spot_img
Homeທົ່ວໄປບັນຍາກາດການຂາຍດອກໄມ້ໃນຊ່ວງເທສະການວາເລນທາຍ

ບັນຍາກາດການຂາຍດອກໄມ້ໃນຊ່ວງເທສະການວາເລນທາຍ

Published on

ວັນທີ 14 ກຸມພາ ວັນແຫ່ງຄວາມຮັກ (Valentine’s Day) ຫຼືເອີ້ນອີກຊື່ໜຶ່ງແມ່ນ ວັນນັກບຸນວາເລນທາຍ (Saint Valentine’s Day) ເຊິ່ງກົງກັບວັນທີ 14 ກຸມພາຂອງທຸກປີ ທີ່ເກືອບທຸກປະເທດຕ່າງພາກັນສະຫຼອງ ໂດຍສະເພາະໃນເຂດຕາເວັນຕົກຈະມີການສະເຫຼີມສະຫຼອງຢ່າງຍິ່ງໃຫຍ່ ແລະ ແນ່ນອນຢູ່ແລ້ວວ່າວັນວາເລນທາຍ ແມ່ນຂອງຄູ່ກັນກັບດອກໄມ້.

ທ່ານນາງ ແກ້ວ ວົງສົມບັດ ອາຍຸ 44 ປີ ເຈົ້າຂອງຮ້ານແກ້ວດອກໄມ້ສົດ ສະຖານທີ່ຕັ້ງຢູ່ທີ່ບ້ານໂພນສະຫວັນ ເມືອງສີສັດຕະນາກ ນະຄອນຫຼວງວຽງຈັນ ໄດ້ໃຫ້ສຳພາດກ່ຽວກັບບັນຍາກາດການຂາຍດອກໄມ້ໃນຊ່ວງເທສະການວາເລນທາຍ ຕໍ່ທີມງານລາວໂພສນີ້ວ່າ: ຮ້ານແກ້ວດອກໄມ້ສົດນີ້ເປີດມາໄດ້ກວ່າ 12 ປີ ແລ້ວ ເຊິ່ງທາງຮ້ານຈະຂາຍດອກໄມ້ແຫ້ງ, ດອກໄມ້ສົດ, ດອກໄມ້ຢາງ, ເບັນຈະມາດ, ຈະເປັນພວກດອກໄມ້ບູຊາ ເປັນຕົ້ນ.

ບັນຍາກາດໃນການຂາຍດອກໄມ້ໃນໄລຍະນີ້ຖືວ່າ: ມີຄວາມຄຶກຄື້ນຫຼາຍ, ມ່ວນ ແລະ ໃຄກວ່າຫຼາຍໆປີທີ່ຜ່ານມາເນື່ອງຈາກວ່າຊ່ວງນີ້ໃເປັນຊ່ວງເທສະການວັນວາເລນທາຍ ກໍຈະມີຄົນເຂົ້າມາສັ່ງຊື້ຢ່າງຫຼວງຫຼາຍ.

ສຳລັບໃນປີທີ່ຜ່ານມາໂດຍສະເພາະແມ່ນຊ່ວງໄລຍະການລະບາດຂອງພະຍາດໂຄວິດ 19 ຖືກໄດ້ວ່າປະສົບປັນຫາຫຼາຍບໍ່ວ່າແຕ່ຮ້ານຂອງເຮົາ, ເນື່ອງຈາກວ່າມີການລະບາດໃຜກໍບໍ່ສາມາດອອກບ້ານໄດ້ ແລະ ທຸກຮ້ານກໍໄດ້ຮັບຜົນກະທົບເລື່ອງລາຍຮັບບໍ່ໄດ້ດີປານໃດ, ເຊິ່ງປີນີ້ຖືວ່າດີຂຶ້ນຫຼາຍ ເນື່ອງຈາກມີການຄວບຄຸມໂຄວິດ-19 ຈຶ່ງສາມາດເປີດຮ້ານໄດ້ເປັນປົກກະຕິ ແລະ ມີການຈັດງານເທສະການຕ່າງໆຫຼາຍຂຶ້ນ.

ສ່ວນດອກໄມ້ທີ່ທາງຮ້ານເຮົາຂາຍດີທີ່ສຸດ ແມ່ນດອກກຸຫຼາບ, ໄຮເລນເຍຍ, ດອກຕາເວັນ, ລິນລີ້ ເປັນຕົ້ນ, ແລະ ກຸ່ມຄົນທີ່ມາຊຶ້ສ່ວນໃຫຍ່ແລ້ວເປັນໄວລຸ້ນເປັນອັນດັບ 1 ຕໍ່ມາກໍແມ່ນພະນັກງານທີ່ວ່າມີການຊື້ໄປມອບ ຫຼື ເຊີໄພ້ໃຫ້ກັນ ແລະ ສຸດທ້າຍກໍແມ່ນຄອບຄົວ.

ບົດຄວາມຫຼ້າສຸດ

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....

ເສຍຫາຍໜັກ! ມູນຄ່າຄວາມເສຍຫາຍຈາກເຫດການໄຟໄໝ້ ທີ່ບ.ນາໝີ ມ. ໄຊ ຂ.ອຸດົມໄຊ

ເສຍຫາຍມູນຄ່າ 22 ຕື້ກວ່າກີບ ແລະ 2 ລ້ານກວ່າຢວນ ຈາກເຫດການໄຟໄໝ້ ທີ່ບ.ນາໝີ ມ. ໄຊ ຂ.ອຸດົມໄຊ ອິງຕາມບົດລາຍງານ ຂອງພະແນກ ແຮງງານ ແລະ...