ນ້ຳຖ້ວມໃນລັດເຄນຕັກກີ ເສຍຊີວິດເພີ່ມເປັນ 37 ຄົນ

0
202

ອີງຕາມການລາຍງານສຳນັກຂ່າວ ເຄນຕັກກີ ໃນວັນທີ 2 ສິງຫາ 2022, ຕົວເລກຜູ້ເສຍຊີວິດຈາກໄພນໍ້າຖ້ວມຄັ້ງໃຫຍ່ໃນລັດ ເຄນຕັກກີ ຂອງສະຫະລັດໄດ້ເພີ່ມຂຶ້ນເປັນ 37 ຄົນ ຂະນະທີ່ເຈົ້າໜ້າທີ່ປະສົບປັນຫາໃນການລົງພຶ້ນທີ່ຊ່ວຍເຫຼືອປະຊາຊົນເນື່ອງຈາກຝົນຕົກໜັກ. ເຊິ່ງອາດຈະເຮັດໃຫ້ເກີດຄວາມເສຍຫາຍຫຼາຍກວ່າເກົ່າ.

ທ່ານ ແອນດີ ບີເຊຍ, ເຈົ້າຄອງລັດ ເຄນຕັກກີ ພາກຕາເວັນອອກຂອງສະຫະລັດ ເປີດເຜີຍຜ່ານ Twitter ວ່າ: ມີຄວາມເສົ້າສະຫຼົດໃຈຢ່າງສຸດຊຶ້ງເມື່ອມີລາຍງານວ່າ ຈໍານວນຜູ້ເສຍຊີວິດຈາກໄພນໍ້າຖ້ວມໄດ້ເພີ່ມຂຶ້ນເປັນ 37 ຄົນແລ້ວ ແລະ ຍັງມີອີກຫຼາຍຄົນຍັງຫາຍສາບສູນ.

ລັດ ເຄນຕັກກີ ຍັງມີຝົນຕົກໃນວັນຈັນ, ເຮັດ​ໃຫ້​ມັນ​ເປັນ​ອຸ​ປະ​ສັກ​ໃນ​ການລົງພື້ນ​ທີ່​ເພື່ອ​ຊ່ວຍ​ເຫຼືອ​ຜູ້​ເຄາະ​ຮ້າຍ​ໄດ້​ ​ແລະ​ ຄາດ​ວ່າ​ຈະ​ປະ​ເຊີນ​ໜ້າ​ກັບ​ພາຍຸ​ຝົນ​ຄັ້ງ​ໃໝ່​ໃນ​ຕອນ​ກາງຄືນ​ຂອງ​ວັນ​ດຽວ​ກັນ.