ນິວຊີແລນກວດພົບສາຍພັນເດວຕ້າເພີ່ມອີກ 6 ລາຍ

0
224

ສໍານັກຂ່າວ CNN ລາຍງານວ່າ ວັນທີ 18 ສິງຫາ 2021 ທີ່ຜ່ານມາ ນາຍົກລັດຖະມົນຕີນິວຊີແລນ ຈາຊິນດາ ອາເດິນ ໄດ້ເປີດເຜີຍວ່າ ຜູ້ຕິດເຊື້ອໂຄວິດ-19 ລາຍທໍາອິດທີ່ກວດພົບໃນຮອບ 6 ເດືອນ ແມ່ນຕິດເຊື້ອໂຄວິດ-19 ສາຍພັນເດວຕ້າ.

ນິວຊີແລນປະກາດປິດເມືອງທົ່ວປະເທດເປັນເວລາ 3 ມື້ ໃນວັນທີ 17 ສິງຫາ ທີ່ຜ່ານມາ ຫຼັງຈາກປະກາດການພົບຜູ້ຕິດເຊື້ອລາຍທໍາອິດໃນຮອບ 6 ເດືອນ ແລະ ໃນວັນທີ 17 ສິງຫາ ທາງການນິວຊີແລນກໍອອກມາຢືນຢັນວ່າພົບຜູ້ຕິດເຊື້ອອີກ 6 ລາຍ ທັງໝົດແມ່ນໄດ້ສໍາພັດໃກ້ຊິດກັບລາຍທໍາອິດ.

ແອລີ ບລູມຟິດ ຜູ້ອໍານວຍການດ້ານສຸຂະພາບຂອງກະຊວງສາທາລະນະສຸກນິວຊີແລນ ອອກມາເຕືອນວ່າ ປະເທດອາດຈະໄດ້ເຫັນຜູ້ຕິດເຊື້ອເພີ່ມຂຶ້ນອີກ 50-120 ລາຍ ເມື່ອເບິ່ງຈາກການລະບາດຂອງສາຍພັນເດວຕ້າໃນຊ່ວງທີ່ຜ່ານມາ ແລະ ພວກເຂົາຕ້ອງກວດຫາຜູ້ຕິດເຊື້ອໃນພົບທັງໝົດ.

ປັດຈຸບັນ, ນິວຊີແລນກໍາລັງຫາຄໍາຕອບວ່າ ໂຄວິດ-19 ສາຍພັນເດວຕ້າ ເຂົ້າມາສູ່ຊຸມຊົນໄດ້ແນວໃດ ຫຼັງຈາກທີ່ຄວບຄຸມການລະບາດໄດ້ດີຕະຫຼອດໃນໄລຍະຫຼາຍເດືອນທີ່ຜ່ານມາ.