spot_img
Homeຂ່າວຕ່າງປະເທດທະຫານອັບການິດສະຖານ ກໍ່ເຫດກວາດຍິງ ເຮັດໃຫ້ນາຍພົນຂອງກອງທັບສະຫະລັດຜູ້ໜຶ່ງເສຍຊີວິດ ເປັນການສູນເສຍເຈົ້າໜ້າທີ່ຍົດສູງທີ່ສຸດ ນັບແຕ່ເຫດການ 9/11 ຂອງອາເມຣິກາ

ທະຫານອັບການິດສະຖານ ກໍ່ເຫດກວາດຍິງ ເຮັດໃຫ້ນາຍພົນຂອງກອງທັບສະຫະລັດຜູ້ໜຶ່ງເສຍຊີວິດ ເປັນການສູນເສຍເຈົ້າໜ້າທີ່ຍົດສູງທີ່ສຸດ ນັບແຕ່ເຫດການ 9/11 ຂອງອາເມຣິກາ

Published on

EyWwB5WU57MYnKOuFBrBXyY5aeAIiqu1kHj9siuZGVK1vhUFPfUp2k

 

ສຳນັກຂ່າວຕ່າງປະເທດລາຍງານວ່າ ຊາຍໃນຊຸດເຄື່ອງແບບທະຫານອັບການິດສະຖານ ໄດ້ລົວກະສຸນປືນ

ຍິງເຈົ້າໜ້າທີ່ທະຫານຕ່າງຊາດ ທີ່ມະຫາວິທະຍາໄລປ້ອງກັນປະເທດແຫ່ງຊາດ ໃນຖານທັບ ຄາກາ ເຂດຊານ

ເມືອງນະຄອນຫຼວງຄາບູນ ເມື່ອວັນອັງຄານທີ 5 ສິງຫາ 2014 ທີ່ຜ່ານມາ ເປັນເຫດເຮັດໃຫ້ທະຫານລະດັບ

ພົນຕີຂອງສະຫະລັດອາເມຣິກາເສຍຊີວິດ ໂດຍເທື່ອນີ້ນັບເປັນເຈົ້າໜ້າທີ່ທະຫານລະດັບສູງທີ່ສຸດຂອງສະຫະ

ລັດ ທີ່ຖືກສັງຫານ ນັບຕັ້ງແຕ່ເກີດເຫດວິນາດສະກຳ 9/11 ຜ່ານມາ.

 

ເຫດການດັ່ງກ່າວເກີດຂຶ້ນ ໃນຂະນະທີ່ເຈົ້າໜ້າທີ່ທະຫານລະດັບສູງຫຼາຍຄົນ ຂອງກອງກຳລັງສົນທິສັນຍາ

ປ້ອງກັນແອັດແລນຕິກເໜືອ ຫຼື ນາໂຕ້ ເດີນທາງມາຢ້ຽມຢາມມະຫາວິທະຍາໄລແຫ່ງນີ້ ອັນໄດ້ເຮັດໃຫ້ມີຜູ້

ໄດ້ຮັບບາດເຈັບນັບສິບຄົນ ລວມເຖິງທະຫານອັງກິດ 2 ຄົນ ແລະ ເຈົ້າໜ້າທີ່ລະດັບສູງຂອງເຢຍລະມັນອີກ

1 ຄົນ ໃນຂະນະທີ່ມືປືນຖືກຍິງເສຍຊີວິດໃນທີ່ເກີດເຫດ.

 

ພົນຕີ ຈອນ ເຄຍບີ ໂຄສົກກະຊວງປ້ອງກັນປະເທດສະຫະລັດ ເປີດເຜີຍຕໍ່ຜູ້ສື່ຂ່າວໃນຂະຄອນຫຼວງວໍຊິງຕັນ

ດີຊີວ່າ ເຫດການຄັ້ງນີ້ໄດ້ເຮັດໃຫ້ເຈົ້າໜ້າທີ່ລະດັບພົນຕີຂອງສະຫະລັດເສຍຊີວິດ ໂດຍເປັນເຈົ້າໜ້າທີ່ສະຫະ

ລັດຍົດສູງສຸດທີ່ຖືກສັງຫານ ນັບຕັ້ງແຕ່ການເສຍຊີວິດຂອງ ພົນໂທ ທິໂມທີ ໂຈເຊບ ມອດ ຫຼັງກຸ່ມກໍ່ການຮ້າຍ

ຈີ້ເຮືອບິນຕຳຕຶກເພັນຕາກອນ ເມື່ອວັນທີ 9 ເດືອນ 11 ປີ 2011 ຫຼື ເຫດການ 9/11 ໂດຍທ່ານ ເຄຍບີ ຍັງເຊື່ອ

ວ່າ ຜູ້ກໍ່ເຫດເປັນທະຫານຂອງອັບການິດສະຖານຢ່າງແທ້ຈິງອີກດ້ວຍ.

 

ດ້ານປະທານາທິບໍດີ ຮາມິດ ຄາໄຊ ຂອງອັບການິດສະຖານ ອອກມາປະນາມເຫດການໂຈມຕີທີ່ເກີດຂຶ້ນ ພ້ອມ

ລະບຸວ່າ ເປັນການໂຈມຕີທີ່ຂີ້ຂາດຕໍ່ເຈົ້າໜ້າທີ່ຂອງອັບການິດສະຖານ ແລະ ນາໂຕ້ ໂດຍເປັນຝີມືຂອງເຫຼົ່າສັດ

ຕູທີ່ບໍ່ຕ້ອງການໃຫ້ອັບການິດສະຖານ ມີອົງກອນທີ່ເຂັ້ມແຂງເປັນຂອງຕົນເອງ ໃນຂະນະທີ່ກະຊວງປ້ອງກັນປະ

ເທດຂອງອັບການິດສະຖານລະບຸວ່າ ຜູ້ກໍ່ເຫດເປັນທະຫານອັບການິດສະຖານ ທີ່ຖືກເກນເຂົ້າມາເມື່ອ 3 ປີກ່ອນ

ໂດຍສາເຫດເຊື່ອວ່າ ເກີດຈາກການໂຕ້ຖຽງກັນລະຫວ່າງເຈົາໜ້າທີ່.

 

ດ້ານໜຶ່ງ, ເຫດການນ້ີນັບເປັນເຫເດການໂຈມຕີພາຍໃນຂອງທະຫານຝ່າຍດຽວກັນເອງຄັ້ງລ່າສຸດ ໂດຍເຫດ

ໂຈມຕີລັກສະນະດຽວກັນນີ້ ເກີດຂຶ້ນຫຼາຍຄັ້ງໃນອັບການິດສະຖານ ເຮັດໃຫ້ທະຫານຂອງສະຫະລັດ ແລະ ນາໂຕ້

ເສຍຊີວິດໄປແລ້ວຈຳນວນຫຼາຍ, ແຕ່ໃນຊ່ວງທີ່ຜ່ານມາ ເຫດໂຈມຕີໄດ້ຫຼຸດລົງຢ່າງວ່ອງໄວ ຫຼັງຈາກນາໂຕ້ໄດ້

ປິດຖານທີ່ໝັ້ນຫຼາຍແຫ່ງ ແລະ ຫຼຸດຜ່ອນການປະຕິບັດການຕ່າງໆລົງ ກ່ອນທີ່ຈະຖອນກອງກຳລັງພັນທະມິດ

ອອກຈາກອັບການິດສະຖານໂດຍສົມບູນໃນສິ້ນປີນີ້.

 

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...