spot_img
Homeຍ້ອງຍໍຄົນດີເດັ່ນບຸນຍະແສງ ນະຊຽງຄຳ ຄູຝຶກກີລາດອກປີກໄກ່ ລະດັບສາກົນ ຄົນທຳອິດຂອງ ສ.ປ.ປ ລາວ

ບຸນຍະແສງ ນະຊຽງຄຳ ຄູຝຶກກີລາດອກປີກໄກ່ ລະດັບສາກົນ ຄົນທຳອິດຂອງ ສ.ປ.ປ ລາວ

Published on

ສະຫະພັນກິລາ ດອກປີກໄກ່ແຫ່ງຊາດລາວ ມີຂ່າວສານມາແຈ້ງ ບັນດາທ່ານນັກກິລາ ແລະ ຄູຝຶກດອກປີກໄກ່ທົ່ວປະເທດຊາບ ໃນຜົນສຳເລັດຂອງສະຫະພັນ ທີ່ເຮັດໄດ້ກໍ່ຄື: ບຸນຍະແສງ ນະຊຽງຄຳ ຄູຝຶກດອກປີກໄກ່ ລະດັບສາກົນຄົນທຳອິດຂອງ ສ.ປ.ປ ລາວ ທີ່ສຳເລັດໃນຫລັກສູດ International Coaching Course 2016 ທີ່ ເມືອງບູດາເປສ ປະເທດຮັງກາລີ ເຊິ່ງໄດ້ຮັບການສະໜັບສະໜູນ ແລະ ຢັ້ງຢືນຈາກ ຄະນະກຳມະການ ໂອແລມປິກສາກົນ.

561_sub_1

ເຖິງແມ່ນວ່າ ຜູ້ກ່ຽວຈະເຮັດວຽກຮ່ວມກັບ ສະຫະພັນກິລາ ດອກປີກໄກ່ແຫ່ງຊາດລາວ ມາເປັນເວລາເກືອບ 10 ປີແລ້ວກໍ່ຕາມ ໃນຖານະກຳມະການ ຈັດການແຂ່ງຂັນ ແລະ ເລຂານຸການຂອງ ສະຫະພັນ ແຕ່ໃນດ້ານເຕັກນິກ ກ່ຽວກັບກິລາດອກປີກໄກ່ນັ້ນ ຜູ້ກ່ຽວເກືອບບໍ່ມີຄວາມຮູ້ ໃນກິລານີ້ເລີຍ ແຕ່ດ້ວຍການສະໜັບສະໜູນ ຈາກຜູ້ໃຫຍ່ກໍ່ຄື ຄະນະກຳມະການ ກິລາໂອແລມປິກແຫ່ງຊາດລາວ ເວົ້າລວມ ເວົ້າສະເພາະກໍ່ຄື ສະຫະພັນກິລາ ດອກປີກໄກ່ແຫ່ງຊາດລາວ ໄດ້ຕັດສິນໃຈສົ່ງ ຜູ້ກ່ຽວເຂົ້າຮ່ວມຄັດເລືອກ ເພື່ອໄປຮຽນໃນດ້ານຄູຝຶກ ກິລາດອກປີກໄກ່ ໃນລະດັບສາກົນ.

ເຖິງຢ່າງໃດກໍ່ຕາມ ຈາກປະສົບການເຮັດວຽກທີ່ຜ່ານມາ ແລະ ລະດັບການສຶກສາ ຈົບປະລິນຍາໂທ ດ້ານການບໍລິຫານ ໄດ້ເຮັດໃຫ້ແບບຟອມຂອງຜູ້ກ່ຽວ ສາມາດຜ່ານການຄັດເລືອກ ເຂົ້າຮຽນໃນຫລັກສູດ ຄູຝຶກລະດັບສາກົນນີ້ໄດ້.

ຜ່ານການຮ່ຳຮຽນ ຫລັກສູດດັ່ງກ່າວ ມາເປັນເວລາ 3 ເດືອນເຕັມ (20 ມີນາ ເຖິງ 15 ມິຖຸນາ 2016) ທັງດ້ານທິດສະດີຈຳນວນ 12 ວິຊາ ແລະ ພາກປະຕິບັດຕົວຈິງ ພ້ອມດ້ວຍການນຳສະເໜີ ບົດວິທະຍານິພົນ, ບຸນຍະແສງ ກໍ່ສາມາດຜ່ານການສອບເສັງໄດ້ ແລະ ໄດ້ຄະແນນໃນລຳດັບທີ 9 ຈາກບັນດາຄູຝຶກທີ່ເຂົ້າຮ່ວມ ຝຶກອົບຮົມທັງຫມົດ 26 ຄົນຈາກທັງຫມົດ 24 ປະເທດໃນທົ່ວໂລກ ເຊິ່ງຈັດຢູ່ໃນລະດັບດີ ຜົນງານທີ່ຍາດໄດ້ນັ້ນ ຜູ້ກ່ຽວກໍ່ມີແຜນການ ທີ່ຈະຈັດຝຶກອົບຮົມ ໃຫ້ແກ່ບັນດາຄູຝຶກ ກິລາດອກປີກໄກ່ ພາຍໃນທົ່ວປະເທດໃນໄວໆນີ້.

ຈາກຜົນທີ່ໄດ້ຮັບເຫັນວ່າ ເປັນບາດກ້າວທຳອິດ ໃນເວທີສາກົນ ທີ່ຄູຝຶກດອກປີກໄກ່ຂອງ ສ.ປ.ປ ລາວ ກໍ່ສາມາດຍາດໄດ້ ຜົນງານທີ່ດີເຊັ່ນກັນ ເປັນບາດກ້າວໃຫມ່ ໃຫ້ແກ່ວົງການກິລາ ດອກປີກໄກ່ລາວ ແລະ ກໍ່ຫວັງວ່າຈະມີ ຄູຝຶກດອກປີກໄກ່ ລະດັບສາກົນຂອງ ສ.ປ.ປ ລາວ ຄົນຕໍ່ໄປອີກຕື່ມເຊັ່ນກັນ.

 

ຂອບໃຈຂໍ້ມູນ ແລະ ພາບຈາກ ສະຫະພັນກິລາ ດອກປີກໄກ່ແຫ່ງຊາດລາວ

ຂ່າວຈາກ: http://laosportnews.com/index.php/news/article/561

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...