spot_img
Homeຂ່າວຕ່າງປະເທດນາຍົກກໍບໍ່ລອດ ສົມເດັດຮຸນເຊນ ຖືກໃໝຍ້ອນບໍ່ໃສ່ໝວກກັນກະທົບ

ນາຍົກກໍບໍ່ລອດ ສົມເດັດຮຸນເຊນ ຖືກໃໝຍ້ອນບໍ່ໃສ່ໝວກກັນກະທົບ

Published on

ເປັນນາຍົກລັດຖະມົນຕີກໍບໍ່ລອດ ສົມເດັດຮຸນເຊນ ນາຍົກລັດຖະມົນຕີກຳປູເຈຍ ຕ້ອງໄປເສຍຄ່າປັບໃໝຜິດກົດຈະລາຈອນ ຍ້ອນບໍ່ໃສ່ໝວກກັນກະທົບ.

ສົມເດັດຮຸນເຊນ ໄດ້ຖືກຕຳຫຼວດຈະລາຈອນກຳປູເຈຍ ປັບໃໝຂໍ້ຫາບໍ່ໃສ່ໝວກກັນກະທົບເປັນເງິນ 15,000 ຣຽວ ຫຼືປະມານ 30,000 ກີບ ໂດຍເຫດການດັ່ງກ່າວເກີດຂຶ້ນເມື່ອວັນທີ 18 ມິຖຸນາ 2016 ທີ່ຜ່ານມາ ສົມເດັດຮຸນເຊນ ໄດ້ໂພສເຟສບຸກສ່ວນຕົວ ເປັນຮູບພາບຂະນະທີ່ໂຕເອງກຳລັງຂີ່ລົດຈັກໂດບໍ່ໃສ່ໝວກກັນກະທົບຂ້າມຂົວໃຈແຂວງ ເກາະກົງ ເພື່ອໄປຢ້ຽມຢາມ ແລະແວ່ທັກທາຍປະຊາຊົນ.

ຮຸນເຊນ

ເຫດການດັ່ງກ່າວນັ້ນ, ໄດ້ຖືກຝ່າຍຄ້ານໂຈມຕີຢ່າງໜັກ ໂດຍບອກວ່ານາຍົກລັດຖະມົນຕີ ຮຸນເຊນ ບໍ່ເປັນແບບຢ່າງໃຫ້ພໍ່ແມ່ປະຊາຊົນ ແຕ່ຍັງໃຊ້ອະພິສິດເໜືອຄົນອື່ນໂດຍບໍ່ໃສ່ໝວກກັນກະທົບ ທ້າທາຍກົດໝາຍຈະລາຈອນຂອງກຳປູເຈຍ.

ໃນມື້ຕໍ່ມາ, ສົມເດັດຮຸນເຊນ ຈຶ່ງໄດ້ຂີ່ລົດຈັກພ້ອມໃສ່ໝວກກັນກະທົບຢ່າງດີ ເດິນທາງໄປຍັງສຳນັກງານຕຳຫຼວດ ເພື່ອຈ່າຍຄ່າປັບໃໝ.

ແນວໃດກໍຕາມ ຜູ້ຄົນທີ່ເຫັນຂ່າວຕ່າງກໍຍ້ອງຍໍ ຕໍ່ສະປິລິດຂອງນາຍົກຮຸນເຊນ ເຖິງແມ່ນວ່າອາດຈະເປັນການສ້າງພາບ ແຕ່ກໍຍັງຖືວ່າເປັນພາບທີ່ເປັນຕົວຢ່າງໄດ້ ພ້ອມທັງເຈົ້າໜ້າທີ່ຕຳຫຼວດທີ່ມີການບັງຄັບໃຊ້ກົດໝາຍໂດຍບໍ່ເລືອກປະຕິບັດແລະບໍ່ຢ້ານກົວຕໍ່ອຳນາດຫຼືອິດທິພົນໃດໆ ແມ່ນແຕ່ນາຍົກລັດຖະມົນຕີ.

13466045_1095332630539862_6945786550614258861_n

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...