spot_img
Homeຂ່າວທ້ອງຖິ່ນຖິ້ມສິ່ງຂອງ (ຂີ້ເຫຍື້ອ) ອອກຈາກລົດທັງເປີເປື້ອນ ແລະ ກີດຂວາງການສັນຈອນ

ຖິ້ມສິ່ງຂອງ (ຂີ້ເຫຍື້ອ) ອອກຈາກລົດທັງເປີເປື້ອນ ແລະ ກີດຂວາງການສັນຈອນ

Published on

ທ່ານຮູ້ ຫຼື ບໍ່? ພຶດຕິກຳການຖິ້ມຂີ້ເຫຍື້ອ, ສິ່ງຂອງ ຫຼື ຖົ່ມນໍ້າລາຍອອກຈາກລົດນັ້ນ, ນອກຈາກມັນຈະເປັນການເສຍມາລະຍາດທາງສັງຄົມແລ້ວ ຍັງຫຼົບກວນຜູ້ຂັບຂີ່ຮ່ວມທາງຕາມຖະໜົນ ຫາກສິ່ງຂອງທີ່ທ່ານຖິ້ມອອກໄປຈາກມືນັ້ນໄປຖືກຄົນອື່ນທີ່ກຳລັງຂັບຂີ່ອາດເຮັດໃຫ້ເຂົາບໍ່ພໍໃຈໃນພຶດຕິກຳຂອງທ່ານ ແລະ ບາງຄັ້ງເລື່ອງເລັກໆນ້ອຍໆແບບນີ້ອາດເປັນເລື່ອງໃຫຍ່ຫາກເກີດມີອຸບັດຕິເຫດ.

ບໍ່ວ່າຈະເປັນຂີ້ເຫຍື້ອ, ນໍ້າລາຍທີ່ອອກມາຈາກລົດ ຫຼື ແມ່ນແຕ່ເສດຂີ້ເຫຍື້ອ ຫຼື ເສດປູນ, ກ້ອນຫີນ ຕ່າງໆ ທີ່ຕົກມາລົດ ຫາກພິຈາລະນາດີໆແລ້ວ ສິ່ງເຫຼົ່ານີ້ລ້ວນແມ່ນສິ່ງກີດຂວາງການສັນຈອນຕາມທ້ອງຖະໜົນ ໃນຂະນະທີ່ທ່ານກຳລັງຖິ້ມສິ່ງຂອງອອກຈາກລົດ ຫາກມີລົດຄັນທີ່ຂັບມານຳຫຼັງຫັກຫຼີກແບບກະທັນຫັນ ຫຼື ຕຳເອົາຂີ້ເຫຍື້ອປະເພດແຂງ ຫຼື ປູນແຫ້ງ ອາດເຮັດໃຫ້ຜູ້ຂັບໂດຍສະເພາະລົດຈັກເສຍຫຼັກ ແລະ ເກີດອຸບັດຕິເຫດໄດ້ ທ່ານອາດໄດ້ຮັບໂທດ ທີ່ເປັນຕົ້ນເຫດໃນອຸບັດຕິເຫດໄປໂດຍບໍ່ຮູ້ຕົວ ເນື່ອງຈາກສິ່ງຂອງທີ່ທ່ານຖິ້ມອອກມາ ຫຼື ປ່ອຍມັນເຮ່ຍຕາມທາງນັ້ນ ກີດຂວາງຕາມທ້ອງຖະໜົນຢ່າງໜຶ່ງ.

ໃນມາດຕາ 144 ວ່າດ້ວຍການກີດຂວາງການສັນຈອນທາງບົກ ທີ່ລະບຸໄວ້ວ່າ ຫາກບຸກຄົນໃດກີດຂວາງການຈະລາຈອນທາງບົກດ້ວຍການຂຸດ, ເຈາະ ຫຼື ຕັດ, ວາງສິ່່ງກີດຂວາງ, ມ້າງ, ​ຮື້ຖອນ, ຍົກຍ້າຍ,​ ເຮັດໃຫ້ຫຍຸ້ງຍາກ ໂດຍບໍ່ຖືກຕ້ອງຕາມກົດໝາຍຈະຖືກລົງໂທດຕັດອິດສະຫຼະພາບແຕ່ ສາມເດືອນ ຫາ ສອງປີ ຫຼື ດັດສ້າງໂດຍບໍ່ຕັດອິດສະຫຼະພາບ ແລະ ຈະຖືກປັບໄໝ ແຕ່ 1.000.000 ກີບ ຫາ 5.000.000ກີບ.

ກໍລະນີເປັນການກະທຳທີ່ເຮັດໃຫ້ເກີດອຸບັດຕິເຫດໃນການສັນຈອນ ຈະຖືກລົງໂທດຕັດອິດສະຫຼະພາບ ແຕ່ ຫົກເດືອນ ຫາ ສາມປີ ແລະ ຈະຖືກປັບໃໝ ແຕ່ 3.000.000ກີບ ຫາ 10.000.000ກີບ.

ນອກຈາກເຄົາລົບກົດຈະລາຈອນແລ້ວ ມາລະຍາດໃນການຂັບຂີ່ຕາມທ້ອງຖະໜົນທຸກຄົນກໍ່ຕ້ອງເອົາໃຈໃສ່ຂຶ້ນຕື່ມ ແລະ ຍັງຕ້ອງມີຈິດສຳນຶກໃນການຮັກສາຄວາມສະອາດຂອງບ້ານເມືອງ ຄຳນຶງເຖິງຄວາມປອດໄພທັງຕົນເອງ ແລະ ຄວາມປອດໄພຂອງຜູ້ອື່ນນຳທີ່ໃຊ້ລົດໃຊ້ຖະໜົນຮ່ວມກັນ ຈຶ່ງເຮັດໃຫ້ສັງຄົມລາວກາຍເປັນສັງຄົມທີ່ໜ້າຢູ່ຂຶ້ນຕື່ມ.

 

 

 

 

 

 

 

 

 

ຮຽບຮຽງໂດຍ: ບຸດສະດີ ສາຍນໍ້າມັດ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...