spot_img
Homeຂ່າວການພັດທະນານ.ວ ກຽມລົງແກ້ໄຂຄວາມບໍ່ເປັນລະບຽບ ຕາມເສັ້ນທາງໃນຕົວເມືອງ ຕາມທິດຊີ້ນຳທ່ານນາຍົກ

ນ.ວ ກຽມລົງແກ້ໄຂຄວາມບໍ່ເປັນລະບຽບ ຕາມເສັ້ນທາງໃນຕົວເມືອງ ຕາມທິດຊີ້ນຳທ່ານນາຍົກ

Published on

ພາຍຫລັງທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ຊີ້ນໍາຢູ່ກອງປະຊຸມ ລັດຖະບານປະຈໍາເດືອນພະຈິກຜ່ານມາວ່າ ໃຫ້ພາກສ່ວນກ່ຽວຂ້ອງ ເລັ່ງແກ້ໄຂສະພາບຄວາມບໍ່ເປັນລະບຽບຮຽບຮ້ອຍ ຕາມເສັ້ນທາງໃນຕົວເມືອງໂດຍໄວ, ໂດຍສະເພາະບັນຫາການກໍານົດສະຖານທີ່ຈອດລົດ ແລະ ການເກັບເງິນຄ່າຝາກລົດຢູ່ຕາມຈຸດຕ່າງໆໃນຕົວເມືອງ ທີ່ມີສຽງຈົ່ມວ່າຈາກສັງຄົມ ກ່ຽວກັບຄວາມບໍ່ສອດຄ່ອງ ແລະ ໂປ່ງໃສ ລວມເຖິງການແກ້ໄຂ ບັນຫາສິ່ງກີດຂວາງການສັນຈອນຕາມເສັ້ນທາງ ເປັນຕົ້ນ: ການຂາຍເຄື່ອງໃສ່ແຄມທາງ, ທາງຍ່າງ (ຟຸດບາດ) ແລະ ຈອດລົດແບບຊະຊາຍ, ການເອົາວັດຖຸຕ່າງໆມາຕັ້ງຕັນຕາມແຄມທາງ ແລະ ການຕິດຕັ້ງປ້າຍໂຄສະນາ, ການຕໍ່ເທີບ-ເງີບທີ່ບໍ່ຖືກຕ້ອງຕາມລະບຽບການຕ່າງໆ ໃຫ້ໝົດໄປຢ່າງຂາດຕົວ. ສະນັ້ນເມື່ອບໍ່ດົນມານີ້, ພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ, ຈຶ່ງໄດ້ຈັດກອງປະຊຸມປຶກສາຫາລື ຮ່ວມກັບຂະແໜງການກ່ຽວຂ້ອງອື່ນໆ ເພື່ອກະກຽມລົງຈັດສັນຄວາມເປັນລະບຽບຮຽບຮ້ອຍ ຕາມເສັ້ນທາງໃນຕົວເມືອງໃນໄວໆນີ້, ຊຶ່ງກໍານົດເຂດທີ່ຈະໄດ້ລົງແກ້ໄຂບັນຫາການຈອດລົດຊະຊາຍ ແລະ ຂາຍເຄື່ອງບໍ່ເປັນລະບຽບຢູ່ເຂດໂຮງແຮມລ້ານຊ້າງ, ສໍານັກງານໃຫຍ່ ທະນາຄານການຄ້າຕ່າງປະເທດລາວມະຫາຊົນ, ເຂດຮ້ານອາຫານຂອບໃຈເດີ, ຖະໜົນສາມແສນໄທ, ເຂດກົມບໍ່ແຮ່, ຖະໜົນລ້ານຊ້າງ, ເຂດຕະຫລາດເຊົ້າ, ຖະໜົນຂຸນບູລົມ, ຕໍ່ໜ້າໄປສະນີ, ຖະໜົນເປ3 (P3), ຖະໜົນເຈົ້າອານຸວົງ, ຖະໜົນເຕ2 (T2), ເຂດຕະຫລາດແລງໜອງດ້ວງ, ເສັ້ນທາງແຕ່ສະຫວ່າງ-ດົງໂດກ, ໂຮງໝໍ 150 ຕຽງ, ເສັ້ນທາງຕໍ່ໜ້າໂຮງແຮມດອນຈັນພາເລດ, ຖະໜົນຄູວຽງ, ຖະໜົນດົງປາລານ, ດົງປາຍນາ, ຖະໜົນ ໄກສອນ ພົມວິຫານ, ທາດຫລວງ, ໂພນພະເນົາ, ກໍາແພງເມືອງ, ສຸພານຸວົງ, ຟ້າງຸ່ມ, ຕໍ່ໜ້າໂຮງຮຽນປາກປາສັກ, ແຄມຂອງ, ໜ້າພັດຕະຄານໄຜ່ໜາມ, ຫ້ວຍຫົງ, ດອນໜູນ, ທ່າເດື່ອ ແລະ ຈຸດອື່ນໆ ທີ່ເຫັນວ່າມີການຕັ້ງໂຕະ, ເຕັ້ນ, ລໍ້ຍູ້ທີ່ບໍ່ເປັນລະບຽບ ແລະ ມີການຈອດລົດຊະຊາຍ ເຮັດໃຫ້ກີດຂວາງການສັນຈອນແອອັດ.

ພະແນກ ຍທຂ ນະຄອນຫລວງວຽງຈັນ ໃຫ້ຮູ້ວ່າ: ນັບແຕ່ເດືອນເມສາມານີ້, ເຈົ້າໜ້າທີ່ກ່ຽວຂ້ອງກໍໄດ້ລົງກວດກາແກ້ໄຂຄວາມບໍ່ເປັນລະບຽບ ຕາມເສັ້ນທາງສາຍສໍາຄັນໃນ 6 ເມືອງນະຄອນຫລວງ ແລະ ສາມາດພົບເຫັນປະກົດການບໍ່ເປັນລະບຽບຮຽບຮ້ອຍຫລາຍກວ່າພັນກໍລະນີ, ສາມາດແກ້ໄຂໄດ້ 700 ກວ່າກໍລະນີ, ສ່ວນໃຫຍ່ແມ່ນວາງຂາຍສີນຄ້າຊະຊາຍຕາມແຄມທາງ, ທາງຍ່າງ ແລະ ຈອດລົດຊະຊາຍ.

 

ແຫລ່ງຂ່າວ:

ລພນ

 
ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...