spot_img
Homeສຸຂະພາບ ແລະ ສີ່ງແວດລ້ອມນະຄອນຫຼວງວຽງຈັນ ມີຜູ້ຕິດເຊື້ອ ໄຂ້ເລືອດອອກ

ນະຄອນຫຼວງວຽງຈັນ ມີຜູ້ຕິດເຊື້ອ ໄຂ້ເລືອດອອກ

Published on

ຍຸງລາຍ

ກະຊວງສາທາລະນະສຸກ ລາຍງານວ່າ: ນັບແຕ່ເດືອນ ມັງກອນ ມາຮອດປັດຈຸບັນ ມີຜູ້ຕິດເຊື້ອ ໄຂ້ເລືອດອອກ 148 ກໍລະນີ ແລະຍັງບໍ່ມີຜູ້ເສຍຊີວິດ. ເມືອງສີສັດຕະນາກແມ່ນ ຫຼາຍກວ່າໝູ່ ມີເຖິງ 36 ກໍລະນີ, ໄຊທານີ 33 ກໍລະນີ, ສີໂຄດຕະບອງ 23 ກໍລະນີ, ຈັນທະບູລີ 11 ກໍລະນີ, ໄຊເສດຖາ 26 ກໍລະນີ, ຫາດຊາດຟອງ 11 ກໍລະນີ ແລະເມືອງນາຊາຍທອງ 7 ກໍລະນີ. ທຽບໃສ່ປີຜ່ານມາແມ່ນຫຼຸດລົງໜ້ອຍກວ່າ.

ຂະນະ†ທີ່ຢູ່ທົ່ວປະເທດ ມີຜູ້ຕິດເຊື້ອ ໄຂ້ເລືອດອອກ ຫຼາຍກວ່າ 2.300 ຄົນ ແລະມີຜູ້ເສຍຊິວິດ 9 ຄົນ, ຮ້າຍແຮງກວ່າໝູ່ແມ່ນຈຳປາສັກ ມີຜູ້ຕິດເຊື້ອເຖິງ 1 ພັນກວ່າຄົນ ແລະເສຍຊີວິດ 7 ຄົນ, ບໍລິຄຳໄຊ 304 ຄົນ, ເສຍຊີວິດ 1 ຄົນ , ຄຳມ່ວນ 221 ຄົນ, ສະຫວັນນະເຂດ 125 ຄົນ, ສາລະວັນ 96 ຄົນ, ເສຍຊີວິດ 1 ຄົນ, ເຊກອງ 80 ຄົນ, ອັດຕະປື 70 ຄົນ, ຫຼວງພະບາງ 77 ຄົນ, ອຸດົມໄຊ 37 ຄົນ, ຫຼວງນໍ້າທາ 20 ຄົນ ແລະແຂວງວຽງຈັນ 20 ຄົນ. ໃນໄລຍະຜ່ານມາ ທາງພາກສ່ວນທີ່ກ່ຽວຂ້ອງກໍຄື ອຳນາດການປົກຄອງເມືອງ, ແຂວງ ກໍໄດ້ເອົາໃຈໃສ່ໃນການປຸກລະດົມ, ປ້ອງກັນ ແລະສະກັດກັ້ນການລະບາດຂອງພະຍາດດັ່ງກ່າວຢ່າງໃກ້ຊິດ ໂດຍສະເພາະແມ່ນເຂດທີ່ມີການລະບາດຮ້າຍແຮງ.

ດັ່ງນັ້ນ, ອຳນາດການປົກຄອງທ້ອງຖິ່ນ ໄດ້ປຸກລະດົມປະຊາຊົນກຳຈັດແຫຼ່ງເພາະພັນຂອງຍຸງລາຍ ໂດຍປະຕິບັດຕາມຄຳຂວັນ 5 ປໍຄື: ປິດຝາພາຊະນະ ທີ່ມີນໍ້າພາຍໃນເຮືອນ ແລະນອກເຮືອນ, ປ່ຽນນໍ້າ ແລະຜັດຖູພາຊະນະຕ່າງໆພາຍໃນເຮືອນ, ປ່ອຍປາຫາງນົກຍຸງ, ປັບປຸງບໍ່ໃຫ້ມີນໍ້າຄ້າງ, ຂັງກະໂປະ, ກະປ໋ອງ ແລະປະຕິບັດ ເປັນປະຈຳທຸກໆອາທິດ. ຖ້າທຸກຄົນປະຕິບັດຕາມຄຳຂວັນດັ່ງກ່າວເປັນປະຈຳ ເຊື່ອວ່່າພະຍາດດັ່ງກ່າວຕ້ອງ ຫຼຸດໜ້ອຍຖອຍລົງຢ່າງແນ່ນອນ.

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...