spot_img
Homeຂ່າວພາຍ​ໃນນັກເລງລັກສາຍໄຟ 3 ຄົນ ຖືກຈັບດຳເນີນຄະດີ ເຄີຍກໍ່ເຫດມາແລ້ວ 3 ຄັ້ງ

ນັກເລງລັກສາຍໄຟ 3 ຄົນ ຖືກຈັບດຳເນີນຄະດີ ເຄີຍກໍ່ເຫດມາແລ້ວ 3 ຄັ້ງ

Published on

ວັນທີ 26 ກໍລະກົດ 2022, ພັທ ສີທົນ ພົມມະວົງ ຫົວໜ້າ ປກສ ກຸ່ມ 1 ຄົກເພີງ ໃຫ້ຮູ້ວ່າ: ເວລາ 9 ໂມງ ປກສ ກູ່ມ 1 ຄົກເພີງ ເມືອງສັງທອງ ນະຄອນຫຼວງວຽງຈັນ ໄດ້ຮັບແຈ້ງຈາກ ພະນັກງານບໍລິສັດ ສະໄກ ຂຸດຄົ້ນແຮ່ຄຳ ວ່າ: ມີຄົນຮ້າຍລັກສາຍໄຟຂອງບໍລິສັດ ຈຶ່ງລົງກວດກາສະຖານທີ່ເກີດເຫດ ແລະ ກຳນົດໄດ້ເປົ້າໝາຍກໍ່ເຫດ. ຕົກມາຮອດເວລາ 11:00 ໂມງ ຂອງວັນດຽວກັນ, ເຈົ້າໜ້າທີ່ ປກສ ຈຶ່ງໄດ້ເຂົ້າຈັບຕົວເປົ້າ ໝາຍໄດ້ຈຳນວນ 3 ຄົນຄື: ທ້າວ ຄານ ອາຍຸ 38 ປີ; ທ້າວ ທິດ ອາຍຸ 33 ປີ ແລະ ທ້າວ ຫຼ້າ ອາຍຸ 30 ປີ ທັງ 3 ເປັນກຳມະກອນ ຢູ່ບ້ານຫ້ວຍຄຳ ເມືອງສັງທອງ ພ້ອມນຳຕົວມາສອບສວນ.

ຜ່ານການສອບສວນ, ພວກກ່ຽວທັງ 3 ໃຫ້ການຮັບສາລະພາບວ່າ: ໃນໄລຍະຜ່ານມາ, ພວກກ່ຽວ ໄດ້ຮ່ວມກັນເຄື່ອນໄຫວລັກສາຍໄຟຂອງ ບໍລິສັດ ສະໄກຂຸດຄົ້ນແຮ່ຄຳ ມາແລ້ວ 3 ຄັ້ງ ໂດຍໄດ້ໄປລັກເອົາສາຍໄຟໂລຢູ່ແຕ່ລະຈຸດ ທີ່ບໍລິສັດດຶງສາຍໄຟຂຶ້ນໄປຫາບ່ອນເຮັດວຽກ ເມື່ອໄດ້ສາຍໄຟມາແລ້ວກໍ່ເອົາໄປຂາຍໃຫ້ກັບຮ້ານຮັບ-ຊື້ເຫຼັກເສດ ແລ້ວເອົາເງິນມາປັນກັນໃຊ້ຈ່າຍຈົນໝົດ ແລະ ຄັ້ງລ່າສຸດໃນວັນທີ 26 ກໍລະກົດ 2022, ໄດ້ພາກັນໄປລັກສາຍ ໄຟອີກ ຈຶ່ງຖືກເຈົ້າໜ້າທີ່ ປກສ ກຸ່ມ 1 ຄົກເພິງເຂົ້າຈັບຕົວ.

ປັດຈຸບັນ, ໄດ້ນໍາຕົວພວກກ່ຽວ ສົ່ງໃຫ້ ປກສ ເມືອງສັງທອງ ດໍາເນີນຄະດີ ຕາມຂັ້ນຕອນຂອງກົດໝາຍ.

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...