spot_img
Homeຂ່າວພາຍ​ໃນທາງຫຼວງແຫ່ງຊາດ ກຳນົດມີລວງກວ້າງ ເບື້ອງລະ 25 ແມັດ ນັບແຕ່ໃຈກາງທາງອອກໄປ

ທາງຫຼວງແຫ່ງຊາດ ກຳນົດມີລວງກວ້າງ ເບື້ອງລະ 25 ແມັດ ນັບແຕ່ໃຈກາງທາງອອກໄປ

Published on

ອີງຕາມການລາຍງານຂ່າວຂອງ ໜັງສືພິມເສດຖະກິດ-ການຄ້າວ່າ ໃນວັນທີ 8 ພະຈິກຜ່ານມາວ່າ ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ 8 ໄດ້ພິຈາລະນາຫາລືຮ່າງກົດໝາຍວ່າດ້ວຍ ທາງຫຼວງສະບັບປັບປຸງ ສະເໜີໂດຍ ລັດຖະມົນຕີກະຊວງໂຍທາທິການ ແລະຂົນສົ່ງ

ທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະຂົນສົ່ງ ກ່າວວ່າ: ກົດໝາຍວ່າດ້ວຍທາງ ສະບັບປະຈຸບັນ ໄດ້ປະກາດນໍາໃຊ້ຢ່າງເປັນທາງການໃນປີ 1999 ເຊິ່ງເຫັນວ່າກົດໝາຍສະບັບປັດຈຸບັນຍັງບໍ່ທັນໄດ້ກຳນົດຂອບເຂດຂອງທາງຫຼວງຢ່າງຊັດເຈນ, ຍັງບໍ່ໄດ້ກວມເອົາເຂດສະຫງວນຢູ່ເທິງໜ້າດິນ, ໃຕ້ດິນ ແລະໂຄງປະກອບ ອື່ນໆຂອງທາງຫຼວງ, ຄວາມຮັບຜິດຊອບໃນການຄຸ້ມຄອງ ເຂດສະຫງວນຂອງທາງຫຼວງກໍບໍ່ທັນກຳນົດຢ່າງຈະແຈ້ງ ຈຶ່ງເຮັດໃຫ້ມີການບຸກລຸກເຂດສະຫງວນຂອງທາງຫຼວງ ເປັນຕົ້ນແມ່ນ ມີການຖົມດິນຊະຊາຍຕາມແຄມທາງ, ຖົມຮ່ອງລະບາຍນໍ້າ, ກໍ່ສ້າງທີ່ຢູ່ອາໄສ ແລະສະຖານທີ່ປະກອບການຊົ່ວຄາວ, ຖາວອນ ທີ່ລ່ວງລໍ້າເຂົ້າໃນເຂດສະຫງວນຂອງທາງຫຼວງ, ມີການອອກໃບຕາດິນຂອງເຂດສະຫງວນຂອງທາງຫຼວງ ແລະອື່ນໆ

%e0%ba%97%e0%ba%b2%e0%ba%87%e0%ba%ab%e0%ba%bc%e0%ba%a7%e0%ba%87

ຈາກສະພາບດັ່ງກ່າວ ເຫັນວ່າ ມີຄວາມຈະເປັນຕ້ອງໄດ້ປັບປຸງກົດໝາຍ ວ່າດ້ວຍທາງຫຼວງ ເພື່ອເຮັດໃຫ້ການຄຸ້ມຄອງກໍ່ສ້າງ, ບູລະນະຮັກສາ, ສ້ອມແປງ, ນໍາໃຊ້ທາງຫຼວງໃຫ້ມີປະສິດທິພາບ ແລະປະສິດທິຜົນສູງ, ສາມາດພັດທະນາເຂົ້າໃນການພັດທະນາເສດຖະກິດ-ສັງຄົມແຫ່ງຊາດ.

ສ່ວນໂຄງສ້າງຂອງກົດໝາຍວ່າດ້ວຍ ທາງຫຼວງສະບັບປັບປຸງໃໝ່ ມີ 13​ ພາກ, 14 ໝວດ ແລະ 99 ມາດຕາ, ໃນນີ້ ປັບປຸງ 44 ມາດຕາ, ເພີ່ມໃໝ່ 54 ມາດຕາ ແລະຄົງໄວ້ 1 ມາດຕາ. ຈຸດສຳຄັນແມ່ນ  ມາດຕາ 22 (ປັງປຸງ) ເຂດສະຫງວນຢູ່ໜ້າດິນຂອງທາງຫຼວງ, ເຂດສະຫງວນຢູ່ໜ້າດິນ ແຕ່ລະປະເພດ ມີລວງກວ້າງຄື:

  1. ທາງຫຼວງແຫ່ງຊາດ ມີລວງກວ້າງເບື້ອງລະ 25 ແມັດ ນັບແຕ່ໃຈກາງທາງອອກໄປ
  2. ທາງຫຼວງແຂວງ ມີລວງກວ້າງເບື້ອງລະ 15 ແມັດ ນັບແຕ່ໃຈກາງທາງອອກໄປ
  3. ທາງຫຼວງເມືອງ ມີລວງກວ້າງເບື້ອງລະ 10 ແມັດ ນັບແຕ່ໃຈກາງທາງອອກໄປ
  4. ທາງຊົນນະບົດມີລວງກວ້າງເບື້ອງລະ 5 ແມັດ ນັບແຕ່ໃຈກາງທາງອອກໄປ
  5. ສຳລັບທາງຕົວເມືອງ ໃຫ້ປະຕິບັດຕາມແຜນຜັງເມືອງ, ສ່ວນທາງສະເພາະ ໃຫ້ປະຕິບັດຕາມຈຸດພິເສດສະເພາະ ຂອງແຕ່ລະເສັ້ນທາງ

ມາດຕາ 52 (ໃໝ່) ລາຄາຫົວໜ່ວຍ ລາຄາທັງໝົດກໍ່ສ້າງ, ບູລະນະ ແລະສ້ອມແປງທາງຫຼວງ ແມ່ນລາຄາທີ່ຄິດໄລ່ ຈາກຄ່າໃຊ້ຈ່າຍທາງກົງ ແລະທາງອ້ອມ ຕໍ່ໜ້າວຽກໃດໜຶ່ງ ເຊິ່ງຄິດໄລ່ຕາມຫົວໜ່ວຍວັດແທກເຊັ່ນ: ແມັດຍາວ, ຕາແມັດ, ແມັດກ້ອນ ແລະອື່ນໆ

ລາຄາຫົວໜ່ວຍແມ່ນ ານໍາໃຊ້ເປັນບ່ອນອີງ ໃນການວິເຄາະ ປະສິດທິຜົນ ທາງດ້ານເສດຖະກິດ ຂອງການລົງທຶນ ໂຄງການທາງຫຼວງ, ເປັນລາຄາກາງທີ່ສົມເຫດສົມຜົນ, ເປັນເຄື່ອງມືໃນການປະເມີນມູນຄ່າ, ຂຶ້ນແຜນງົບປະມານ ແລະກວດກາໂຄງການ. ການກຳນົດໂຄງການ ແລະຫຼັກການຄິດໄລ່ ລາຄາຫົວໜ່ວຍ ຕ້ອງເປັນເອກະພາບກັນ ໃນຂອບເຂດທົ່ວປະເທດ ແຕ່ລາຄາຫົວໜ່ວຍໂຕຈິງ ອາດແຕກຕ່າງກັນໃນແຕ່ລະທ້ອງຖິ່ນ ໂດຍອີງຕາມວັດສະດຸກໍ່ສ້າງ, ຄ່າແຮງງານ, ຄ່າຂົນສົ່ງ ແລະປັດໄຈອື່ນໆ ທີ່ມີລັກສະນະສະເພາະຂອງແຕ່ລະທ້ອງຖິ່ນ

 

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...