spot_img
Homeຂ່າວຕ່າງປະເທດນາຍົກລັດຖະມົນຕີລີບັງລາອອກຈາກຕຳແໜ່ງທ່າມກາງຄວາມຄຽດແຄ້ນຂອງປະຊາຊົນ

ນາຍົກລັດຖະມົນຕີລີບັງລາອອກຈາກຕຳແໜ່ງທ່າມກາງຄວາມຄຽດແຄ້ນຂອງປະຊາຊົນ

Published on

ເວັບໄຊຂ່າວ BBC ລາຍງານວ່າ ທ່ານນາຍົກລັດຖະມົນຕີ ອັສຊັນ ດິອັບ ໄດ້ປະກາດລາອອກຈາກຕຳແໜ່ງເມື່ອຄືນຂອງວັນທີ 10 ສິງຫາ ທ່າມກາງຄວາມຄຽດແຄ້ນຂອງປະຊາຊົນທີ່ເພີ່ມຂຶ້ນຈາກເຫດການລະເບີດຄັ້ງໃຫຍ່ໃນນະຄອນຫຼວງເບຣຸດເມື່ອວັນທີ 4 ສິງຫາທີ່ຜ່ານມາ.

ທອມ ແບດແມນ ນັກຂ່າວບີບີຊີປະຈຳພາກພື້ນຕະເວັນອອກກາງລະບຸວ່າ ໃນຕອນນີ້ ສະພາແຫ່ງຊາດຈະເລືອກຕັ້ງນາຍົກລັດຖະມົນຕີຄົນໃໝ່ ເຊິ່ງຈະເປັນຂະບວນການທີ່ເຮັດໂດຍແບ່ງແຍກຕາມນິກາຍສາດສະໜາຕາມທຳນຽມ. ເຊິ່ງກ່ອນໜ້ານີ້ມີລັດຖະມົນຕີຢ່າງໜ້ອຍ 3 ຄົນ ປະກາດລາອອກຈາກຕຳແໜ່ງ ແຕ່ມີສຽງຮຽກຮ້ອງໃຫ້ຄະນະລັດຖະມົນຕີລາອອກທັງຄະນະ.

ຫຼາຍຝ່າຍໄດ້ກ່າວໂທດບັນດາຜູ້ນຳລີບັງວ່າເປັນຝ່າຍຜິດໃນເຫດການລະເບີດຄັ້ງນີ້ ຈາກການກະທຳທີ່ປະໝາດເລິນເລີ້, ການທຸຈະລິດ ແລະ ການບໍລິຫານງານທີ່ຜິດພາດ.

ທາງລັດຖະບານລີບັງປະເມີນວ່າ ເຫດການລະເບີດຄັ້ງນີ້ສ້າງຄວາມເສຍຫາຍມູນຄ່າກວ່າ 3 ພັນລ້ານໂດລາ ແຕ່ຄາດວ່າຄວາມເສຍຫາຍທາງເສດຖະກິດໂດຍລວມຂອງປະເທດອາດສູງເຖິງ 1.5 ໝື່ນລ້ານໂດລາ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...