ບຣາຊິນເປີດປະເທດຮັບນັກທ່ອງທ່ຽວບໍ່ຫວັນການລະບາດໂຄວິດ-19

ເວັບໄຊ posttoday ລາຍງານວ່າ ລັດຖະບານບຣາຊິນເປີດນ່ານຟ້າຮັບນັກທ່ອງທ່ຽວຕ່າງຊາດເຂົ້າປະເທດເມື່ອວັນທີ 29 ກໍລະກົດ ທີ່ຜ່ານມາ ຫຼັງຈາກສັ່ງຫ້າມທ້ຽວບິນທຸລະກິດເຂົ້າປະເທດເດືອນມິຖຸນາທີ່ຜ່ານມາ.

ພາຍໃຕກົດໝາຍສະບັບນີ້,​ບຣາຊິນເປີດຊາຍແດນຮັບນັກທ່ອງທ່ຽວຈາກທຸກປະເທດ ໂດຍນັກທ່ອງທ່ຽວຕ້ອງມີປະກັນສຸຂະພາບຄວບຄຸມຕະຫຼອດໄລຍະເວລາທີ່ທ່ອງທ່ຽວໃນບຣາຊິນ ແຕ່ນອກຈາກຂໍ້ກຳນົດດັ່ງກ່າວທາງລັດຖະບານບຣາຊິນບໍ່ໄດ້ເປີດເຜີຍລາຍລະອຽດເພີ່ມເຕີມໃນການຕັດສິນໃຈເປີດປະເທດທ່າມກາງການລະບາດຢ່າງໜັກຂອງໄວຣັດໂຄວິດ-19.

ບຣາຊິນເປັນປະເທດທີ່ມີຜູ້ຕິດເຊື້ອໂຄວິດ-19 ຫຼາຍທີ່ສຸດເປັນອັນດັບ 2 ຂອງໂລກ ເຊິ່ງຕົວເລກປັດຈຸບັນຢູ່ທີ່ 2,555,518 ຄົນ ທັງນີ້, ປະເທດເພື່ອນບ້ານຂອງບຣາຊິນຢ່າງ: ​ໂຄລໍາເບຍ,​ ອາເຈນຕີນາ, ເປຣູ ທີ່ມີການລະບາດໜ້ອຍກວ່າບຣາຊິນຍັງຄົງປິດນ່ານຟ້າຢູ່.

 

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.