spot_img
Homeສຸຂະພາບ ແລະ ສີ່ງແວດລ້ອມນະຄອນລວງວຽງຈັນມີຜູ້ຕິດເຊື້ອໄຂ້ເລືອດອອກແລ້ວຫຼາຍກວ່າ 140 ກໍລະນີ

ນະຄອນລວງວຽງຈັນມີຜູ້ຕິດເຊື້ອໄຂ້ເລືອດອອກແລ້ວຫຼາຍກວ່າ 140 ກໍລະນີ

Published on

ໜ່ວຍເຝົ້າລະວັງພະຍາດລະບາດຂອງກະຊວງສາທາລະນະສຸກລາຍງານວ່າ: ນັບແຕ່ເດືອນມັງກອນມາຮອດປັດຈຸບັນນີ້ນະຄອນ ຫຼວງວຽງຈັນມີຜູ້ຕິດເຊື້ອໄຂ້ເລືອດອອກ 148 ກໍລະນີ ແລະ ບໍ່ມີຜູ້ເສຍຊີວິດໃນນັ້ນຫຼາຍກວ່າໝູ່ແມ່ນ: ເມືອງສີສັດຕະນາກມີ 36 ກໍລະນີ, ໄຊ ທານີ 33 ກໍລະນີ, ໄຊເສດຖາ 26ກໍລະນີ, ສີໂຄດຕະບອງ 23 ກໍລະນີ້, ຈັນທະບູລີ 11 ກໍລະນີ, ຫາດຊາຍຟອງ 11ກໍລະນີ, ນາຊາຍທອງ 7 ກໍລະນີ, ທຽບໃສ່ປີຜ່ານມາ ແມ່ນມີອັດຕາຜູ້ຕິດເຊື້ອໜ້ອຍກວ່າ, ທັງນີ້ກໍຍ້ອນຄວາມເອົາ ໃຈໃສ່ຂອງພາກສ່ວນກ່ຽວຂ້ອງກໍຄືອຳນາດການປົກຄອງເມືອງຕ່າງໆໃນການປ້ອງກັນ ແລະ ສະກັດກັ້ນພະຍາດດັ່ງ ກ່າວຢ່າງເອົາຈິງຈັງ, ໂດຍສະເພາະແມ່ນການທຳລາຍໜອມນ້ຳຍຸງລາຍ, ພົ້ນເດັ່ນແມ່ນຂະບວນການລ້ຽງ

ແລະ ປ່ອຍປາຫາງນົກຍຸງເພື່ອກິນໜອນນ້ຳຍຸງລາຍ, ຊຶ່ງມີສ່ວນສຳຄັນທີ່ເຮັດໃຫ້ນະຄອນຫຼວງບໍ່ມີການລະບາດຂອງໄຂເລືອກອອກໃນປີນີ້, ຂະນະທີ່ຢູ່ທົ່ວປະເທດ, ມາຮອດປັດຈຸບັນມີຜູ້ຕິດເຊື້ອໄຂ້ເລືອດອອກແລ້ວຫຼາຍກວ່າ 2300 ກໍລະນີ ແລະ ມີຜູ້ເສຍຊີວິດແລ້ວ 9 ຄົນ,ຮ້າຍແຮງກວ່າຫມູ່ແມ່ນຢູ່ແຂວງຈຳປາກມີຜູ້ຕິດເຊື້ອເຫຼາຍກວ່າ 1 ພັນກວ່າກໍລະນີ ແລະ ເສຍຊີວິດ 7 ຄົນ, ບໍລິຄຳໄຊ 304 ກໍລະນີ, ເສຍຊີວິດ 1 ຄົນ, ຄຳມ່ວນ 221 ກໍລະນີ, ສະຫວັນນະເຂດ 125 ກໍລະ ນີ,ສາລະວັນ 96 ກໍລະນີ້, ເສຍຊີວິດ 1 ຄົນ, ເຊກອງ 80 ກໍລະນີ, ອັດຕະປີ 70 ກໍລະນີ, ຫຼວງພະບາງ 77 ກໍລະນີ, ອຸດົມໄຊ 37 ກໍລະນີ, ຫຼວງນ້ຳທາ 20 ກໍລະນີ ແລະ ແຂວງວຽງຈັນ 20 ກໍລະນີ,ໃນໄລຍະຜ່ານມາພາກສ່ວນກ່ຽວຂ້ອງຕ່າງກໍໄດ້ເອົາໃຈໃສ່ໃນການຄວບຄຸມການລະບາດຂອງພະ ຍາດດັ່ງກ່າວຢ່າງໃກ້ຊິດ ໂດຍສະເພາະໃນເຂດທີ່ມີຄວາມສ່ຽງຈະລະບາດຮ້າຍແຮງຂຶ້ນດັ່ງນັ້ນອຳ ນາດການປົກຄອງທ້ອງຖິ່ນຈົ່ງເອົາໃຈໃສ່ກຳຈັດແຫຼ່ງເພາະພັນຂອງຍຸງລາຍທີ່ເປັນພາຫະນຳເຊື້ອ, ແລະ ເປັນເຈົ້າການເຝົ້າລະວັງ, ປ້ອງກັນ ແລະ ສະກັດກັ້ນດ້ວຍການປະຕິບັດຫຼັກການ 5 ປ ທີ່ກະຊວງສາທາລະນະສຸກວາງອອກຢ່າງເຂັ້ມງວດຄື: 1 ປິດຝາພາຊະນະທີ່ມີນ້ຳພາຍໃນເຮືອນ ແລະ ນອກເຮືອນເພື່ອບໍ່ໃຫ້ຍຸງມາໄຂ່ໃສ່, 2 ປ່ຽນນ້ຳ ແລະ ຜັດຖູພາຊະນະເຊັ່ນ: ເຕົ້າດອກໄມ້, ນ້ຳຮອງຕີນຕູ້ເຢັນ, ຖ່ານຮອງຈອກນ້ຳ,  3 ປ່ອຍປາຫາງນົກຍຸງເພື່ອກິນໜອນນ້ຳຍຸງລາຍ,  4 ປັບປຸງບໍ່ໃຫ້ມີນ້ຳຄ້າງ,ຂັງກະໂປະກະປ໋ອງ, ຮາງລິນ ແລະ ຢ່າງຕີນລົດເກົ່າ,   5 ປະຕິບັດເປັນປະຈຳທຸກໆອາທິດ ແລະ ຖ້າຫາກເປັນໄຂ້ໃຫ້ໄປປິ່ນປົ່ວຢູ່ໂຮງໝໍ ຫຼື ສຸກສາລາໃກ້ບ້ານທ່ານ ແລະ ຖ້າຫາກທຸກຄົນປະຕິບັດຕາມຄຳຂວັນດັ່ງກ່າວຢ່າງເຂັ້ມງວດເຊື້ອວ່າເຮັດໃຫ້ພະຍາດດັ່ງກ່າວທີ່ພວມລະບາດຢູ່ໃນປັດຈຸບັນຫຼຸດຫຼ້ອຍຖອຍລົງ.

 

ທີ່ມາ: laophatthananewspaper

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...