spot_img
Homeຂ່າວທ້ອງຖິ່ນນະຄອນຫຼວງວຽງຈັນ ບໍ່ຄວນຈະຂະຫຍາຍຕົວໃຫຍ່ກວ້າງຈົນເກີນໄປ

ນະຄອນຫຼວງວຽງຈັນ ບໍ່ຄວນຈະຂະຫຍາຍຕົວໃຫຍ່ກວ້າງຈົນເກີນໄປ

Published on

ລັດຖະບານເນັ້ນ! ການພັດທະນານະຄອນຫຼວງວຽງຈັນ ບໍ່ຄວນຈະຂະຫຍາຍຕົວໃຫຍ່ກວ້າງຈົນເກີນໄປ ແຕ່ໃຫ້ເອົາໃຈໃສ່ຂະຫຍາຍການພັດທະນາໄປສູ່ແຂວງຕ່າງໆ; ການວາງແຜນພັດທະນາຕົວເມືອງນະຄອນຫຼວງວຽງຈັນ ຕ້ອງເຮັດໄປຕາມທິດ “6 ສ” ວາງອອກໃຫ້ປະກົດຜົນເປັນຈິງ ພ້ອມທັງເຄັ່ງຄັດໃນການປະຕິບັດກົດໝາຍຜັງເມືອງວາງອອກ ຖ້າມີການລະເມີດແມ່ນໃຫ້ປະຕິບັດຕາມກົດໝາຍ, ລະບຽບການຢ່າງເຂັ້ມງວດ.

ກອງປະຊຸມລັດຖະບານສະໄໝສາມັນປະຈໍາເດືອນ ກຸມພາ 2019 ໄດ້ໄຂຂຶ້ນຢ່າງເປັນທາງການໃນວັນທີ 19 ແລະ ປິດລົງໃນວັນທີ 20 ກຸມພາ ທີ່ສໍານັກງານນາຍົກລັດຖະມົນຕີ ນະຄອນຫຼວງວຽງຈັນ, ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານ ເຂົ້າຮ່ວມ ເຊິ່ງ ລັດຖະບານ ໄດ້ພ້ອມກັນປຶກສາຫາລື, ປະກອບຄໍາຄິດຄໍາເຫັນ ແລະ ພິຈາລະນາຮັບຮອງເອົາ 7 ເອກະສານສໍາຄັນ. ເວົ້າສະເພາະບົດລາຍງານກ່ຽວກັບແຜນຜັງລວມຕົວເມືອງນະຄອນຫຼວງວຽງຈັນ ຮອດປີ 2030 ໂດຍການນວາງແຜນພັດທະນາຕົວເມືອງນະຄອນຫຼວງວຽງຈັນ ເມື່ອວາງອອກແລ້ວຕ້ອງສາມາດຈັດຕັ້ງປະຕິບັດໄດ້ຖືກກັບຕົວຈິງ. ພ້ອມດຽວກັນນີ້, ໃຫ້ເອົາໃຈໃສ່ໃນການກວດກາຕີລາຄາຄືນກ່ຽວກັບການຈັດຕັ້ງປະຕິບັດ, ການວາງຜັງເມືອງໃນໄລຍະທີ່ຜ່ານມາ ມີຫຍັງແດ່ທີ່ສາມາດປະຕິບັດໄດ້, ມີອັນໃດແດ່ທີ່ຖືກລະເມີດ ແລະ ອັນໃດທີ່ພວມຈະມີການລະເມີດ ເພື່ອມີວິທີການສະກັດກັ້ນ, ເອົາໃຈໃສ່ໃນການຄຸ້ມຄອງ ແລະ ເຄັ່ງຄັດໃນການປະຕິບັດກົດໝາຍຜັງເມືອງວາງອອກ ຖ້າມີການລະເມີດແມ່ນໃຫ້ມີການປະຕິບັດຕາມກົດໝາຍ, ລະບຽບການ ຢ່າງເຂັ້ມງວດ.

ການວາງແຜນຂະຫຍາຍຕົວເມືອງນະຄອນຫຼວງວຽງຈັນ ບໍ່ຄວນຈະຂະຫຍາຍຕົວໃຫຍ່ກວ້າງຈົນເກີນໄປ, ສໍາຄັນໃຫ້ເອົາໃຈໃສ່ໃນການຂະຫຍາຍການພັດທະນາໃຫ້ໄປສູ່ແຂວງຕ່າງໆ; ການວາງແຜນພັດທະນາຕົວເມືອງ ນະຄອນຫຼວງວຽງຈັນ ຕ້ອງເຮັດໄປຕາມທິດ “6 ສ” ວາງອອກໃຫ້ປະກົດຜົນເປັນຈິງ. ​ນອກນັ້ນ, ຕ້ອງເອົາໃຈໃສ່ໃນການຈັດສັນເຂດພັດທະນາຕ່າງໆໃຫ້ດີເປັນຕົ້ນ : ເຂດການຜະລິດກະສິກຳ, ເຂດອະນຸລັກ, ເຂດສໍານັກງານອົງການ, ເຂດເສດຖະກິດພິເສດ, ເຂດທໍາການຜະລິດອຸດສາຫະກໍາ ແລະ ອື່ນໆ, ແຕ່ຕ້ອງເອົາໃຈໃສ່ການຄຸ້ມຄອງ, ສຳລັບໄລຍະເວລາຂອງແຜນພັດທະນາດັ່ງກ່າວ, ຕ້ອງໄດ້ກໍານົດເປັນແຕ່ລະໄລຍະ, ເປັນຕົ້ນ, ໄລຍະສັ້ນ, ໄລຍະກາງ ແລະ ໄລຍະຍາວຮອດປີ 2050 ພາຍຫຼັງປັບປຸງແລ້ວໃຫ້ນໍາສະເໜີຂໍທິດຊີ້ນໍາ ຈາກກົມການເມືອງສູນກາງພັກ ກ່ອນນໍາສະເໜີຕໍ່ກອງປະຊຸມສະພາແຫ່ງຊາດພິຈາລະນາຮັບຮອງ.

 

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: Lao National Radio

ບົດຄວາມຫຼ້າສຸດ

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...