ທີມວິໄຈແຈ້ງໄວຣັດໂຄໂຣນາ 1 ໃນ 2 ຊະນິດໄດ້ກາຍພັນແລ້ວ

ແຫຼ່ງຂ່າວຕ່າງປະເທດລາຍງານວ່າ ທີມນັກວິທະຍາສາດຈາກມະຫາວິທະຍາໄລປັກກິ່ງ ລວມເຖິງສະຖາບັນວິທະຍາສາດໃນຊຽງໄຮ້ ເປີດເຜີຍລາຍງານການສຶກສາຫຼ້າສຸດໃນ Chinese Academy of Sciences ເມື່ອວັນອັງຄານທີ່ຜ່ານມາວ່າ ພົບໂຄໂຣນາສາຍພັນໃໝ່ທີ່ລະບາດໃນເມືອງ ອູຮັ່ນ ເຊິ່ງແຍກອອກເປັນ 2 ຊະນິດຄື: ຊະນິດທຳອິດເປັນໄວຣັສທີ່ສົ່ງຜົນຮຸນແຮງຕໍ່ຜູ້ຕິດເຊື້ອ ເຊິ່ງພົບການຕິດເຊື້ອເຖິງ 70% ໃນເມືອງ ອູຮັ່ນ ແລະ ອີກຊະນິດໜຶ່ງຈະເປັນອັນຕະລາຍກັບຜູ້ຕິດເຊື້ອໜ້ອຍກວ່າ ເຊິ່ງພົບການຕິດເຊື້ອປະມານ 30% ໃນກຸ່ມທີ່ເຮັດການສຶກສາ.

ທີມນັກວິໄຈຍັງພົບວ່າການລະບາດຂອງໂຄໂຣນາ ຫຼື ໂຄວິດ-19 ໜ້າຈະມາຈາກໂຄໂຣນາທີ່ກາຍພັນ ເຊິ່ງທີມວິໄຈເຊື່ອວ່າ 1 ໃນ 2 ຊະນິດທີ່ກວດພົບນັ້ນກາຍພັນໄປແລ້ວ ໂດຍຂໍ້ມູນຫຼ້າສຸດມີຕົວເລກຜູ້ຕິດເຊື້ອກວ່າ 93,000 ຄົນ ແລະ ມີຜູ້ເສຍຊີວິດເກືອບ 3,300 ຄົນ ໃນພື້ນທີ່ກວ່າ 70 ປະເທດທົ່ວໂລກ.

 

ຮຽບຮຽງຂ່າວ: ພຸດສະດີ