spot_img
Homeອຸບັດເຫດແລະປາກົດການຫຍໍ້ທໍ້ຕຳແລ້ວໜີຍັງມີຢ່າງຕໍ່ເນື່ອງ ລັດຄວນຫາມາຕະການແກ້ໄຂຮີບດ່ວນ

ຕຳແລ້ວໜີຍັງມີຢ່າງຕໍ່ເນື່ອງ ລັດຄວນຫາມາຕະການແກ້ໄຂຮີບດ່ວນ

Published on

ໃນວັນທີ 25.07.2016 ເວລາ 02:20ໂມງ ໜ່ວຍກູ້ໄພ ມູນນິທິ ຊ່ວຍເຫຼືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດຜ່ານເບີສຸກເສີນ 1623 ວ່າມີລົດໃຫຍ່ຕຳລົດຈັກແລ້ວໜີ ຈຸດເກີດເຫດແມ່ນ ໜ້າໂຮງຮຽນປະຖົມ ບ້ານ ໜອງໄຮ ເມືອງ ຫາດຊາຍຟອງ ນະຄອນຫຼວງວຽງຈັນພໍໜ່ວຍກູ້ໄພມູນນິທິ ອອກກວດສອບພົບເຫັນ ຜູ້ບາດເຈັບ 1 ຄົນ ເປັນເພດຊາຍ ອາຍຸ 33ປີ ອາການເບື້ອງຕົ້ນແມ່ນ ກະທົບຫົວຮຸນແຮງ,ເລືອດອອກດັງ,ເລືອດອອກປາກ,ມີບາດເປີດໃຫຍ່ຢູ່ໜ້າຜາກ,ມີບາດເປີດກວ້າງຢູ່ຫົວເຂົ່າເບື້ອງຂວາ ແລະ ມີບາດແຜຕາມຕົນໂຕ(ບໍ່ມີສະຕິ)
ຫນ່ວຍກູ້ໄພມູນນິທິ 1623 ຈຶ່ງໄດ້ປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍເສດຖາໂດຍດ່ວນ ແຕ່ເນື່ອງຈາກໄດ້ຮັບບາດເຈັບໜັກ ເມື່ອໄປຮອດໂຮງໝໍ ທາງກູ້ໄພ ແລະ ທ່ານໝໍໄດ້ພະຍາຍາມກູ້ຊີວິດຂອງຄົນເຈັບໄວ້ແຕ່ບໍ່ສຳເລັດ ແລະ ໄດ້ເສຍຊີວິດໃນເວລາຕໍ່ມາທີ່ໂຮງໝໍເສດຖາທິຣາດ

ຕໍ່ເຫດການຄືດັ່ງກ່າວນີ້ ລັດຖະບານພວມຂຸ້ນຂ້ຽວ ຫາວິທີແກ້ໄຂ ໂດຍຫລ້າສຸດໄດ້ຂ່າວວ່າຈະມີການຕິດກ້ອງວົງຈອນປິດ ໄວ້ທົ່ວນະຄອນຫຼວງຕື່ມອີກ 800 ຈຸດ ເພື່ອຈະໄດ້ຕິດຕາມເບິ່ງສະພາບການຈະລາຈອນ ແລະແກ້ໄຂສິ່ງຫຍໍ້ທໍ້ທີ່ເກີດຂຶ້ນຕາມທ້ອງຖະໜົນ ບໍ່ວ່າຈະເປັນການປຸ້ນຈີ້, ຊິງຊັບ, ລົດຕຳຄົນແລ້ວໜີບໍ່ຮັບຜິດຊອບ ແລະບັນຫາອື່ນໆ

ແຕ່ນອກຈາກນັ້ນ, ສິ່ງໜຶ່ງທີ່ສຳຄັນຄວນຈະມີການ ປູກຝັງຈິດສຳນຶກຄວາມຮັບຜິດຊອບ ຕໍ່ການກະທຳຂອງຄົນລາວໃຫ້ຫຼາຍຂຶ້ນ ຖ້າບໍ່ດັ່ງນັ້ນ, ການແກ້ໄຂກໍຄົງໄດ້ແຕ່ປາຍເຫດເທົ່ານັ້ນ ເພາະຕົ້ນເຫດມັນຢູ່ທີ່ຈິດສຳນຶກຂອງຄົນໃນສັງຄົມ.

ຂອບໃຈຂ່າວແລະຮູບຈາກ: ໜ່ວຍກູ້ໄພ ມູນນິທິ ຊ່ວຍເຫຼືອຄົນທຸກຍາກແຫ່ງ ສປປ ລາວ

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...