spot_img
Homeອຸບັດເຫດແລະປາກົດການຫຍໍ້ທໍ້ທູດໄທປະຈຳວຽງຈັນເຕືອນ ຢ່າຫຼົງເຊື່ອ "ນາຍໜ້າວິຊ່າ"

ທູດໄທປະຈຳວຽງຈັນເຕືອນ ຢ່າຫຼົງເຊື່ອ “ນາຍໜ້າວິຊ່າ”

Published on

 

ดาวน์โหลด

ສະຖານເອກອັກຄະລັດຖະທູດໄທ ປະຈຳນະຄອນຫຼວງວຽງຈັນ ສປປ ລາວ ໄດ້ຊາບວ່າ: ຂະນະນີ້ມີ “ນາຍໜ້າວິຊ່າ” ໄດ້ກະທຳການກໍ່ກວນນັກທ່ອງທ່ຽວ ແລະຜູ້ທີ່ຍື່ນຂໍຮັບວິຊ່າຢູ່ດ້ານນອກປະຕູ ຂອງຝ່າຍກົງສູນ ທີ່ບ້ານໂພນສີນວນ, ເມືອງສີສັດຕະນາກ, ນະຄອນຫຼວງວຽງຈັນ. ການກະທຳດັ່ງກ່າວ ຖືວ່າຜິດຕໍ່ລະບຽບກົດໝາຍ ຫວັງທີ່ຈະຫຼອກລວງ ແລະສະແຫວງຫາຜົນປະໂຫຍດຈາກ ຜູ້ມາຮັບບໍລິການທີ່ຮູ້ເທົ່າບໍ່ເຖິງການ ເຊິ່ງເປັນສິ່ງທີ່ບໍ່ສາມາດຮັບໄດ້.
ສະຖານເອກອັກຄະລັດຖະທູດ ຈຶ່ງແຈ້ງເຕືອນມາຍັງຜູ້ທີ່ຍື່ນຂໍຮັບວິຊ່າ ດັ່ງນີ້:

1. ບໍ່ມີຄ່າທຳນຽມການຂໍວິຊ່າດ່ວນ ທ່ານຄວນຈະຊຳລະຄ່າທຳນຽມວິຊ່າ ຕາມທີ່ໄດ້ລະບຸໃນໃບບິນຮັບເງິນເທົ່ານັ້ນ.
2. ຢ່າຫຼົງເຊື່ອບຸກຄົນໃດໆ ທີ່ອ້າງວ່າ ສາມາດຊ່ວຍເຫຼືອດຳເນີນການດ້ານເອກະສານ ເພື່ອຂໍວິຊ່າເລັ່ງດ່ວນໄດ້ ທ່ານອາດຈະຕົກເປັນເຫຍື່ອຂອງ ຂະບວນການປອມແປງວິຊ່າໄດ້.
3. ບໍ່ມີການໃຫ້ບໍລິການພາຍນອກຝ່າຍກົງສຸນ ຖ້າໃຜຫຼົງເຊື່ອທາງສະຖານທູດ ຖືວ່າທ່ານຍິນຍອມຮັບຄວາມສ່ຽງນັ້ນ.

ຖ້າທ່ານມີບັນຫາໃດໆ ຫຼືພົບເຫັນການກະທຳຜິດກົດໝາຍ ກະລຸນາໂທແຈ້ງເບີໂທລະສັບ 021 214581-2 ອິເມລ thaivte@mfa.go.th ຫຼື Facebook Page: Royal Thai Embassy, Vientiane

ປະກາດໂດຍ: ສະຖານທູດໄທ ປະຈຳ ສປປລາວ

 

12019969_1049130285118643_7816056324098701327_n
12027659_1049130278451977_6093409964465283993_n

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...