spot_img
Homeຂ່າວພາຍ​ໃນທະນາຄານແຫ່ງ ສປປ ລາວ ສະຫຼອງວັນສ້າງຕັ້ງ ຄົບຮອບ 45 ປີ

ທະນາຄານແຫ່ງ ສປປ ລາວ ສະຫຼອງວັນສ້າງຕັ້ງ ຄົບຮອບ 45 ປີ

Published on

ວັນ​ທີ 24 ທັນວາ 2013 ຜ່ານ​ມາ​ນີ້ ທະນາຄານ​ແຫ່ງ ​ສປປ ລາວ ໄດ້​ຈັດ​ງານ​ສະເຫຼີມສະຫຼອງ ວັນ​ສ້າງຕັ້ງ​ທະນາຄານ​ແຫ່ງ ​ສປປ ລາວ ຄົບຮອບ 45 ປີ​ຂຶ້ນ ຢູ່​ທີ່​ຫໍ​ວັດທະນະທຳ​ແຫ່ງ​ຊາດ ໂດຍ​ມີ​ທ່ານ ທອງ​ສິງ ທຳ​ມະ​ວົງ ກຳມະການ​ກົມ​ການເມືອງ​ສູນ​ກາງ​ພັກ ນາຍົກລັດຖະມົນຕີ ໃຫ້​ກຽດ​ເຂົ້າ​ຮ່ວມ.

ທ່ານ ສົມ​ພາວ ໄຟ​ສິດ ເລຂາ​ຄະນະ​ພັກ ຜູ້​ວ່າການ​ທະນາຄານ​ແຫ່ງ ​ສປປ ລາວ ໄດ້​ສະເໜີ​ຜົນງານ​ໃຫ້​ຮູ້​ໂດຍ​ຫຍໍ້​ວ່າ: ກ່ອນ​ໜ້າ​ນີ້ 45 ປີ ໂດຍ​ປະຕິບັດ​ຕາມ​ມະຕິ​ກອງ​ປະຊຸມ​ສູນ​ກາງ​ພັກ ຄັ້ງ​ທີ 13 ສະໄໝ​ທີ I ກ່ຽວ​ກັບ​ການ​ປັບປຸງ​ກໍ່ສ້າງ​ເຂດ​ປົດ​ປ່ອຍ​ໃນ​ທຸກ​ດ້ານ ເຮັດ​ໃຫ້​ເຂດ​ປົດ​ປ່ອຍ​ເປັນ​ຄື​ລັດ​ໜຶ່ງ​ທີ່​ມີ​ຄວາມ​ເປັນ​ເອກະລາດ ເພື່ອ​ເປັນ​ບ່ອນ​ອີງ​ທີ່​ໜັກ​ແໜ້ນ​ໃຫ້​ແກ່​ພາລະກິດ​ຕໍ່ສູ້​ປົດ​ປ່ອຍ​ຊາດ ໃນ​ວັນ​ທີ 7 ຕຸລາ 1968 ສູນ​ກາງ​ແນວ​ລາວ​ຮັກ​ຊາດ ໄດ້​ປະກາດ​ສ້າງຕັ້ງ​ທະນາຄານ​ປະເທດ​ລາວ​ຂຶ້ນ ທີ່​ຖ້ຳ​ເສດຖະກິດ-ການ​ເງິນ ບ້ານ​ນາ​ໄກ ເມືອງ​ວຽງ​ໄຊ ແຂວງ​ຫົວພັນ ໃນ​ມື້​ນັ້ນ ທະນາຄານ​ປະເທດ​ລາວ ໄດ້​ພິມ​ຈຳໜ່າຍ​ເງິນ​ກີບ​ປົດ​ປ່ອຍ​ອອກ​ຈໍ​ລະ​ຈອນ ຮັບ​ໃຊ້​ພາລະກິດ​ການ​ປະຕິວັດ​ເປັນ​ຄັ້ງ​ທຳ​ອິດ.

ພາຍຫຼັງ​ສະຖາປະນາ ​ສປປ ລາວ ໃນ​ວັນ​ທີ 2 ທັນວາ 1975 ການ​ປະຕິວັດ​ປະເທດ​ເຮົາ ໄດ້​ກ້າວ​ເຂົ້າ​ສູ່​ໄລຍະ​ໃໝ່ ໄລຍະ​ແຫ່ງ​ການ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ ພາຍ​ໃຕ້​ການ​ນຳພາ​ຂອງ​ພັກ ປະຊາຊົນ​ເຮົາ​ໄດ້​ຈັດ​ຕັ້ງ​ປະຕິບັດ​ແຜນ​ຟື້ນ​ຟູ​ເສດຖະກິດ​ຫຼັງ​ສົງຄາມ ກ້າວ​ສູ່​ໄລຍະ​ຂ້າມ​ຜ່ານ​ກ້າວ​ຂຶ້ນ​ສັງຄົມ​ນິຍົມ ໃນ​ໄລຍະ​ດັ່ງກ່າວ ທະນາຄານ​ປະເທດ​ລາວ ໄດ້​ເຄື່ອນ​ຍ້າຍ​ຈາກ​ເມືອງ​ວຽງ​ໄຊ​ມາ​ນະຄອນຫຼວງ​ວຽງ​ຈັນ ແລະ ໄດ້​ເຂົ້າ​ຄອບ​ຄອງ​ລະບົບ​ທະນາຄານ​ຂອງ​ຝ່າຍ​ລາຊະ​ອານາຈັກ​ທັງ​ໝົດ ແລະ ໄດ້​ປ່ຽນ​ຊື່​ທະນາຄານ​ປະເທດ​ລາວ ມາ​ເປັນ​ທະນາຄານ​ແຫ່ງ ​ສປປ ລາວ ບົດບາດ​ທະນາຄານ​ແຫ່ງ​ຊາດ ໄດ້​ຂະຫຍາຍ​ກວ້າງ​ຄວບ​ຄຸມ​ພື້ນ​ທີ່​ທົ່ວ​ປະເທດ.

ນັບ​ຈາກ​ນັ້ນ​ມາ ທະນາຄານ​ແຫ່ງ ​ສປປ ລາວ ໄດ້​ມີ​ການ​ເຕີບ​ໃຫຍ່​ຂະຫຍາຍຕົວ​ທາງ​ດ້ານ​ການຈັດຕັ້ງ ແລະ ຮູບ​ແບບ​ການ​ຄຸ້ມ​ຄອງ ຊຶ່ງ​ໄດ້​ສ້າງຕັ້ງ​ຫຼາຍ​ທະນາຄານ​ເກີດ​ຂຶ້ນ ທັນ​ສະໄໝ​ຂຶ້ນ ຈາກ​ຜົນງານ​ດັ່ງກ່າວ​ນັ້ນ ແມ່ນ​ຍ້ອນ​ການ​ຊີ້​ນຳ-ນຳພາ​ຢ່າງ​ໃກ້ຊິດ​ຂອງ​ກົມ​ການເມືອງ​ສູນ​ກາງ​ພັກ ແລະ ລັດຖະບານ ຈຶ່ງ​ມີ​ການ​ເຕີບ​ໃຫຍ່​ຂະຫຍາຍຕົວ​ຂຶ້ນ​ຢ່າງ​ບໍ່​ຢຸດ​ຢັ້ງ.

ທີ່ມາhttp://www.vientianemai.net/teen/khao/1/10862

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...