spot_img
Homeອຸບັດເຫດແລະປາກົດການຫຍໍ້ທໍ້ບຸກຈັບຜູ້ຄ້າເຮໂຣອິນ 3 ໂລກວ່າພ້ອມປືນຫຼາຍກະບອກ

ບຸກຈັບຜູ້ຄ້າເຮໂຣອິນ 3 ໂລກວ່າພ້ອມປືນຫຼາຍກະບອກ

Published on

ໃນວັນທີ 28 ມັງກອນ 2018, ເຈົ້າໜ້າທີ່ພະແນກຕໍາຫຼວດກັດກັ້ນ ແລະ ຕ້ານຢາເສບຕິດ ປກສ ແຂວງຫົວພັນ ຫາກໍ່ໄດ້ຈັບລາຍໜຶ່ງໝາດໆ ໂດຍສົມທົບກັບກໍາລັງວິຊາສະເພາະ ປກສ ເມືອງ ເຂົ້າກວດຄົ້ນເຮືອນຂອງ ທ້າວ ຈົງເຕັ່ງ ອາຍຸ 53 ປີ ບ້ານວຽງຮັງ ເມືອງສົບເບົາ ແຂວງຫົວພັນ ເຊິ່ງເປັນເປົ້າໝາຍຄ້າຂາຍຢາເສບຕິດ ພົບເຫັນເຮໂຣອິນ 10 ເແທ່ງ ພ້ອມອາວຸດປືນ ແລະ ລູກກະສຸນຫຼາຍຊະນິດ.

ເຈົ້າໜ້າທີ່ ປກສ ແຂວງຫົວພັນ ໃຫ້ຮູ້ວ່າ: ພາຍຫຼັງສືບຮູ້ວ່າ ທ້າວ ຈົງເຕັ່ງ ໄດ້ລັກລອບເອົາເຮໂຣອິນມາຊຸກເຊື່ອງໄວ້ຢູ່ເຮືອນຂອງຜູ້ກ່ຽວ ຈຶ່ງໄດ້ຈັດຕັ້ງກຳລັງລົງເກັບກຳຂໍ້ມູນຕາມແຫຼ່ງຂ່າວທີ່ໄດ້ມາເຫັນວ່າມີມູນຄວາມຈິງ. ຮອດວັນທີ 28 ມັງກອນ 2018 ຈຶ່ງໄດ້ປະສານສົມທົບກັບກອງບັນຊາການ ປກສ ເມືອງສົບເບົາ ແລະ ພາກສ່ວນທີ່ກ່ຽວຂ້ອງ ພ້ອມດ້ວຍອຳນາດການປົກຄອງບ້ານ ດັ່ງກ່າວ ນຳກຳລັງເຈົ້າໜ້າທີ່ເຂົ້າປິດລ້ອມເຮືອນຂອງເປົ້າໝາຍເພື່ອກວດຄົ້ນຕົວຈິງ.

ຜ່ານການກວດຄົ້ນແມ່ນພົບເຮໂຣອິນ ຈຳນວນ 10 ແທ່ງ ໜັກ 3,8 ກຼາມ ພ້ອມດ້ວຍອາວຸດປືນຫຼາຍກະບອກເປັນຕົ້ນປືນ 59 ຈໍານວນ 1 ກະບອກ, ປືນວີແຢັດ 1 ກະບອກ, ປືນຍິງລູກອັດ 1 ກະບອກ ແລະ ປືນແວ່ງ 1 ກະບອກ ພ້ອມລູກກະສູນປືນອາກາ 10 ລູກ, ລູກ 59 10 ລູກ, ລູກຊອງ 4 ລູກ ແລະ ລູກປືນວີແຢັດ 14 ລູກ. ດັ່ງນັ້ນ, ຈຶ່ງໄດ້ຈັບຕົວທ້າວ ຈົງເຕັ່ງ ມາດຳເນີນການສືບສວນ-ສອບສວນຂະຫຍາຍຜົນ. ທ້າວ ຈົງເຕັ່ງ ສາລະພາບແລ້ວວ່າ: ເຮໂຣອິນ ແລະ ອາວຸດປືນຈໍານວນນັ້ນ ເປັນຂອງຜູ້ກ່ຽວແທ້.

 

ແຫລ່ງຂ່າວ: ໜັງສືພິມ ປກສ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...