ບົດຖະແຫຼງຂ່າວຂອງຄະນະສະເພາະກິດ ປະຈໍາວັນທີ 15 ມັງກອນ 2022

0
97

ສະພາບການການຕິດເຊື້ອພະຍາດໂຄວິດ19 ຢູ່ປະເທດເຮົາ ໃນມື້ວານ ວັນທີ 14ມັງກອນ 2022, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊື້ອໂຄວິດ-19 ທັງໝົດ 5.124 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອ ທັງໝົດ 900 ຄົນ (ຕິດເຊື້ອພາຍໃນ ມີ 897 ຄົນ ແລະ ຕິດເຊື້ອນໍາເຂົ້າ 03 ຄົນ) ດັ່ງນັ້ນຜູ້ຕິດເຊຶ້ອ ພະຍາດໂຄວີດ 19 ສະສົມໃນ ສປປ ລາວ ຮອດປະຈຸບັນ ແມ່ນ124.193 ຄົນ,  ເສຍຊີວິດສະສົມ 488 ຄົນ (ໃນນີ້ເສຍຊີວິດ ໃໝ່ 12 ຄົນ), ປິ່ນປົວຫາຍດີ ແລະ ກັບບ້ານໃນມື້ວານ ມີ 419 ຄົນ, ກໍາລັງປິ່ນປົວ 7.980 ຄົນ (ຜູ້ຕິດເຊື້ອໂຄວິດ ປະຈຸບັນ ) .

ຈຳນວນຕົວເລກ ການຕິດເຊື້ອໃໝ່ພາຍໃນປະເທດມື້ວານນີ້  ທັງໝົດມີ 897ຄົນ ຈາກ ນະຄອນຫຼວງວຽງຈັນ ແລະ 17 ແຂວງ ມີ ດັ່ງນີ້:

  1. ນະຄອນຫຼວງ 213 ຄົນ
  2. ບໍລິຄໍາໄຊ 137 ຄົນ
  3. ໄຊຍະບູລີ 69 ຄົນ
  4. ຫົວພັນ 64 ຄົນ
  5. ຊຽງຂວາງ 49 ຄົນ
  6. ຜົ້ງສາລີ 48 ຄົນ
  7. ເຊກອງ 40 ຄົນ
  8. ສາລະວັນ 39 ຄົນ
  9. ວຽງຈັນ 38 ຄົນ
  10. ອຸດົມໄຊ 38 ຄົນ
  11. ຄໍາມ່ວນ 31 ຄົນ
  12. ຫຼວງພະບາງ 30 ຄົນ
  13. ບໍ່ແກ້ວ 30 ຄົນ
  14. ຫຼວງນໍ້າທາ 21 ຄົນ
  15. ອັດຕະປື 20 ຄົນ
  16. ຈໍາປາສັກ 12 ຄົນ
  17. ໄຊສົມບູນ 11 ຄົນ
  18. ສະຫັວນນະເຂດ 7 ຄົນ

ສ່ວນການຕິດເຊື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດ ມີ 03 ຄົນ ຈາກນະຄອນຫຼວງວຽງຈັນ, ທຸກຄົນໄດ້ເກັບຕົວຢ່າງ ແລະ ເຂົ້າຈຳກັດບໍລິເວນໃນສະຖານທີ່ຄະນະສະເພາະກິດກຳນົດໄວ້ກ່ອນຈະກວດພົບເຊື້ອ.

ສຳລັບຄົນທີ່ເສຍຊີວິດໃໝ່ 12 ຄົນ ຈາກ: ນະຄອນຫຼວງວຽງຈັນ 7 ຄົນ, ແຂວງວຽງຈັນ 02 ຄົນ, ແຂວງຫຼວງນໍ້າທາ 01 ຄົນ ແຂວງເຊກອງ 01 ຄົນ ແລະ ໄຊສົມບູນ 01 ຄົນ.