ບົດສະຫຼຸບການຖະແຫຼງຂ່າວຂອງຄະນະສະເພາະກິດ ໃນວັນທີ 30 ກໍລະກົດ 2021

0
367

ມາຮອດປະຈຸບັນນີ້ ສປປ ລາວ ມີຜູ້ຕິດເຊື້ອສະສົມທັງໝົດ 5.919 ຄົນ ໃນນີ້ມີກໍລະນີຕິດເຊື້ອໃໝ່ 244  ຄົນ, ເສຍຊີວິດສະສົມທັງໝົດ 06 ຄົນ ແລະ ຍັງຕິດຕາມການປິ່ນປົວຢູ່ທົ່ວປະເທດທັງໝົດ 2.774 ຄົນ.

ໃນວັນທີ 29 ກໍລະກົດ 2021 ໄດ້ເກັບຕົວຢ່າງມາກວດຫາເຊື້ອໂຄວິດ-19 ຈໍານວນ 2.379 ຄົນ ໃນນັ້ນກວດພົບຜູ້ຕິດເຊື້ອໃໝ່ 244  ຄົນ, ຕິດເຊື້ອພາຍໃນຊຸມຊົນຈໍານວນ 01 ຄົນຈາກ ແຂວງສະຫວັນນະເຂດ ແລະ ຕິດເຊື້ອກໍລະນີນໍາເຂົ້າ ຈໍານວນ 243 ຄົນ ຈາກ ນະຄອນຫລວງວຽງຈັນ 31 ຄົນ, ແຂວງສະຫວັນນະເຂດ 118  ຄົນ, ຈໍາປາສັກ 38  ຄົນ, ຄໍາມ່ວນ 10 ຄົນ ແລະ ສາລະວັນ 46  ຄົນ. ສໍາລັບຜູ້ຕິດເຊື້ອໃນຊຸມຊົນຂອງແຂວງ ສະຫວັນນະເຂດ ແມ່ນມີປະຫວັດສໍາຜັດກັບຜູ້ຕິດເຊື້ອເກົ່າ.