spot_img
Homeຂ່າວຕ່າງປະເທດດູເຕີເຕ ຖະແຫລງເຢີ້ຍອາເມຣິກາ ລະຫວ່າງຢ້ຽມຢາມຈີນ ລະບຸຈີນບໍ່ເຄີຍຮຸກຮານປະເທດຕົນ ແມ່ນແຕ່ຕາລາງນິ້ວດຽວ!

ດູເຕີເຕ ຖະແຫລງເຢີ້ຍອາເມຣິກາ ລະຫວ່າງຢ້ຽມຢາມຈີນ ລະບຸຈີນບໍ່ເຄີຍຮຸກຮານປະເທດຕົນ ແມ່ນແຕ່ຕາລາງນິ້ວດຽວ!

Published on

ສຳນັກຂ່າວເອເອບພີ ລາຍງານໃນວັນທີ 19 ຕຸລາຜ່ານມານນີ້ວ່າ ທ່ານ ໂຣດຣິໂກ ດູເຕີເຕ ປະທານາທິບໍດີຟິລິບປິນ ໄດ້ເດີນທາງເຖິງນະຄອນຫລວງປັກກິ່ງ ເພື່ອເລີ່ມການຢ້ຽມຢາມ ສາທາລະນະລັດປະຊາຊົນຈີນ ຢ່າງເປັນທາງການ ເປັນເວລາ 4 ມື້ ຊຶ່ງເປັນປະເທດທຳອິດ ພາຍຫລັງເຂົ້າຮັບຕຳແໜ່ງຂອງຕົນ ໂດຍທ່ານໄດ້ຖະແຫລງວ່າ ຈີນບໍ່ເຄີຍຮຸກຮານປະເທດຂອງຕົນ ແມ່ນແຕ່ຕາລາງນິ້ວດຽວ ຊຶ່ງຍົກຂຶ້ນມາປຽບທຽບກັບ ສະຫະລັດອາເມຣິກາ ທີ່ເປັນເຈົ້າອານານິຄົມຍຶດຄອງຟິລິບປິນ ໃນເມື່ອກ່ອນ.

ທ່ານ ດູເຕີເຕ ກ່າວວ່າ ປະເທດຍັກໃຫຍ່ແຫ່ງອາຊີປະເທດນີ້ ເປັນປະເທດທີ່ດີ ພວກເຂົາບໍ່ເຄີຍຮຸກຮານປະເທດຂອງຂ້າພະເຈົ້າ ບໍ່ວ່າຈະຍຸກໃດສະໄໝໃດ ແມ່ນແຕ່ຕາລາງນິ້ວດຽວ, ໃນລະຫວ່າງສົງຄາມເຢັນ ຈີນຖືກວາດພາບໃຫ້ເປັນຜູ້ຮ້າຍ ແລະ ຕະຫລອດໄລຍະຫລາຍປີຜ່ານມານີ້ ພວກເຮົາໄດ້ອ່ານໜັງສືແບບຮຽນ ທີ່ລ້ວນແຕ່ເປັນການໂຄສະນາຊວນເຊື່ອ ທີ່ຜະລິດໂດຍຕາເວັນຕົກ.

ໃນລະຫວ່າງການເດີນທາງຢ້ຽມຢາມຈີນ ຢ່າງເປັນທາງການໃນຄັ້ງນີ້ ທ່ານ ດູເຕີເຕ ຈະເຂົ້າພົບປະຫາລືກັບຜູ້ນຳລະດັບສູງຂອງຈີນ ຊຶ່ງລວມມີ ທ່ານ ສີຈິ້ນຜິງ ປະທານປະເທດຈີນ ແລະ ນາຍົກລັດຖະມົນຕີ ຫລີ່ເຄີ້ສຽງ ອີກດ້ວຍ.

ທັງນີ້ ທ່ານ ດູເຕີເຕ ໄດ້ພະຍາຍາມຮັດແໜ້ນການພົວພັນຕ່າງປະເທດ ແບບປ່ຽນທິດທາງຢ່າງວ່ອງໄວ ນັບຕັ້ງແຕ່ທ່ານເຂົ້າຮັບຕຳແໜ່ງ ເປັນປະທານາທິບໍດີຟິລິບປິນ ໃນວັນທີ 30 ມິຖຸນາທີ່ຜ່ານມາ ດ້ວຍການຫັນໄປໃຫ້ຄວາມສຳຄັນກັບຈີນ ແລະ ຣັດເຊຍ, ໃນຂະນະດຽວກັນ ກໍໄດ້ຖອຍຫ່າງອອກຈາກສະຫະລັດອາເມຣິກາ ເນື່ອງຈາກທ່ານບໍ່ພໍໃຈທີ່ຖືກອາເມຣິກາ ວິພາກວິຈານເລື່ອງ ນະໂຍບາຍສົງຄາມຕ້ານອາຊະຍາກຳຂອງຕົນເອງ ແລ້ວຫັນໄປຍົກຍ້ອງຈີນ ແລະ ຣັດເຊຍແທນ ຊຶ່ງສອງປະເທດດັ່ງກ່າວນີ້ ໃຫ້ຄວາມເຄົາລົບຕໍ່ກິດຈະການພາຍໃນຂອງຟິລິບປິນ.
ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...