spot_img
Homeຄວາມຮູ້ກ່ຽວກັບ AECຍ່າງ​ເພື່ອ​ສຸຂະພາບ​ສະຫລອງ​ວັນ​ລາວເຂົ້າ​ອາ​ຊຽນ

ຍ່າງ​ເພື່ອ​ສຸຂະພາບ​ສະຫລອງ​ວັນ​ລາວເຂົ້າ​ອາ​ຊຽນ

Published on

walking marathon

 

ສປປ ລາວ ໄດ້ຈັດກິດຈະກຳຍ່າງເພື່ອສຸຂະພາບ ໂດຍເລີ່ມຈາກປະຕູໄຊຫາຫໍຄຳ ແລະ ກັບ ຄືນຫາປະຕູໄຊ

ນະຄອນຫລວງວຽງຈັນ ລວມມີໄລຍະທາງປະມານ 4 ກິໂລແມັດ ເພື່ອສະເຫລີມສະຫລອງວັນສ້າງຕັ້ງອາຊຽນ

ຄົບຮອບ 47 ປີ ແລະ ຄົບ ຮອບ 17 ປີທີ່ ສປປ ລາວ ໄດ້ເຂົ້າເປັນສະມາຊິກອາຊຽນ ໂດຍການເຂົ້າຮ່ວມຂອງ

ທ່ານ ທອງ ລຸນ ສີສຸລິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງການຕ່າງປະເທດ, ມີບັນດາ

ການນຳຂັ້ນສູງພັກ-ລັດ, ທູຕານຸທູດ, ອົງການຈັດຕັ້ງສາກົນ, ພະນັກງານລັດຖະກອນອ້ອມຂ້າງ, ອົງການຈັດ

ຕັ້ງພັກ- ລັດ ແລະ ມວນຊົນ ເຂົ້າຮ່ວມເປັນຈຳນວນຫລາຍ.

 

ໃນໂອກາດທີ່ມີຄວາມໝາຍສຳຄັນນີ້, ທ່ານຮອງນາຍົກ ທອງລຸນ ສີສຸລິດ ໄດ້ກ່າວໃນພິທີວ່າ: ອາຊຽນໄດ້ຮັບ

ການສ້າງ ຕັ້ງຂຶ້ນໃນວັນທີ 8 ສິງຫາ 1967 ເພື່ອຈັດຕັ້ງປະຕິບັດແຜນແມ່ບົດປະຊາຄົມການເມືອງ-ຄວາມ

ໝັ້ນຄົງ, ເສດຖະກິດ ແລະ ວັດທະນະທຳ-ສັງຄົມອາຊຽນ, ໃນນັ້ນສຳລັບແຜນວຽກການເຊື່ອມໂຍງໄລຍະ 2

ແລະ ແຜນແມ່ບົດເພື່ອການເຊື່ອມຈອດອາຊຽນດ້ານໂຄງລ່າງພື້ນຖານ, ລະບຽບການ ແລະ ການໄປມາຫາ

ສູ່ກັນ ຂອງປະຊາຊົນເພື່ອກ້າວໄປສູ່ການບັນລຸການສ້າງປະຊາຄົມອາຊຽນ ແມ່ນຈະໃຫ້ສຳເລັດໃນປີ 2015

ເພື່ອໃຫ້ອາຊຽນເປັນພາກພື້ນທີ່ມີສັນຕິພາບ ແລະ ຄວາມສົມບູນພູນສຸກ.

 

ສຳລັບປີນີ້ ສປປ ລາວໄດ້ປະກອບສ່ວນເຂົ້າໃນຂະບວນການສະເຫລີມສະຫລອງວັນອາຊຽນຢ່າງຟົດຟື່ນໂດຍ

ໄດ້ມີກິດຈະກຳຕ່າງໆເຊັ່ນ: ການແຂ່ງຂັນກິລາບານເຕະມິດຕະພາບ ລະຫວ່າງກະຊວງການຕ່າງປະເທດກັບທູ

ຕານຸທູດ ແລະ ອົງການຈັດຕັ້ງສາກົນປະຈຳລາວ, ການຍ່າງເພື່ອສຸຂະພາບ ແລະ ກິດຈະກຳຖາມ-ຕອບຄວາມ

ຮູ້ກ່ຽວກັບອາຊຽນເພື່ອໂຄສະນາເຜີຍ ແຜ່ກ່ຽວກັບອາຊຽນເຮັດໃຫ້ປະຊາຊົນ ແລະພາກສ່ວນຕ່າງໆ ຂອງສັງ

ຄົມ ເຂົ້າໃຈກ່ຽວກັບວຽກງານອາຊຽນກໍຄືເຂົ້າຮ່ວມໃນ ຂະບວນການສ້າງປະຊາຄົມອາຊຽນໃຫ້ບັນລຸໃນປີ 2015.

 

ແຫຼ່ງຂ່າວ: http://laophatthananews.blogspot.com/2014/08/blog-post_95.html

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...