spot_img
Homeຂ່າວການພັດທະນານະຄອນຫລວງເລັ່ງຈັດສັນເຂດແຄມຂອງໃຫ້ເປັນເຂດສາທາລະນະສະອາດຈົບງາມ

ນະຄອນຫລວງເລັ່ງຈັດສັນເຂດແຄມຂອງໃຫ້ເປັນເຂດສາທາລະນະສະອາດຈົບງາມ

Published on

ປັດຈຸບັນເຂດແຄມຂອງຕອນເໜືອນັບແຕ່ສາມແຍກປາກປາສັກໄປຈົນຮອດບ້ານສີຖານເໜືອ, ເມືອງສີໂຄດຕະບອງ, ນະຄອນ ຫລວງວຽງຈັນ ທີ່ມີຄວາມຍາວປະມານ 600 ກວ່າແມັດນັ້ນ ທາງ ອໍານາດການປົກຄອງນະຄອນຫລວງວຽງຈັນແມ່ນບໍ່ອະນຸຍາດໃຫ້ຜູ້ປະກອບການຂາຍອາຫານຕ່າງໆນໍາອາຫານຂອງຕົນເຂົ້າໄປຂາຍໃນພື້ນທີ່ດັ່ງກ່າວແລ້ວ, ພາຍຫລັງເຫັນວ່າສ້າງຄວາມສັບສົນ ແລະ ກີດ ຂວາງການສັນຈອນໄປມາຂອງຜູ້ຄົນກໍຄືນັກທ່ອງທ່ຽວ,ພ້ອມທັງມີເສດອາຫານການກິນ ແລະ ຂີ້ເຫຍື້ອຕ່າງໆຖືກຖີ້ມລົງບໍລິເວນແຄມຂອງຫລາຍສົມຄວນ. ຊຶ່ງເມື່ອບໍ່ດົນມານີ້, ຜູ້ພັດທະນາເຂດດັ່ງ ກ່າວໄດ້ໃຫ້ສໍາພາດຕໍ່ນັກຂ່າວພວກເຮົາວ່າ: ການຍົກເລິກບໍ່ໃຫ້ມີຮ້ານຂາຍອາຫານໃນບໍລິເວນດັ່ງ ກ່າວແມ່ນເລີ່ມມາແຕ່ຕົ້ນເດືອນສິງຫານີ້, ເພື່ອປະຕິບັດຕາມຈິດໃຈຂອງອໍານາດການປົກຄອງນະ  ຄອນຫລວງ ເພື່ອເຮັດໃຫ້ເຂດດັ່ງກ່າວເປັນສະຖານສາທາລະນະທີ່ສະອາດ, ຈົບງາມ, ທັງເປັນບ່ອນພັກຜ່ອນຢ່ອນໃຈ, ຍ່າງອອກກໍາລັງກາຍ ແລະ ສັນຈອນໄປມາຊົມທິວທັດແມ່ນໍ້າຂອງໃນຍາມຄໍ່າຄືນຂອງຜູ້ຄົນກໍຄືນັກທ່ອງທ່ຽວທັງພາຍໃນ ແລະ ຕ່າງປະເທດ, ທັງເປັນການປະຕິບັດນະໂຍບາຍ 6 ສ ຂອງນະຄອນຫລວງວຽງຈັນໃຫ້ປະກົດຜົນເປັນຈິງ ເພື່ອຂໍ່ານັບຮັບຕ້ອນກອງປະຊຸມສຸດຍອດອາຊຽນທີ່ ສ ປປ ລາວເຮົາໄດ້ຮັບກຽດເປັນເຈົ້າພາບຈະໄດ້ຈັດໃນຕົ້ນເດືອນກັນຍານີ້ໃຫ້ປະສົບຜົນສໍາເລັດເປັນຢ່າງດີ.

 

ຂ່າວຈາກ http://laophatthananews.blogspot.com/2016/08/blog-post_30.html

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...