ນັກວິທະຍາສາດປະສົບຜົນສຳເລັດໃນການຄິດຄົ້ນຖົງມົດລູກທຽມ

ນັກວິທະຍາສາດໄດ້ປະສົບຄວາມສຳເລັດໃນການຄິດຄົ້ນຖົງມົດລູກທຽມນອກຄັນມານດາ ເພື່ອຊ່ວຍຊີວິດລູກນ້ອຍທີ່ເກີດກ່ອນກຳນົດ ຈົນເຮັດໃຫ້ຮ່າງກາຍສ້າງອະໄວຍະວະເພດບໍ່ທັນ ໂດຍຫວັງຈະພັດທະນາໃຫ້ສາມາດໃຊ້ກັບມະນຸດໄດ້ອີກ 3 ປີຕໍ່ໜ້າ

ທີມນັກວິທະຍາສາດຂອງໂຮງໝໍເດັກ ຟິລາເດລເຟຍໃນສະຫະລັດ ໄດ້ເຮັດການທົດລອງໃຊ້  Biobag ຖົງຊິບລັອກທີ່ເຮັດໜ້າທີ່ຄືມົດລູກ ກັບຕົວອ່ອນຂອງລູກແບ້ ທີ່ມີອາຍຸຄັນປະມານ 105-120 ມື້ ຫຼື ເທົ່າກັບອາຍຸ 23 ອາທິດ ຜົນປະກົດວ່າ ພາຍໃນ 4 ອາທິດ ຕົວອ່ອນເລີ່ມສ້າງປອດ ແລະ ອະໄວຍະວະອື່ນໆຈົນຄົບ, ເຊິ່ງຖືເປັນຄວາມສຳເລັດກ້າວທຳອິດ ແລະ ສະທ້ອນໃຫ້ເຫັນວ່າມົດລູກທຽມນີ້ສາມາດນຳໄປໃຊ້ໄດ້ແທ້

ມົດລູກທຽມທີ່ຄິດຄົ້ນຂຶ້ນມານີ້ ໄດ້ຖືກອອກແບບມາໃຫ້ມີລັກສະນະທາງກາຍຍະພາບຄ້າຍກັບມົດລູກແທ້ທີ່ສຸດ ໂດຍເປັນຖົງພລາສຕິກຂະໜາດໃຫຍ່ທີ່ປິດແໜ້ນ ແລະ ປອດເຊື້ອ ພາຍໃນມີສານລະລາຍອິເລັກໂຕຣໄລທ໌ ເຮັດໜ້າທີ່ແທນນ້ຳຄາວປາພາຍໃນມົດລູກ ແລະ ມີສາຍແຮ່ໄສ້ບືທີ່ໃຊ້ສຳລັບໃຫ້ອາຫານ ພ້ອມທັງຫຼອດເລືອດຫຼໍ່ລ້ຽງຫົວໃຈຄືຂອງແທ້ທຸກຢ່າງ. ໂດຍຖົງມົດລູກທຽມດັ່ງກ່າວຈະຍືດອາຍຸໃຫ້ເດັກນ້ອຍທີ່ເກີດກ່ອນກຳນົດ ແລະ ພັດທະນາອະໄວຍະວະພາຍໃນໃຫ້ມີຊີວິດຢູ່ໄດ້ເກີນ 28 ອາທິດ ເຊິ່ງເປັນໄລຍະທີ່ເດັກນ້ອຍມີໂອກາດລອດຊີວິດສູງ.

ແຕ່ເຖິງແນວໃດກໍ່ຕາມ ອລັນ ເຟລດ ຜູ້ຊ່ຽວຊານດ້ານ ສັນລະຍາແພດທີ່ເປັນຫົວໜ້າທີມວິໄຈກ່າວວ່າ ເຖິງແນວໃດກໍ່ຕາມການທີ່ຈະນຳຖົງມົດລູກນອກພົກນີ້ມາໃຊ້ກັບລູກຄົນ ໄດ້ແທ້ອາດຕ້ອງໃຊ້ເວລາລໍຖ້າເຖິງ 10 ປີ

ວິດີໂອ ແລະ ພາບປະກອບຈາກ:  www.mirror.co.uk

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.