spot_img
Homeຂ່າວທ້ອງຖິ່ນບຸນອອກພັນສາປະວໍຣະນາ ແລະ ບຸນຊ່ວງເຮືອ ປະຈໍາປີ ພສ 2566 ຄສ 2023 ຂອງເມືອງໄຊຍະບູລີ

ບຸນອອກພັນສາປະວໍຣະນາ ແລະ ບຸນຊ່ວງເຮືອ ປະຈໍາປີ ພສ 2566 ຄສ 2023 ຂອງເມືອງໄຊຍະບູລີ

Published on

ເມືອງໄຊຍະບູລີ ແຈ້ງຂ່າວບຸນປະເພນີການຈັດງານບຸນອອກພັນສາປະວໍຣະນາ ແລະ ບຸນຊ່ວງເຮືອ ປະຈໍາປີ ພສ 2566 ຄສ 2023 ຂອງເມືອງໄຊຍະບູລີ,
– ອີງຕາມ ແຜນພັດທະນາເສດຖະກິດ, ວັດທະນະທໍາ-ສັງຄົມ ຂອງເມືອງວາງອອກ ໂດຍສະເພາະແມ່ນການ ສົ່ງເສີມວັດທະນະທໍາ, ຮີດຄອງປະເພນີອັນດີງາມຂອງຊາດ, ຂອງທ້ອງຖິ່ນ;
ອີງຕາມ ຮີດຄອງປະເພນີອັນດີງາມທີ່ເຄີຍປະຕິບັດກັນມາໃນແຕ່ລະປີ ໂດຍສະເພາະແມ່ນ ບຸນປະເພນີອອກພັນ ສາປະວໍຣະນາ ແລະ ບຸນຊ່ວງເຮືອ ປະຈໍາປີ 2023 ຂອງເມືອງໄຊຍະບູລີ.

ເຈົ້າເມືອງໄຊຍະບູລີ, ໃນນາມປະທານຈັດງານບຸນອອກພັນສາປະວໍຣະນາ ແລະ ບຸນຊ່ວງເຮືອ ປະຈໍາປີ ພສ 2566, ຄສ 2023 ຂໍຖືເປັນກຽດແຈ້ງຂ່າວມາຍັງບັນດາທ່ານຊາບວ່າ: ໃນລະຫວ່າງ ວັນທີ 20-30 ຕຸລາ 2023 ນີ້, ອົງການປົກຄອງເມືອງ ພ້ອມດ້ວຍພໍ່ແມ່ປະຊາຊົນພາຍໃນເທດສະບານເມືອງໄຊຍະບູລີ ຈະໄດ້ຈັດງານບຸນອອກພັນສາປະວໍຣະນາ ແລະ ບຸນຊ່ວງເຮືອ ປະຈໍາປີ 2023 ຂຶ້ນຢ່າງເປັນທາງການ ຢູ່ບໍລິເວນແຄມນໍ້າ ຮຸ່ງ (ທ່າບ້ານປົ່ງ) ເທດສະບານເມືອງໄຊຍະບູລີ ລາຍລະອຽດມີກິດຈະກໍາການເຄື່ອນໄຫວຕ່າງໆດັ່ງນີ້: – ວັນທີ 20 ຕຸລາ 2023 ພິທີເປີດຕະຫຼາດນັດຢ່າງເປັນທາງການ ຢູ່ທີ່ຜາມໄຊທ່າຊ່ວງເຮືອບ້ານປົ່ງ. ວັນທີ 21-24 ຕຸລາ 2023 ທ່ຽວຊົມຕະຫຼາດນັດວາງສະແດງສິນຄ້າ.

– ວັນທີ 25 ຕຸລາ 2023 ປະກວດນັກຮ້ອງສຽງດີ; ທ່ຽວຊົມຕະຫຼາດນັດວາງສະແດງສິນຄ້າ; ການສະແດງ ສິລະປະວັນນະຄະດີ.
ວັນທີ 26 ຕຸລາ 2023 ພິທີເປີດການປະກວດນາງສາວງາມເຮືອຊ່ວງປະຈໍາປີ ພສ 2566 ຄສ 2023 (ເດີ່ນ ຜາມໄຊ); ທ່ຽວຊົມຕະຫຼາດນັດວາງສະແດງສິນຄ້າ.
ວັນທີ 27 ຕຸລາ 2023 ພິທີເປີດການແຂ່ງຂັນກອງຫາງ (ເດີ່ນຜາມໄຊ); ທ່ຽວຊົມຕະຫຼາດນັດວາງສະແດງ ສິນຄ້າ; ຊົມການສະແດງສິລະປະວັນນະຄະດີ.
– ວັນທີ 28 ຕຸລາ 2023 ເປີດຕະຫຼາດຂາຍສິນຄ້າຜົນຜະລິດກະສິກໍາ ແລະ ພືດຜັກຕ່າງໆ (ເລາະລາດ ແຕ່ 4 ແຍກ ຮ້ານເຂົ້າປຽກບ້າເພັງ ບ້ານສີມຸງຄຸນ ຫາ ກອງບັນຊາການ ປກສ ເມືອງ); ທ່ຽວຊົມຕະຫຼາດນັດວາງສະແດງ ສິນຄ້າ; ຊົມການສະແດງສິລະປະວັນນະຄະດີຂອງແຕ່ລະໂຮງຮຽນ ແລະ ບ້ານ.

– ວັນທີ 29 ຕຸລາ 2023 ຊົມການແຂ່ງຂັນເຮືອໄວເພດຍິງ; ຊົມການປະກວດເຮືອໄຟທໍາມະຊາດ; ປ່ອຍເຮືອ ໄຟນ້ອຍ; ຊົມການແຂ່ງຂັນຈຸດບັ້ງໄຟດອກ;
– ວັນທີ 30 ຕຸລາ 2023 ເປີດພິທີການແຂ່ງຂັນຊ່ວງເຮືອຢ່າງເປັນທາງການ; ຊົມການແຂ່ງຂັນເຮືອງາມ; ຊົມ ການແຂ່ງຂັນເຮືອໄວເພດຊາຍ.
ດັ່ງນັ້ນ, ຈຶ່ງຂໍປະກາດແຈ້ງຂ່າວມາຍັງບັນດາທ່ານທຸກພາກສ່ວນທັງພາຍໃນ ແລະ ຕ່າງປະເທດເພື່ອຮັບ ຊາບ ແລະ ເຂົ້າຮ່ວມງານບຸນພ້ອມທັງໄປຊົມໄປເຊຍການແຂ່ງຂັນເຮືອຊ່ວງດັ່ງກ່າວ,
ດ້ວຍຄວາມນັບຖືຢ່າງສູງ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...