ໃນວັນທີ 17 ກຸມພາ 2021 ຄະນະພັກແຂວງອັດຕະປື ມີມະຕິຕົກລົງວ່າດ້ວຍການໂຈະແຜນຈັດຊື້ພາຫະນະເພື່ອປະກອບໃຫ້ຄະນະບໍລິຫານງານພັກແຂວງສະໄໝທີ XI ຕາມຂໍ້ຕົກລົງຂອງເຈົ້າແຂວງ ສະບັບເລກທີ 119/ຈຂ.ອປ, ລົງວັນທີ 22 ມັງກອນ 2021.
ວ່າດ້ວຍການອະນຸມັດຊື້ພາຫະນະໃຫ້ຄະນະປະຈຳພັກແຂວງ ແລະ ກຳມະການພັກແຂວງຈຳນວນ 30 ຄັນ ໃນນີ້ມີ: ລົດປາໂດ 8 ຄັນ ແລະ ລົດຟໍຈູນເນີ 22 ຄັນ ແມ່ນໃຫ້ໂຈະໄວ້ກ່ອນ ລໍຖ້າຈົນກວ່າຈະມີທິດຊີ້ນຳ ແລະ ການຕົກລົງຂອງລັດຖະບານ.
ມອບໃຫ້ຫ້ອງວ່າການແຂວງປະສານສົມທົບກັບຄະນະຈັດຊື້ ແຈ້ງໃຫ້ບໍລິສັດໄຊຊະນະບໍລການ ຮັບຮູ້ ແລະ ພ້ອມກັນຈັດຕັ້ງປະຕິບັດມະຕິຕົກລົງສະບັບນີ້ຢ່າງເຂັ້ມງວດ.
![](https://laopost-com.laocdn.com/2021/02/c39b1b6a-c131-4b12-a2e7-2eab383df134-716x1024.jpg)
ຮຽບຮຽງຂ່າວ: ພຸດສະດີ