ທາງ ສະຫະພັນບານເຕະ ແຂວງບໍລິຄຳໄຊ ຕ້ອງອອກມາແຈ້ງຄື:

  1. ພາຍຫຼັງທີ່ທີມງານ ສຕລ ລົງກວດກາສະໜາມແລ້ວ ກໍແນະນຳວ່າສາມາດນຳໃຊ້ໄດ້ ແຕ່ຕ້ອງໄດ້ປັບປຸງຫຼາຍຢ່າງ.
  2. ໃນໄລຍະທີ່ປັບປຸງ ແມ່ນໃຫ້ນຳໃຊ້ສະໜາມອື່ນໄປກ່ອນ, ເຊິ່ງເຮັດໃຫ້ທາງສະຫະພັນບານເຕະ ແຂວງບໍລິຄຳໄຊ ມີການທຸ່ມງົບເພື່ອປັບປຸງໃຫ້ໄວທີ່ສຸດ ໃຫ້ເປັນໄປຕາມມາດຕະຖານຂອງ ສຕລ ວາງໄວ້.
  3. ໃນວັນທີ 12 ກຸມພາ ທີມບໍລິຄຳໄຊໄດ້ມີການແຂ່ງຂັນກະຊັບມິດກັບສະໂມສອນນໍ້າທາ ຫຼັງຈາກຈົບການແຂ່ງຂັນທີມງານຄູຝຶກກໍແນະນຳໃຫ້ນັກກິລາເອົາໃຈໃສ່ຝຶກຊ້ອມກຽມພ້ອມ ໃນການເຂົ້າຮ່ວມແຂ່ງຂັນທີ່ຈະເປີດຂື້ນໃນວັນທີ 18 ກຸມພາ 2023 ນີ້.
  4. ເມື່ອທີມບໍລິຄຳໄຊໝັ້ນໃຈວ່າຈະໄດ້ເຂົ້າຮ່ວມຢ່າງແນ່ນອນ ຈຶ່ງເຮັດໃຫ້ມີຄວາມກະຕືລືລົ້ນໃນທຸກທາງ ທີ່ຈະເຂົ້າຮ່ວມໃນການແຂ່ງຂັນຄັ້ງນີ້ເຊິງໄດ້ກະແສຕອບຮັບຈາກແຟນບານຢ່າງຫຼວງຫຼາຍ.
  5. ພໍມາຮອດຕອນບ່າຍຂອງ ວັນທີ 13 ກຸມພາ 2023 ທາງສະຫະພັນບານເຕະແຂວງບໍລິຄຳໄຊ ໄດ້ຮັບແຈ້ງການຈາກ ສຕລ ສະບັບເລກທີ່139/ສຕລ ລົງວັນທີ່13/02/2023 ເລື່ອງການຖອນອອກຈາກການແຂ່ງຂັນ.
  6. ແຕ່ທາງສະໂມສອນ ແຂວງບໍລິຄຳໄຊ FC ກໍໄດ້ຍື່ນໜັງສືສະເໜີອຸທອນ ຂໍສືບຕໍ່ເຂົ້າຮ່ວມການແຂ່ງຂັນ.
  7. ມາວັນທີ 14 ກຸມພາ 2023 ທາງສະຫະພັນບານເຕະ ແຂວງບໍລິຄຳໄຊ ກໍໄດ້ຮັບແຈ້ງຜົນສະບັບເລກທີ145/ສຕລ ລົງວັນທີ 14/02/2023 ສະໂມສອນຖືກຕັດອອກຈາກການແຂ່ງຂັນລາວລີກ 1.

ເພາະການແຂ່ງຂັນທີ່ຈະຈັດຂຶ້ນໃນໄວໆນີ້ ເຮັດໃຫ້ສະຫະພັນບານເຕະ ແຂວງບໍລິຄຳໄຊ ທີ່ກະກຽມຄວາມພ້ອມໃນເລື່ອງ ຄູຝຶກ ນັກກິລາ ແລະ ທີມງານທຸກຄົນ ທຸກພາກສ່ວນ ຕ້ອງໂຈະ ແລະ ເສຍໃຈໄປກັບເຫດການໃນຄັ້ງນີ້.

อาจเป็นรูปภาพของ ข้อความ

ທີ່ມາ Tokee Phaviny Chaleunsouk 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...