spot_img
Homeຂ່າວຕ່າງປະເທດນ້ຳຖ້ວມທີ່ກາງໃຈເມືອງຣັສເຊຍ ຄົນແຫ່ກັນອອກມາຫຼິ້ນເວດບອດ

ນ້ຳຖ້ວມທີ່ກາງໃຈເມືອງຣັສເຊຍ ຄົນແຫ່ກັນອອກມາຫຼິ້ນເວດບອດ

Published on

ສຳນັກຂ່າວຕ່າງປະເທດລາຍງານວ່າ ສະພາບອາກາດທີ່ມີຝົນຕົກໜັກຢ່າງຕໍ່ເນື່ອງໃນພື້ນທີ່ ມອສໂກ ເມືອງຫຼວງຂອງປະເທດຣັສເຊຍ ສົ່ງຜົນໃຫ້ມີນ້ຳຖ້ວມຢູ້ຫຼາຍຈຸດ ເຊິ່ງມັນໄດ້ສ້າງຄວາມເດືອດຮ້ອນ ແລະ ການຄົມມະນາຄົມໄດ້ຮັບຜົນກະທົບຈາກເຫດນ້ຳຖ້ວມຄັ້ງນີ້

ແຕ່ທີ່ໄດ້ຮັບຄວາມສົນໃຈໃນໂລກອອນໄລນ໌ທີ່ສຸດແມ່ນພຶດຕິກຳຂອງເຈົ້າຂອງສວນກີລາທາງນ້ຳແຫ່ງໜຶ່ງຂອງຣັສເຊຍ ທີ່ພິກວິກິດໃຫ້ເປັນໂອກາດ ອອກມາໂຊລີລາຫຼິ້ນເວດບອດ ຢູ່ກາງຖະໜົນແຖວກາງໃຈເມືອງທີ່ກຳລັງມີນ້ຳຖ້ວມຂັງຢູ່

ນິກິຕະ ຄານໂຕຣອຟ ເຈົ້າຂອງສວນກີລາທາງນ້ຳ ພ້ອມກັບທີມງານ ເປີດເຜີຍວ່າ ຄວາມຄິດນີ້ເກີດຂຶ້ນມາດົນແລ້ວ ພຽງແຕ່ລໍຖ້າເວລາ ແລະ ຈັງຫວະທີ່ເໝາະສົມ ເຂົາຍອມຮັບວ່າ ການເຮັດກິດຈະກຳນີ້ເປັນສິ່ງທີ່ສ່ຽງອັນຕະລາຍ ແລະ ບໍ່ເໝາະສົມປານໃດ ພວກເຂົາເຫັນຕຳຫຼວດໃນວັນທີ່ເຮັດກິດຈະກຳນີ້ດ້ວຍ ແຕ່ຕຳຫຼວດກໍ່ບໍ່ໄດ້ເຮັດຫຍັງໃຫ້ພວກເຂົາ ເພາະເຫັນເປັນເລື່ອງຕະລົກ ຕຳຫຼວດພຽງແຕ່ຢຸດເບິ່ງ ແລະ ຫົວໃສ່ ກ່ອນຈະຈາກໄປ

 ຫຼັງຈາກທີ່ກິດຈະກຳດັ່ງກ່າວນີ້ຖືກເຜີຍແຜ່ອອກໄປ ໂລກອອນໄລນ໌ກໍ່ມີສຽງວິພາກວິຈານຕາມມາຢ່າງທີ່ຄາດໄວ້ ບາງສ່ວນກໍ່ເຫັນວ່າເປັນກິດຈະກຳມ່ວນຊື່ນ ທີ່ມີໃຫ້ເຮັດສະເພາະໃນໂອກາດນ້ຳຖ້ວມຂັງເທົ່ານັ້ນ ແຕ່ບາງສ່ວນກໍ່ເຫັນວ່າເປັນການຫຼິ້ນມ່ວນຊື່ນທ່າມກາງຄວາມທຸກຂອງຄົນອື່ນ
ທີ່ມາ:​http://news.sanook.com/2050318/

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...