spot_img
Homeຂ່າວພາຍ​ໃນນະຄອນຫຼວງວຽງຈັນຖະແຫຼງ! ຜູ້ຂັບຂີ່ລະເມີດກົດຈະລາຈອນຮອດ 3 ຄັ້ງຈະຖືກປັບໃໝ 20 ເທົ່າ

ນະຄອນຫຼວງວຽງຈັນຖະແຫຼງ! ຜູ້ຂັບຂີ່ລະເມີດກົດຈະລາຈອນຮອດ 3 ຄັ້ງຈະຖືກປັບໃໝ 20 ເທົ່າ

Published on

ໃນວັນທີ 18 ເມສາ ນີ້,ທ່ານ ພັນໂທ ກົງສີ ສຸວັນນະຕຸ້ມ ຫົວຫນ້າກົມຕໍາຫຼວດຈະລາຈອນ ແລະ  ຫົວຫນ້າພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໄດ້ຮ່ວມກັນຖະແຫຼງຂ່າວຕໍ່ສື່ມວນຊົນ ກ່ຽວກັບການປະຕິບັດມາດຕະການປັບໃໝ 20 ເທົ່າຕໍ່ຜູ້ຂັບຂີ່ເມົາແລ້ວຂັບ.

ທ່ານ ພັນໂທ ເພັງສະຫວັນ ທໍາມະບູນ ຫົວຫນ້າພະແນກຕໍາຫລວດຈະລາຈອນ ນະຄອນຫຼວງວຽງຈັນໃຫ້ຮູ້ວ່າ: ໃນກອງປະຊຸມເຊື່ອມຊືມຂໍ້ຕົກລົງສະບັບເລກທີ 1323/ຈນວ, ລົງວັນທີ 21 ທັນວາ 2018 ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ຮັກສາຄວາມປອດໄພທ້ອງຖະໜົນທົ່ວນະຄອນຫຼວງວຽງຈັນ,ໄດ້ຕົກລົງກັນວ່າ: ນັບແຕ່ເດືອນກໍລະກົດ ນີ້ເປັນຕົ້ນໄປຕໍາຫຼວດຈະລາຈອນ ນະຄອນຫຼວງວຽງຈັນ, ຈະໄດ້ນໍາໃຊ້ມາດຕະການປັບໃຫມ 20 ເທົ່າຕໍ່ຜູ້ຂັບຂີ່ດື່ມສິ່ງມືນເມົາຢ່າງເຂັ້ມງວດຄື: ໃນມາດຕາ 13 ຂອງໝວດທີ III ຂອງຂໍ້ຕົກລົງດັ່ງກ່າວໄດ້ລະບຸໄວ້ວ່າ: ເມື່ອກວດພົບທາດເຫຼົ້າ ແລະ ສິ່ງມືນເມົາ ໃນຮ່າງກາຍຂອງຜູ້ຂັບຂີ່ຍານພາຫະນະເກີນປະລິມານທີ່ກໍານົດໄວ້ໃນມາດຕາ20 ຂອງກົດໝາຍ ວ່າດ້ວຍການຈະລາຈອນທາງບົກໃຫ້ປະຕິບັດມາດຕະການຕໍ່ຜູ້ຂັບຂີ່ດັ່ງນີ້:

ຄັ້ງທີ 1: ຂຽນໃບຮັບສາລະພາບລະເມີດກົດຈະລາຈອນ, ກັກໃບຂັບຂີ່ 1 ເດືອນ ແລະ ປັບໃໝຕໍ່າສຸດຕາມມາດຕາ 5 ຂອງດໍາລັດເລກທີ188/ນຍ, ລົງວັນທີ 03 ກໍລະກົດ 2007 ແລະ ຕາມມາດຕາ2 ຂອງມະຕິກອງປະຊຸມສະໄຫມສາມັນເທື່ອທີ 4 ຂອງສະພາປະຊາຊົນນະຄອນຫຼວງວຽງຈັນ ຊຸດທີ I ສະບັບເລກທີ028/ສປ ນວ, ລົງວັນທີ 06 ກັນຍາ 2018.

ຄັ້ງທີ 2: ຂຽນໃບຮັບສາລະພາບລະເມີດກົດຈະລາຈອນ, ກັກໃບຂັບຂີ່ 3 ເດືອນ ແລະ ປັບໃຫມ 10 ເທົ່າ ຕາມມາດຕາ 5 ຂອງດໍາລັດດັ່ງກ່າວ.

ຄັ້ງທີ 3: ຂຽນໃບຮັບສາລະພາບລະເມີດກົດຈະລາຈອນ, ກັກໃບຂັບຂີ່ 6 ເດືອນຫາ 1 ປີ ແລະ ປັບໃໝ 20 ເທົ່າຕາມມາດຕາ 5 ຂອງດໍາລັດເລກທີ 188/ນຍ.

ຄັ້ງທີ 4: ຂຽນໃບຮັບສາລະພາບລະເມີດກົດຈະລາຈອນ, ຢຶດໃບຂັບຂີ່ 1 ປີ ຈຶ່ງອະນຸຍາດໃຫ້ໄປເສັງເອົາໃບຂັບຂີ່ຄືນໃໝ່ ແລະ ປັບໃໝ 20 ເທົ່າຕາມມາດຕາ 5 ຂອງດໍາລັດເລກທີ 188/ນຍ, ກໍລະນີຜູ້ຂັບຂີ່ຍານພາຫະນະ ດື່ມເຄື່ອງດື່ມທີ່ມີທາດເຫຼົ້າ ແລະ ເສບສິ່ງມຶນເມົາ ເປັນຕົ້ນເຫດພາໃຫ້ເກີດອຸປະຕິເຫດແມ່ນໃຫ້ນໍາໃຊ້ມາດຕະການສູງສຸດຕາມຄັ້ງທີ 4 ຂ້າງເທີງ ແລະ ດໍາເນີນຄະດີຕາມກົດໝາຍທີ່ກ່ຽວຂ້ອງ.

ທ່ານ ພັນໂທ ກົງສີ ສຸວັນນະຕຸ້ມ ຫົວຫນ້າກົມຕໍາຫຼວດຈະລາຈອນ ໃຫ້ຮູ້ວ່າ: ປັດຈຸບັນສະພາບການເກີດອຸປະຕິເຫດທ້ອງຖະໜົນມີລັກສະນະຮຸນແຮງຂຶ້ນ, ສະເລ່ຍທົ່ວປະເທດ ມື້ໜຶ່ງຈະມີອຸປະຕິເຫດເກີດຂຶ້ນກ່ວາ 5 ກໍລະນີ ແລະ ມີຜູ້ເສຍຊີວິດ 3 ຄົນ ຕໍ່ມື້. ສະເພາະໃນປີຜ່ານມາທົ່ວປະເທດມີອຸປະຕິເຫດທັງຫມົດ 5.700 ກວ່າກໍລະນີ.ມີຜູ້ເສຍຊີວິດ 987 ຄົນ ສາເຫດຕົ້ນຕໍຍ້ອນດື່ມສິ່ງມຶນເມົາ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: laophattananews

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...