ທາງລົດໄຟລາວ-ຈີນຄືບໜ້າ “ນາເຕີຍ” ສະຖານີແຫ່ງທຳອິດສ້າງສຳເລັດແລ້ວ

ເວັບໄຊຂ່າວ xinhuathai ລາຍງານໃນວັນທີ 16 ກັນຍາ 2020ວ່າ ບໍລິສັດ ໄຊນ່າ ເຣລເວ ຄອນສະຕັກຊັ່ນ ເອນຈິເນຍຣິງ ກຣຸ໊ບ (CRCEG) ໄດ້ສຳເລັດການກໍ່ສ້າງສະຖານີລົດໄຟນາເຕີຍ ເມືອງຫຼວງນໍ້າທາ ແຂວງຫຼວງນໍ້າທາ ເຊິ່ງເປັນສະຖານີແຫ່ງທຳອິດຂອງເສັ້ນທາງລົດໄຟລາວ-ຈີນ.

ສະຖານີລົດໄຟນາເຕີຍ ເຊິ່ງເປັນສູນກາງການຂົນສົ່ງຜູ້ໂດຍສານ ແລະ ສິນຄ້າທີ່ີສຳຄັນໃນພາກເໜືອຂອງລາວ.

ທາງລົດໄຟສາຍນີ້ມີໄລຍະທາງ 422 ກິໂລແມັດ ມີອຸໂມງ 75 ແຫ່ງ ເຊິ່ງມີຄວາມຍາວລວມ 198 ກິໂລ ແມັດ ແລະ ມີຂົວ ເຊິ່ງມີຄວາມຍາວ 62 ກິໂລແມັດ ອອກເດີນທາງຈາກຊາຍແດນເມືອງບໍ່ເຕັນ ທາງຕອນເໜືອຂອງລາວ ເຊິ່ງມີຊາຍແດນຕິດກັບຈີນ ມຸ່ງໜ້າໄປທີ່ນະຄອນຫຼວງວຽງຈັນດ້ວຍຄວາມໄວ 160 ກິໂລແມັດຕໍ່ຊົ່ວໂມງ.

ລາງລົດໄຟຂົນສົ່ງຜູ້ໂດຍສານ ແລະ ສິນຄ້າທີ່ໃຊ້ລະບົບຈ່າຍໄຟຟ້າສາຍນີ້ ຖືກສ້າງຂຶ້ນໂດຍນຳມາດຕະການຈັດການ ແລະ ມາດຕະຖານດ້ານເທັກນິກຂອງຈີນມາໃຊ້ຢ່າງເຕັມຮູບແບບ.

ທັງນີ້, ໂຄງການທາງລົດໄຟສາຍນີ້ເລີ່ມຕົ້ນໃນເດືອນທັນວາ 2016 ແລະ ມີກຳນົດແລ້ວສຳເລັດພ້ອມເປີດບໍລິການໃນເດືອນທັນວາ 2021.

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.