spot_img
Homeຂ່າວພາຍ​ໃນທ່ານເຈົ້າຄອງເນັ້ນ ດ່ານສາກົນຂົວມິດຕະພາບ 1 ບໍລິການໃຫ້ທັນສະໄໝ

ທ່ານເຈົ້າຄອງເນັ້ນ ດ່ານສາກົນຂົວມິດຕະພາບ 1 ບໍລິການໃຫ້ທັນສະໄໝ

Published on

20130213134558
ວັນທີ 13 ກຸມພາ 2013 ທ່ານ ສຸກັນ ມະຫາລາດ ເຈົ້າຄອງນະຄອນຫຼວງວຽງຈັນ ພ້ອມດ້ວຍບັນດາທ່ານຫົວໜ້ພະແນກການກ່ຽວ
ຂ້ອງ ໄດ້ລົງຢ້ຽມຢາມ ແລະ ພົບປະໂອ້ລົມພະນັກງານ ແລະ ຜູ້ປະກອບການທຸລະກິດຢູ່ດ່ານສາກົນຂົວມິດຕະພາບ 1 ນະຄອນ
ຫຼວງວຽງຈັນ ຊຶ່ງໄດ້ຮັບຟັງການລາຍງານໂດຍຫຍໍ້ກ່ຽວກັບສະພາບລວມຂອງດ່ານ ໂດຍສະເພາະ ຄວາມຄືບໜ້າຂອງໂຄງການກໍ່
ສ້າງ ແລະ ປັບປຸງພື້ນຖານໂຄງລ່າງ ແລະ ການປັບປຸງການບໍລິການດ່ານ ດ້ວຍການນຳໃຊ້ເຄື່ອງມືທີ່ທັນສະໄໝເຂົ້າຊ່ວຍຈາກທ່ານ
ສົມບູນ ສຸວັນນະຈູມຄຳ ຫົວໜ້າດ່ານສາກົນຂົວມິດຕະພາບ 1 ທ່ານໄດ້ຍົກໃຫ້ເຫັນທັງດ້ານດີ ແລະ ບັນຫາທີ່ພົບຄວາມຫຍຸ້ງຍາກ
ເປັນຕົ້ນ ເຈົ້າໜ້າທີ່ພາຍໃນດ່ານໄດ້ເອົາໃຈໃສ່ເຂັ້ມງວດກວດກາການຄ້າມະນຸດ ການຄ້າ-ຂາຍຢາເສບຕິດ ແລະ ອື່ນໆ ໃນການ
ເຂົ້າ-ອອກຜ່ານດ່ານເປັນຢ່າງດີ ໂດຍສົມທົບກັບເຈົ້າໜ້າທີ່ເບື້ອງໄທ ນອກນີ້ຍັງໄດ້ເອົາໃຈໃສ່ການປັບປຸງການບໍລິການດ້ວຍການນຳ
ໃຊ້ບາໂຄດ ແລະ ເລີ່ມແຕ່ເດືອນມັງກອນ 2013 ເປັນຕົ້ນມາ ໄດ້ທົດລອງນຳໃຊ້ບັດເອເລັກໂທນິກ (ບັດສະມາດພາສ) ເຂົ້າໃນ
ການບໍລິການປຶ້ມຜ່ານແດນ ເພື່ອໃຫ້ສະດວກວ່ອງໄວ ແລະ ທັນສະໄໝ ແລະ ໂຄງການນີ້ຈະເປີດຢ່າງເປັນທາງການ ເລີ່ມວັນທີ 1
ມີນາ 2013 ເປັນຕົ້ນໄປ ໂດຍຈະເຊື່ອມກັບທຸກເອເລັກໂທນິກໃນການບໍລິການພາຍໃນດ່ານ ສຳລັບການເກັບລາຍຮັບເຂົ້າງົບປະ
ມານສົກປີ 2012-2013 ແຜນການສູ້ຊົນພາສີດ່ານ 59 ຕື້ກີບ ແລະ ເງິນຄ່າເກັບປີ້ຜ່ານຂົວ 7,2 ຕື້ກີບ ຜ່ານການເກັບງວດທີ 1
ສາມາດປະຕິບັດໄດ້ແລ້ວ 28% ຂອງແຜນການ.
ໂອກາດນີ້ ທ່ານເຈົ້າຄອງນະຄອນຫຼວງ ກໍໄດ້ໃຫ້ກຽດໂອ້ລົມ ຊຶ່ງທ່ານໄດ້ຊີ້ນຳຫຼາຍບັນຫາສຳຄັນວ່າ: ດ່ານເປັນວຽກທີ່ກ້ວາງຂວາງ
ເປັນຈຸດເຂົ້າ-ອອກຂອງຄົນຕ່າງປະເທດ ຖືວ່າເປັນຈຸດສຳຄັນ ເມື່ອເປັນແນວນັ້ນ ທຸກການເຄື່ອນໄຫວ ທຸກການບໍລິການ ມັນຈະເປັນ
ຕົວແທນໃຫ້ແກ່ປະເທດ ເປັນຕົວແທນໃຫ້ແກ່ວັດທະນະທຳລາວ ດັ່ງນັ້ນ ພະນັກງານ ແລະ ນັກທຸລະກິດຜູ້ປະກອບການຢູ່ພາຍໃນ
ດ່ານແຫ່ງນີ້ ຈະຕ້ອງມີຄວາມຮັບຜິດຊອບສູງຕໍ່ໜ້າທີ່ການເມືອງ ຕ້ອງບໍລິການໃຫ້ມີຄວາມວ່ອງໄວທັນສະໄໝ ບໍລິການໃຫ້ເປັນທີ່ພໍ
ໃຈຂອງຜູ້ໃຊ້ບໍລິການ ສຳລັບບັນຫາທີ່ຈະຕ້ອງສືບຕໍ່ເອົາໃຈໃສ່ໃນສະເພາະໜ້າ ແລະ ຍາວນານ ແມ່ນຕ້ອງຮີບຮ້ອນປັບປຸງພັດທະ
ນາດ່ານໄປຕາມຂໍ້ຕົກລົງ 110 ຂອງທ່ານເຈົ້າຄອງນະຄອນຫຼວງ ເພື່ອຮອງຮັບການບໍລິການແຕ່ນີ້ຮອດປີ 2020 ເປັນຕົ້ນປັບປຸງຈັດ
ສັນພື້ນທີ່ຄືນໃໝ ໂດຍການຍົກຍ້າຍການບໍລິການທີ່ສັບສົນອອກໄປ ຊີ້ນຳຢ່າງໃກ້ຊິດໃນໂຄງການກໍ່ສ້າງອາຄານຮ້ານປອດພາສີ ໂຄງ
ການນີ້ຕ້ອງຮີບຮ້ອນຈັດຕັ້ງປະຕິບັດ ຕ້ອງແກ້ໄຂສະຖານທີ່ຈອດລົດທັນສະໄໝ ໂດຍການລົງທຶນຂອງພາຍໃນ ແລະ ຕ່າງປະເທດທີ່
ມີຄວາມສົນໃຈ ສຳລັບສາງສິນຄ້າຜ່ານແດນ ທີ່ບໍລິສັດ ລາວສະໄໝ ເປັນຜູ້ສຳປະທານນັ້ນ ໃຫ້ສືບຕໍ່ພັດທະນາທາງດ້ານການບໍລິ
ການ ແກ້ໄຂເສັ້ນທາງເດີນລົດ ເພື່ອເປີດກວ້າງ ແລະ ລະບາຍລົດໃຫ້ສະດວກກວ່າເກົ່າ ດ້ານຂາເຂົ້າ-ຂາອອກ ໃຫ້ເອົາໃຈໃສ່ບັນ
ຫາຄວາມສະຫງົບ ເປັນຕົ້ນ ການຄຸ້ມຄອງຂົວ ເຂັ້ມງວດບັນຫາຢາເສບຕິດ ການຄ້າມະນຸດ ແລະ ອັກຄີໄພ ໃຫ້ມີສະຕິ ໃຫ້ມີຍຸດ
ທະສາດ ການຄຸ້ມຄອງສະມາຄົມລົດໂດຍສານ ແມ່ນໃຫ້ສົມທົບກັບພາກສ່ວນກ່ຽວຂ້ອງ ເພື່ອພ້ອມກັນຄຸ້ມຄອງຄືນໃໝ່ ການຄຸ້ມຄອງ
ລາຍຮັບໃຫ້ເອົາໃຈໃສ່ຄຸ້ມຄອງໃຫ້ເລິກເຊິ່ງ ໃຫ້ເກັບທຸກເປົ້າໝາຍຮັບປະກັນການຮົ່ວໄຫຼ ຍົກລະດັບການຫັນເປັນທັນສະໄໝ ເພື່ອ
ເຮັດແນວໃດເຮັດໃຫ້ການບໍລິການວ່ອງໄວ ຕໍ່ກັບວຽກງານວັດທະນະທຳ ຄວາມສະອາດສວຍງາມ ໃຫ້ມີການສຶກສາອົບຮົມ ໃຫ້ມີ
ການຄຸ້ມຄອງການນຸ່ງຖື ການປາກເວົ້າຂອງພະນັກງານຂອງຜູ້ປະກອບການ ແລະ ສຳລັບໂຄງການທີ່ສະເໜີສ້າງໃໝ່ ໃຫ້ອອກແບບ
ແລ້ວລາຍງານຕໍ່ຂັ້ນເທິງ ແລະ ບັນຫາອື່ນໆຈຳນວນໜຶ່ງ ເພື່ອເປັນພື້ນຖານໃຫ້ແກ່ຄະນະຮັບຜິດຊອບດ້ານຜູ້ປະກອບການພາຍໃນ
ດ່ານ.
ທີ່ມາ:http://www.vientianemai.net

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...