spot_img
Homeມູມໄອທີລາວຕຳນານ ແຮັກເກີ້ມື້ໜຶ່ງຂອງໂລກທີ່ຕ້ອງຕາຍ ເພາະຄວາມເກັ່ງຂອງຕົວເອງ

ຕຳນານ ແຮັກເກີ້ມື້ໜຶ່ງຂອງໂລກທີ່ຕ້ອງຕາຍ ເພາະຄວາມເກັ່ງຂອງຕົວເອງ

Published on

ເພື່ອນໆບາງຄົນອາດຈະເຄີຍອ່ານຜ່ານ 10 ອັນດັບ ແຮັກເກີ້ທີ່ເກັ່ງທີ່ສຸດໃນໂລກມາແລ້ວ ໂດຍວິລະກຳຂອງແຮັກເກີ້ແຕ່ລະຄົນນັ້ນຖືວ່າສຸດຍອດຂັ້ນເທບກັນທຸກຄົນ ແລະ ແອັດມິນກໍ່ໄດ້ພົບວ່າ ແຮັກເກີ້ທີ່ເກັ່ງທີ່ສຸດໃນໂລກນັ້ນມີຊື່ວ່າ Jonathan James ເຊິ່ງເປັນຫຍັງຈິ່ງວ່າລາວເກັ່ງທີ່ສຸດໃນໂລກເຮົາມາເບິ່ງວິລະກຳທີ່ລາວສ້າງໄວ້ເລີຍ

ເຈມສ໌ ເກີດເມື່ອວັນທີ 12 ທັນວາ 1983 ລາວເປັນຄົນທີ່ມີຄວາມສາມາດທາງດ້ານຄອມພິວເຕີສູງຫຼາຍ ເຂົ້າສາມາດຮຽນຮູ້ທຸກສິ່ງທຸກຢ່າງໄດ້ຢ່າງໄວວາ ເຈມສ໌ ມີອາຍຸພຽງ 15 ປີ ລາວກໍ່ສາມາດແຮັກຂໍ້ມູນບໍລິສັດທີ່ເຂົາຮູ້ຈັກອີກຫຼາຍບໍລິສັດ ເຊັ່ນບໍລິສັດໂທລະສັບ BellSouth ທີ່ເຂົາໄດ້ແຮັກເຂົ້າໄປເພື່ອໃຊ້ໂທລະສັບໂທຫາຄົນນັ້ນຄົນນີ້ຟຣີ ແລະ ໃນປີ 1999 ເຈມສ໌ໄດ້ແຮັກຂໍ້ມູນຂອງໜ່ວຍງານ DTRA ກະຊວງກະລາໂຫມຂອງສະຫະລັດ ເພື່ອເຂົ້າໄປອ່ານຂໍ້ມູນລັບຂອງປະເທດ ກົດໝາຍຂອງປະເທດສະຫະລັດບໍ່ຍອມອ່ອນຂໍ້ໃຫ້ເຂົາ ແຕ່ຍ້ອນອາຍຸຂອງເຂົາຍັງເປັນເຍົາວະຊົນ ເຂົາຈິ່ງຖືກຕັດສິນຈຳຄຸກ 6 ເດືອນໃນໂທດຖານລັກຄວາມລັບສູງສຸດຂອງປະເທດດ້ວຍໄວອາຍຸພຽງ 15 ປີ ເຊິ່ງເປັນຄົນທີ່ອາຍຸນ້ອຍທີ່ສຸດທີ່ໄດ້ຈຳຄຸກ

ຈົນເມື່ອເຂົາໄດ້ສ້າງວິລະກຳທີ່ເຮັດໃຫ້ຊື່ສຽງຂອງເຂົາໂດ່ງດັງໄປທົ່ວໂລກ ໃນປີ 1999 ຕອນເຂົາໄດ້ອາຍຸພຽງ 16 ປີເຂົາໄດ້ແຮັກຂໍ້ມູນອົງການ NASA ອົງການທີ່ມີຊື່ວ່າໄຮເທັກທີ່ສຸດຂອງໂລກ ເຈມສ໌ໄດ້ແຮັກເຂົ້າໄປອ່ານຂໍ້ມູນລັບສຸດຍອດທີ່ບໍ່ໄດ້ຖືກເປີດເຜີຍ ແລະ ທີ່ສຳຄັນລາວໄດ້ລັກເອົາໂປຣແກຣມທີ່ທາງ ນາຊ່າ ພັດທະນາຂຶ້ນດ້ວຍເງິນມະຫາສານ ເປັນເງິນເຖິງ 1.7 ລ້ານໂດລາສະຫະລັດ.

ຫຼັງຈາກເກີດເລື່ອງ ເຈມສ໌ກໍ່ໄດ້ໃຊ້ຊີວິດຕາມປົກກະຕິ ຈົນມາຮອດປີ 2008 ໄດ້ເກີດຂ່າວໃຫຍ່ຂຶ້ນໃນວົງການແຮັກເກີ້ ເພາະ Jonathan James ຊາຍຜູ້ເປັນແຮງບັນດານໃຈ ແລະ ຮີໂລ້ຂອງແຮັກເກີ້ຮຸ້ນໃໝ່ ໄດ້ເສຍຊີວິດລົງຈາກການຂ້າຕົວຕາຍ ໂດຍສາເຫດ ເພາະເຈມສ໌ ຖືກໃສ່ຮ້າຍວ່າເປັນຜູ້ສົມຮູ້ຮ່ວມຄິດໃນການແຮັກເຂົ້າໄປປົ້ນບໍລິສັດບັດເຄຣດິດອອນໄລນ໌ ເພາະເຂົາມີລາຍຊື່ຢູ່ໃນກຸ່ມຜູ້ກະທຳຜິດ ແລະ ຕົວເຂົາເອງກໍ່ເປັນຄົນທີ່ເກັ່ງທີ່ສຸດໃນກຸ່ມເຂົາຈິ່ງຕົກເປັນຜູ້ຕ້ອງສົງໃສຄົນທຳອິດ

ຕອນທຳອິດຕຳຫຼວດໄດ້ບຸກເຂົ້າມາຄົ້ນເຮືອນຂອງເຈມສ໌ ແຕ່ບໍ່ພົບຫຼັກຖານໃດໆທີ່ຜິດກົດໝາຍ ແຕ່ທາງບໍລິສັດກໍ່ກົດດັນທັງຕຳຫຼວດ ແລະ ເຈມສ໌ຢ່າງໜັກ ຈົນເຮັດໃຫ້ສານສັ່ງຈຳຄຸກເຈມສ໌ອີກຄັ້ງ ເຊິ່ງເລື່ອງນີ້ເຮັດໃຫ້ເຈມສ໌ຍອມຮັບບໍ່ໄດ້ ເພາະລາວບໍ່ໄດ້ມີສ່ວນກະທຳຜິດໃນເຫດການຄັ້ງນີ້ ລາວຢູ່ໃນພະວະຈິດຕົກ, ຊຶມເສົ້າ ແລະ ໃນທີ່ສຸດກໍ່ຕັດສິນໃຈຂ້າຕົວຕາຍ

ຂໍ້ມູນຈາກ:​ http://www.flagfrog.com/
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

 

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...