spot_img
Homeເກມບົດຄວາມເກມ: ມື້ນີ້ໃນອະດີດ ວັນທີ 9 ສິງຫາ

ບົດຄວາມເກມ: ມື້ນີ້ໃນອະດີດ ວັນທີ 9 ສິງຫາ

Published on

ວັນທີ 9 ສິງຫາ ປີ 1996 ຫຼືມື້ນີ້ເມຶ່ອ 20 ປີທີ່ແລ້ວ ເປັນມື້ວາງຈຳໜ່າຍຂອງເກມ Street Fighter Zero 2 (ຫຼື Street Fighter Alpha 2 ໃນປະເທດອື່ນ) ເທິງເຄື່ອງ PS1 ທີ່ປະເທດຍີ່ປຸ່ນ. ໂດຍ Street Fighter Zero 2 ເປັນເກມໄຟຕິ້ງທີ່ເລີ່ມເປີດໃຫ້ບໍລິການເທິງຕູ້ອາເຂດຢອດຫຼຽນກ່ອນທີ່ຈະມາພອຣ໌ດລົງໃຫ້ເຄື່ອງຄອນໂຊລໃນພາຍຫຼັງ ເຊິ່ງເກມມີເນື້ອເລືີ່ອງເປັນຕອນຕໍ່ຈາກ Street Fighter Zero ພາກທຳອິດ (ແຕ່ຈະເປັນເຫດການທີ່ເກີດກ່ອນ Street Fighter II) ພ້ອມກັບມີການປັບແຕ່ງລະບົບຍ່ອຍໃນເກມໃຫ້ດີຂຶ້ນກວ່າພາກທຳອິດພໍສົມຄວນ. 

ສຳລັບພາກ Zero 2 ນີ້ຈະຍັງຄົງເອົາລະບົບຈາກພາກທຳອິດມາຫຼາຍຢ່າງ ທັງລະບົບເກດຊູເປີ້ຄອມໂບທີ່ເກັບໄດ້ຮອດ 3 ເລເວວ, ລະບົບການບລັອກການໂຈມຕີກາງອາກາດ, ລະບົບການຍົກເລີກຫຼັງຈາກຖືກໂຈມຕີຈົນຟົ້ງ. ໂດຍລະບົບທີ່ເພີ່ມເຂົ້າມາໃນພາກນີ້ແມ່ນ Original Combo (ຫຼື Custom Combo ໃນເວີຊັ່ນອັງກິດ) ເຊິ່ງວິທີໃຊ້ກໍຄື ເມື່ອຜູ້ຫຼິ້ນເກັບເກດຊູເປີ້ຄອມໂບໄດ້ຕັ້ງແຕ່ 1 ເລເວວຂຶ້ນໄປ ກໍຈະສາມາດໃຊ້ Original Combo ໄດ້ແປັບໜຶ່ງໄດ້ ແລະລະຫວ່າງນີ້ຜູ້ຫຼິ້ນຈະສາມາດເຂົ້າໄປຕີຄູ່ຕໍ່ສູ້ດ້ວຍທ່າໂຈມຕີທຳມະດາແຕ່ຈະເພີ່ມຈຳນວນ Hit ຫຼາຍຂຶ້ນ ເຮັດໃຫ້ຕໍ່ຄອມໂບໄດ້ຍາວກວ່າການກົດປຸ່ມລົວຄອມໂບປົກກະຕິເປັນ 2 ເທົ່າຈົນກວ່າເກດຊູເປີ້ຄອມໂບຈະໝົດລົງ. ນອກຈາກນີ້ ໂຕລະຄອນ Gouki, M.Bison ແລະ Dan ທີ່ເຄີຍເປັນໂຕລະຄອນລັບໃນ Street Fighter Zero ພາກທຳອິດກໍຈະມີໃຫ້ໃຊ້ໄດ້ແຕ່ທຳອິດເລີຍ ພ້ອມກັບເພີ່ມໂຕລະຄອນ Dhalsim, Zangief, Gen, Rolento ແລະ Sakura ເຂົ້າມາໃໝ່ໃນພາກນີ້ນຳ. 

Fact ເລັກນ້ອຍກ່ຽວກັບເກມ Street Fighter Zero 2

  • ມີຜູ້ຫຼິ້ນຫຼາຍໆຄົນທີ່ອາດຈະບໍ່ຮູ້ມາກ່ອນວ່າ Street Fighter Zero 2 ນັ້ນມີການເຮັດລົງໃຫ້ກັບເຄື່ອງ Super Famicom ທີ່ເປັນເຄື່ອງເຈນກ່ອນໜ້າ PS1 ແຖມຍັງມີສະເປັກທີ່ຕ່ຳກວ່າຫຼາຍ ດັ່ງນັ້ນກຣາບຟິກຂອງເກມຈຶ່ງຫຼຸດລົງໄປຈາກເວີຊັ່ນ PS1 ຢ່າງຊັດເຈນ ນອກຈາກນີ້ທາງທີມພັດທະນາຍັງຈຳເປັນຕ້ອງຕັດລະບົບເຟຣມອອກໄປຈາກການເຄື່ອນໄຫວຂອງໂຕລະຄອນ ເຊິ່ງເປັນເລື່ອງທີ່ຂ້ອນຂ້າງຊີຣຽດຫຼາຍສຳລັບແຟນໆ ເກມນີ້ທີ່ເປັນສາຍ Hardcore ຫຼືສາຍທີ່ມັກໃນການແຂ່ງຂັນ ລວມເຖິງຕ້ອງປັບຫຼຸດຄຸນນະພາບສຽງລົງ ແລະທີ່ຮ້າຍແຮງທີ່ສຸດກໍຄືມີການໂຫຼດກ່ອນສູ້ແຕ່ລະຍົກທຸກເທື່ອທັງໆທີ່ຫຼິ້ນເທິງກະແຊັດ ເຮັດໃຫ້ຄະແນນຣີວິວເວີຊັ່ນ Super Famicom ຈາກບາງສຳນັກອອກມາຕ່ຳທີ່ສຸດໃນບັນດາເກມຂອງ Capcom ໃນຮອບ 20 ປີເລີຍ. 

  • ເຖິງວ່າເກມນີ້ຈະວາງຈຳໜ່າຍກ່ອນ Resident Evil 2 ຮອດ 2 ປີ, ແຕ່ທາງ Capcom ກໍມີການສອດແຊກ Easter Eggs ເຂົ້າໄປໃນເກມ Resident Evil 2 ຢ່າງໜຶ່ງນັ້ນກໍຄືຕອນເລີ່ມຕົ້ນຂອງເນື້ອເລືີອງ A ບໍ່ວ່າຈະເປັນລີອອນຫຼືແຄລ ຈະເຫັນວ່າມີຮ້ານຄ້າແຖວນັ້ນຕິດປ້າຍວ່າ ARUKAS ເຊິ່ງຖ້າໃຜລອງເອົາພະຍັນຊະນະທັງ 6 ໂຕມາວາງກັບດ້ານຊ້າຍ-ຂວາ ກໍຈະໄດ້ເປັນຄຳວ່າ SAKURA ທີ່ເປັນຊື່ຂອງນັກສູ້ສາວໜ້າໃໝ່ທີ່ຫາກ່ອນປະກົດໂຕໃນ Street Fighter Zero 2 ນັ້ນເອງ. 

  • ໃນສາກເລືອກໂຕລະຄອນຖ້າຜູ້ຫຼິ້ນເລື່ອນເຄີເຊີ້ໄປທີ່ Gouki (ຫຼື Akuma ໃນເວີຊັ່ນອັງກິດ) ແລ້ວກົດປຸ່ມ Select ຄ້າງໄວ້ ຈາກນັ້ນກົດປຸ່ມລຸ່ມ, ຂວາ, ຂວາ, ລຸ່ມ, ຊ້າຍ, ລຸ່ມ, ຊ້າຍ, ລຸ່ມ, ຂວາ, ຂວາ, ຂວາ, ພ້ອມກັບກົດປຸ່ມຊົກຫຼືເຕະ ເມື່ອແລ້ວໆໃຫ້ປ່ອຍປຸ່ມ Select ກໍຈະໄດ້ໂຕລະຄອນ Shin Gouki (ຫຼື Super Akuma) ມາໃຊ້. 

  • ຄືກັນກັບຂໍ້ດ້ານເຖິງ ເມື່ອຜູ້ຫຼິ້ນເລື່ອນເຄເຊີ້ໄປທີ່ Chun-Li ແລ້ວກົດປຸ່ມ Select ຄ້າງໄວ້ 5 ວິນາທີ ຈາກນັ້ນກົດປຸ່ມຊົກຫຼືເຕະ ກໍຈະໄດ້ Chun-Li ໃນຊຸດຢູນິຟອຣ໌ມດັ້ງເດີມ (ສະໄໝ Street Fighter II) ມາໃຊ້ທັນທີ. 

ສຳລັບທ່ານໃດທີ່ຮັກໃນການອ່ານຂ່າວໄອທີ ແລະ ເກມ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ:online station

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...