spot_img
Homeຂ່າວພາຍ​ໃນບັນຫາຄູອາສາ ສອນມາ 9 ປີ ບໍ່ໄດ້ບັນຈຸເຂົ້າລັດຖະກອນ

ບັນຫາຄູອາສາ ສອນມາ 9 ປີ ບໍ່ໄດ້ບັນຈຸເຂົ້າລັດຖະກອນ

Published on

ບັນຫາຄູອາສາທີ່ເຮັດວຽກສອນມາດົນນານ ແຕ່ຍັງບໍ່ໄດ້ເຂົ້າລັດຖະກອນ.

ຈາກຜູ້ໃຊ້ເຟສບຸກຊື່ “ດາວັນ ຂາຍເຄື່ອງອອນລາຍ” ໄດ້ໂພສວ່າ:

ຝາກຊ່ວຍກົດໄລ້ແຊແດ່ເດີທຸກຄົນ ບາງທີມີຜູ້ໃຈບຸນເພິ່ນຢາກຊ່ວຍເຫຼືອຕໍ່ເປັນທຶນຮອນເພື່ອສູ້ຊີວິດຕໍ່ໄປ

ໂລກນີ້ໂຫດຮ້າຍເກີນນໍຄືບໍ່ຍຸດຕິທຳກັບຂ້ອຍເເທ້ເດຮຽນມາ 5 ປີຈົບປະລິນຍາຕີໂຄດວ່າທຸກແລ້ວ ຈົບມາເຮັດວຽກທຸກ 10 ເທົ່າ ສອນບໍ່ໄດ້ເງິນຈັກເທື່ອມີແຕ່ລໍໆອົດທົນບອກໃຈໂຕເອງມາຕະຫຼອດ.

ຈົນມາຮອດ 9 ປີ 3 ເດືອນ ສຸດມັກຮັກໃນອາຊີບແຕ່ອາຊີບສູ້ກັບບໍ່ໄຫວຖອຍອອກມາຈາກອາຊີບຄູ, ບາງທີອາຊີບອື່ນອາດເໝາະສົມກັບເຮົາກ່ອນນີ້, ເຄີຍມີຄວາມຄິດຢາກຮຽນສູງໆຈົບມາມີເງິນເດືອນໃຫ້ແມ່ເອຶ້ອຍນ້ອງພູມໃຈລູກຂໍໂທດເດແມ່ເອຶ້ອຍນ້ອງ

ຄິດວ່າຊິສູ້ຕໍ່ແຕ່ໜັກເກີນກຳລັງ, ຄິດໃນໃຈວ່າຖ້າໄດ້ລັດຖະກອນມື້ໃດເງິນກ້ອນແລກຊິບໍ່ໃຊ້ຊິໃຫ້ແມ່ເອຶ້ອຍນ້ອງຜູ້ທຸກນຳຜູ້ຊຸກຍູ້ເຮົາຮຽນ, ສຸດທ້າຍກະໄປບໍ່ຮອດຝັ່ງຝັນ, ລູກຂໍໂທດເດີແມ່ເອຶ້ອຍນ້ອງທຸກຄົນ

ສູ້ບໍ່ໄຫວອີຫຼີສະພາບແວດລ້ອມຄູ່ມື້ແມ່ນໃຊ້ແຕ່ເງິນ, ເຮົາບໍ່ມີເວລາຫາເງິນມີແຕ່ເວລາໄປສອນເບິດມື້ເບິດເດືອນບໍ່ໄດ້ເງິນເດືອນ, ຂະໜາດພະນັກງານມີເງິນເດືອນເງິນອອກຊ້າມື້ 1-2 ຍັງຮ້ອງໂອຍໆ ບາດທີ່ເຮົາຄູອາສາ 9 ປີເງິນເດືອນບໍ່ອອກ, ເວລາມີງານຈັດງານເກັບເງິນກັນກະວ່າຄູອາສາກະເກັບເດີສາມະຄີ.

ຄິດໄດ້ແນວໃດວ່າສາມະຄີເງິນເດືອນບໍ່ມີຈັກກີບບໍ່ເຫັນໃຈກັນແດ່ນໍເຫັນຜັກຫອມຫ້ຽນແຄມທາງຢ່າຟ້າວຢ່ຳບາດປີ້ນປົ່ງໃບຍັງຊິໄດ້ໃສ່ລາບກ້ອຍດອກນາ, ເຮົາສູ້ມາຮອດຈຸດນີ້ໃຜວ່າຂ້ອຍບໍ່ເກັ່ງກະຢ່າຂ້ອຍສູ້ສຸດແລ້ວດິ້ນລົ້ນທຸກຢ່າງໃຫ້ມີຄືໝູ່ເສື້ອຜ້າເຄື່ອງຂອງຕັດໄໝ່ໃສ່ຊຸດໄໝ່ ດິ້ນລົນຫາເງິນໄປນຳສອນໄປນຳຍ້ອນຢາກໄດ້ມີຄືໝູ່, ໝູ່ໃສຊຸດໝ່ເຮົາກະໄໝ່ຄືກັນ.

ເມື່ອຍດິ້ນລົນຂໍລາມາເປັນນາຍໂຕເອງບາດນິ ສອນໄປວັນໆແບບບໍ່ມີຄວາມຫວັງສ່ຳງົມເຂັ້ມໃນທະເລ ສຸດທ້າຍຈຳເປັນຕ້ອງໄດ້ຖອຍອອກມາຍ້ອນເຮົາຄົນຈົນເງິນນ້ອຍສອນຫຼາຍປີສ່ຳໃດກະບໍ່ໄດ້ລັດຖະກອນ, ບາດລູກເຈົ້າລູກນາຍມານຳຫຼັງດັງກ່ອນໄດ້ລັດຖະກອນ.

ໂລກນີ້ຕັ້ງລຳອ່ຽງນໍ, ຖ້າໂລກນີ້ເປັນແບບນີ້ປະເທດຊາດບ້ານເມືອງຊິຈະເລີນກ້າວໜ້າແນວໃດ ແຕ່ລະປີຕ້ອງມີພະນັກງານຄູອາສາດີໆເຮັດດ້ວຍໃຈຕັ້ງໃຈສອນໄປໂດຍບໍ່ຫວັງສິ່ງຕອບແທນ ,ສູ້ຈົນເບິດແຮງແຕ່ກະສູ້ລູກເຈົ້າຫຼານນາຍບໍ່ໄດ້ ພັກລັດຕັ້ງບໍ່ເຫັນໃຈຜູ້ເງິນນ້ອຍນໍ.

ເຫັນແຕ່ຜູ້ມີອຳນາດມີເສັ້ນມີສາຍຈົບມາລະໄດ້ບັນຈຸລັດຖະກອນໂລດ, ເຮົາຜູ້ຄົນຈົນຮຽນມາກະໃຊ້ເງິນຫຼາຍລ້ານຄືກັນກັບລູກເຈົ້າຫຼານນາຍຫະແລະ ບໍ່ໄດໃຊ້ໃບໄມ້ຮຽນດອກກ່ວາຊິຈົບແມ່ຂາຍງົວ ຄວາຍເບິດເປັນຄອກ, ຕົ້ນໄມ້ໄຮ່ນາຮົ້ວສ່ວນຂາຍເບິດເພື່ອໃຫ້ລູກໄດ້ຮ່ຳຮຽນ ພີມນຳນ້ຳຕາໄຫຼນຳບໍ່ຢາກໃຫ້ແຕ່ມັນໄຫຼອອກເອງ.

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...