spot_img
Homeຂ່າວຕ່າງປະເທດທະນາຄານສິງກະໂປປ່ອຍສິນເຊື່ອຊື້ອະສັງຫາລິມະຊັບໃນລອນດອນ

ທະນາຄານສິງກະໂປປ່ອຍສິນເຊື່ອຊື້ອະສັງຫາລິມະຊັບໃນລອນດອນ

Published on

ທະນາຄານຢູໄນເຕັດໂອເວີຊີ (ຢູໂອບີ) ຂອງສິງກະໂປໄດ້ລະງັບການປ່ອຍສິນເຊື່ອໃຫ້ແກ່ຜູ້ທີ່ຕ້ອງການຊື້ອະສັງຫາລິມະຊັບໃນນະຄອນຫຼວງລອນດອນຂອງອັງກິດ ເພາະມີຄວາມບໍ່ແນ່ນອນຈາກການທີ່ສະຫະຣາຊະອານາຈັກລົງປະຊາມະຕິອອກຈາກສະຫະພາບເອີຣົບ (ອີຢູ) ຫຼື ເບຣກຊິດ.

ຢູໂອບີ ໜຶ່ງໃນທະນາຄານສັນຊາດສິງກະໂປສາມແຫ່ງຖະແຫຼງວ່າ ຈະຢຸດຮັບຄຳຂໍສິນເຊື່ອເພື່ອຊື້ອະສັງຫາລິມະຊັບໃນນະຄອນຫຼວງລອນດອນຢ່າງລະມັດລະວັງ, ທະນາຄານຈະຕິດຕາມສະຖານະການຕະຫຼາດຢ່າງໃກ້ຊິດ ແລະ ຈະປະເມີນຢ່າງສະໝໍ່າສະເໝີເພື່ອພິຈາລະນາວ່າຈະປ່ອຍສິນເຊື່ອຕາມປົກກະຕິໄດ້ອີກເມື່ອໃດ.

ດ້ານດີບີເອສ ທະນາຄານໃຫຍ່ທີ່ສຸດຂອງສິງກະໂປເຜີຍວ່າ ຈະປ່ອຍສິນເຊື່ອເພື່ອການຊື້ອະສັງຫາລິມະຊັບໃນນະຄອນຫຼວງລອນດອນຕໍ່ໄປ ແຕ່ໄດ້ໃຫ້ລູກຄ້າເລືອກວ່າຈະກູ້ເປັນສະກຸນເງິນໂດລາສິງກະໂປຫຼືສະກຸນເງິນປອນ ຂໍແນະນຳລູກຄ້າທີ່ສົນໃຈຈະຊື້ອະສັງຫາລິມະຊັບໃນນະຄອນລອນດອນໃຫ້ປະເມີນສະຖານະການຢ່າງໃກ້ຊິດກ່ອນຕັດສິນໃຈຊື້ ເພາະອາດມີຄວາມສ່ຽງເລື່ອງອັດຕາແລກປ່ຽນ ແລະ ຄວາມສ່ຽງຈາກການປ່ຽນນະໂຍບາຍພາກລັດ.

ນັກລົງທຶນອາຊີຊື້ອະສັງຫາລິມະຊັບສຳລັບພັກອາໄສ ແລະ ດ້ານການຄ້າໃນສະຫະຣາຊະອານາຈັກເພື່ອການລົງທຶນມາດົນແລ້ວ ລາຄາເຮືອນພັກໃນນະຄອນລອນດອນເພີ່ມຂຶ້ນຕໍ່ເນື່ອງຕະຫຼອດ 6 ປີມານີ້ ແຕ່ຫຼັງຈາກຮູ້ຜົນເບຣກຊິດເມື່ອວັນສຸກທີ່ຜ່ານມາ ບໍລິສັດທີ່ປຶກສາຫຼາຍແຫ່ງຄາດວ່າ ລາຄາເຮືອນໃນອັງກິດອາດຕົກລົງ 5-10 ໃນຊ່ວງ 2 ປີຂ້າງໜ້າ.

ບົດຄວາມຫຼ້າສຸດ

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...