spot_img
Homeຍ້ອງຍໍຄົນດີເດັ່ນນັກຮຽນລາວສ້າງຊື່ສຽງ ຍາດຫຼຽນທອງ (ອັນດັບ 3) ຂອງໂລກ ການແຂ່ງຂັນວິຊາຟີຊິກສາດສາກົນ

ນັກຮຽນລາວສ້າງຊື່ສຽງ ຍາດຫຼຽນທອງ (ອັນດັບ 3) ຂອງໂລກ ການແຂ່ງຂັນວິຊາຟີຊິກສາດສາກົນ

Published on

ນາງ ສຸດທິ​ດາ ພິລາ​ວັນ, ນາງ​ ດວງ​ສອນ ນວນ​ນີວົງ ​ແລະ ທ້າວ ​ໂດ​ໂດ້ ລາຊະວົງ​ສິງ​ ​ເປັນ​ນັກຮຽນ​ເກັ່ງ

ສາມາດ​ຄວ້າ​ຫລຽນ​ທອງ​ລະດັບ​ຊັ້ນ​ມັດທະຍົມ, ຂະ​ແໜງ​ວິຊາ​ຟີ​ຊິກ​ສາດ ​ໃນ​ການ​ແຂ່ງຂັນ “ ໂຄງການ

​ປະດິດ​ຄິດ​ແຕ່ງ​ໄວ​ໜຸ່ມ​ສາກົນ 2014 ” ທີ່​ຈັດ​ຂື້ນ​ໃນ​ຕົ້ນ​ເດືອນ​ພຶດສະພາທີ່​ປະ​ເທດ​ຈໍ​ເຈຍ, ​ເຊິ່ງມີ​ນັກ

ຮຽນ​ເຂົ້າ​ຮ່ວມ​ແຂ່ງຂັນ​ທັງ​ໝົດ 36 ປະ​ເທດ​ທົ່ວ​​ໂລກ.

 

ນາງ ສຸດທິ​ດາ ພິລາ​ວັນ ນັກຮຽນ​ຫ້ອງ ມ.4 ໂຮງຮຽນ​ມັດທະຍົ​ມສຶກສາ​ສົມບູນອິດສ​ເຕີນສະຕາ ນະຄອນ

ຫລວງ​ວຽງ​ຈັນ ເປັນ​ໜຶ່ງ​ໃນ​ນັກຮຽນ​ເກັ່ງ​ທີ່​ເປ​ັນຕົວ​ແທນ​ໄປ​ຮ່ວມ​ການແຂ່ງຂັນ​ວິຊາ​ຟີ​ຊິກ​ສາດ​ຢູ່​ຈໍ​ເຈຍ

​ໄດ້​ໃຫ້​ສຳພາດ​ຕໍ່​ນັກ​ຂ່າວ​ວ່າ: ທີ​ມພວກ​ເຮົາ​ໄດ້​ເລືອກ​ເອົາ​ຫົວ​ຂໍ້​ເຂົ້າ​ແຂ່ງຂັນ​ຄື “ ຮັກສາ​ພະ​ລັງງານ​ດ້ວຍ​

ແກ້ວ ” ຂະ​ແໜງ​ວິຊາ​ຟີ​ຊິກ​ສາດ ເປັນ​ການ​ຜະລິດ​ອຸປະກອນ​ເຮືອນ​ແກ້ວ​ໃສ່​ດອກ​​ໄຟ​ໜ້ອຍ ​ແຕ່​ໃຫ້​ມີ​

ແສງ​ສະຫວ່າງ​ຫລາຍ​ໄປ​ວາງສະ​ແດງ​ທີ່​ປະ​ເທດ​ຈໍ​ເຈຍ, ທາງ​ຄະນະ​ກຳມະການຈະ​ໃຫ້​ແຕ່ລະ​ທີມຜະລິດ​ອຸ

ປະກອນ​ຂອງ​ຕົນ​ໄປ​ວາງສະ​ແດງ​ທີ່​ພົວພັນ​ໃນ 4 ຂະ​ແໜງ​ວິຊາ​ຄື: ວິຊາ​ຟີ​ຊິກ​ສາດ, ເຄມີ​ສາດ, ຊີວະ​ສາດ

​ແລະ ຄະນິດສາດ ​ແລ້ວ​ໃຫ້​ແຕ່ລະ​ທີ​ມຂື້ນ​ໄປ​ອະທິບາຍ​ຕໍ່​ຫົວ​ຂໍ້​ຂອງ​ຕົນ​ທີ່​ສົ່​ງ​ເຂົ້າ​ແຂ່ງຂັນ. ໂດຍ​ທີມຂອງ​

ພວກ​ນ້ອງ​ສາມາດ​ຍອດ​ໄດ້​ທີ​ສາມ ​ໄດ້​ຮັບ​ຫລຽນ​ທອງ ​ໃນ​ຂະ​ແໜງ​ວິຊາ​ຟີ​ຊິກ​ສາດ ​ເຊິ່ງມັນ​ເປັນຄວາມ

ພາກພູມ​ໃຈ​ອັນ​ໜຶ່ງ​ທີ​່ສ້າງ​ຊື່​ສຽງ​ໃຫ້​ແກ່​ນັກຮຽນ​ລາວ​ຂອງ​ພວກ​ເຮົາ ​ທີ່​ໄປ​ແຂ່ງຂັນ​ໃນ​ຄັ້ງ​ນີ້.

 

ນາງ ສຸດທິ​ດາ ກ່າວ​ຕື່ມ​ວ່າ: ຜ່ານ​ມາ​ນ້ອງ​ກໍ​ໄດ້​ເຂົ້າ​ແຂ່ງຂັນ​ສອບ​ເສັງ​ນັກຮຽນ​ເກັ່ງ​ໃນ​ລະດັບ​ຊາດ​ສົກຮຽນ

2013-2014. ສຳລັບ​ຕົນ​ເອງ​ມາ​ເຖິງ​ຈຸດ​ນີ້​ໄດ້​ກໍ​ຍ້ອນ​ຄວາມ​ດຸ​ໝັ່ນ, ບຸກບືນ​ໃນ​ການ​ສຶກສາ​ຮ່ຳຮຽນສະ​ແຫວ​ງ

ຫາ​ຄວາມ​ຮູ້, ຕັ້ງ​ໃຈ​ຟັງ​ຄຳ​ອະທິບາຍ ​ແລະ ​ແກ້​ບົດ​ຝຶກ​ຫັດ​ທີ່​ອາຈານ​ມອບ​ໃຫ້, ອີກ​ດ້ານ​ໜຶ່ງ​ກໍ​ແມ່ນ​ໄດ້​ຮັບ​

ແຮງ​ຍູ້​ດັນ​ສະໜັບສະໜູນ​ຈາກ​ຄອບຄົວ.

 

ທ່ານ ສຸ​ກັນ ພິລາ​ວັນ ຜູ້ເປັນ​ພໍ່​ກ່າວ​ວ່າ: ຄອບຄົວ​ມີ​ລູກ​ສອງ​ຄົນ ຈາກ​ສະພາບ​ເງື່ອນ​ໄຂ​ຂອງ​ຄອບຄົວ​ທີ່​ເອື້ອ

​ອຳນວຍ, ພໍ່​ແມ່​ຈຶ່ງ​ໄດ້​ທຸ້ມ​ເທ​ເວລາ​ໃຫ້​ກັບ​ລູກ​ເຖິງ​​ວ່າ​ຈະ​ຫຍຸ້ງຍາກ​ວຽກ​ງານ​ ພຽງ​ໃດ​ກໍ​ຕາມການ​ສຶກສາ​ຂອງ

​ລູກ​ຕ້ອງ​ມາ​ກ່ອນ ແຕ່​ກໍ​ບໍ່​ໝາຍ​ຄວາມ​ວ່າ​ຕາມ​ໃຈ​ລູກ​ຈົນ​ລຶ້ງ​ເຄີຍ, ສ່ວນ​ຫລາຍ​ລ້ຽງ​ລູກ​ຈະ​ໃຊ້​ເຫດ ​ແລະ ຜົນ​

ເປັນ​ຫລັກ ​ໂດຍ​ໃຫ້​ຮຽນ​ຮູ້​ດ້ວຍ​ຕົນ​ເອງ ຜ່ານ​ການ​ແນະນຳ​ໃກ້ຊິດ ສ້າງ​ນິ​ໄສ​ໃຫ້​ເປັນ​ຕົວ​ຂອງ​ຕົວ​ເອງ ກ້າ​ຄິດ,

ກ້າ​ເຮັດ, ກ້າ​ສະ​ແດງ​ອອກ ຈົນ​ເຮັດ​ໃຫ້​ລູກ​ຮຽນ​ເກັ່ງ. ການ​ລ້ຽງ​ລູກ​ບໍ່​ແມ່ນ​ຈະ​ຕາມ​ໃຈ​ໝົດ​ທຸກ​ຢ່າງ ບາງ​ຄັ້ງ

​ກໍ​ມີ​ການ​ກຳນົດ​ກົດ​ລະບຽບ​ພາຍ​ໃນ​ຄອບຄົວ ​ສ້າງ​ໃຫ້​ມີ​ແຜນ​ໃນ​ການ​ດຳລົງ​ຊີວິດ​ປະຕິບັດຕາມ​ສິດ​ຂອບ​ເຂດ

​ຄວາມ​ຮັບຜິດຊອບ​ຂອງ​ແຕ່ລະ​ຄົນ, ​ແຕ່​ທັງ​ໝົດ​ເຫລົ່າ​ນັ້ນ​ກໍ​ຕ້ອງ​ມີ​ການ​ໃຫ້​ອະ​ໄພ​ເຊິ່ງກັນ ແລະ​ ກັນໃນ​ເມື່ອ​

ເຮັດ​ສິ່ງ​ຜິດ​ພາດກໍ​ໃຫ້​ໂອກາດ, ​ໃຫ້​ກຳລັງ​ໃຈ​ໃຫ້​ຄວາມ​ຮັກ​ຄວາມ​ອົບ​ອຸ່ນ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ ຈົນ​ກາຍ

​ເປັນ​ກຳ​ແພງ​ທີ່​ແໜ້ນ​ໜາ ນຳ​ມາ​ເຊິ່ງຄວາມ​ສຳ​ເລັດ​ອັນ​ຈົບງາມ​ຕາມ​ທີ່​ໄດ້​ຄາດ​ຫວັງ​ເອົາ​ໄວ້.

 

ຂອບໃຈບົດຂ່າວຈາກ: http://laophatthananews.blogspot.com/2014/07/blog-post_6.html

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...