spot_img
Homeຂ່າວເຫດການຍ່າງເພື່ອສຸຂະພາບສະຫລອງວັນວິທະຍາສາດແຫ່ງຊາດ 12 ຕຸລາ

ຍ່າງເພື່ອສຸຂະພາບສະຫລອງວັນວິທະຍາສາດແຫ່ງຊາດ 12 ຕຸລາ

Published on

walking

 

ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດກິດຈະກຳຍ່າງເພື່ອສຸຂະພາບ ສະຫລອງວັນວິທະຍາສາດ ແຫ່ງຊາດ

12 ຕຸລາ ແລະ ວັນປະກາດເອກະລາດ 12 ຕຸລາ ຄົບຮອບ 69 ປີ ໃນຕອນເຊົ້າວັນທີ 12 ເດືອນ ຕຸລາ ປີ 2014 ທີ່ສວນ

ປະຕູໄຊ ນະຄອນຫລວງວຽງຈັນ ໂດຍມີ ທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ, ຜູ້​ຊີ້ນຳ​ວຽກ​ງານ​ວັດ

ທະນະທຳ-ສັງຄົມ, ລັດຖະມົນຕີວ່າການກະຊວງສຶກສາທິການ ແລະ ກິລາ, ທ່ານ ບັນດິດ ສຈ. ບໍ່ວຽງຄຳ ວົງດາລາ

ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຊີ ມີບັນດາພະນັກງານລັດຖະກອນ, ນັກຮຽນ, ນັກສຶກ

ສາ ແລະ ພໍ່ແມ່ປະຊາຊົນຊາວນະຄອນຫລວງວຽງຈັນ ເຂົ້າຮ່ວມ.

ທ່ານ ບັນດິດ ສຈ. ບໍ່ວຽງຄຳ ວົງດາລາ ​ໄດ້​ກ່າວວ່າ:  ການຈັດກິດຈະກຳຍ່າງ​ເພື່ອ​ສຸຂະພາບ ​ໃນ​ຄັ້ງນີ້, ເພື່ອເປັນການ

ໂຄສະນາເຜີຍແຜ່ ປຸກລະ ດົມສ້າງຈິດສຳນຶກດ້ານວິທະຍາສາດ ແລະ ເຕັກໂນໂລຊີ ໃຫ້ແກ່ຄົນລາວທັງຊາດ ຮັບຮູ້ຢ່າງ

ກວ້າງຂວາງ ແລະ ເຂົ້າໃຈຄວາມໝາຍຄວາມ ສຳຄັນບົດບາດຂອງວິທະຍາສາດ ແລະ ເຕັກໂນໂລຊີ ຕໍ່ກັບການພັດ

ທະນາເສດຖະກິດ-ສັງຄົມ ແຫ່ງຊາດ ທັງໃຫ້ເຫັນວ່າການຄົ້ນຄວ້າ-ພັດທະນາ ແລະ ນຳໃຊ້ວິທະຍາສາດ-ເຕັກໂນໂລຊີ

ເປັນປັດ​ໄຈພື້ນຖານ, ເປັນກຳລັງແຮງ ແລະ ເປັນພາຫະນະຊຸກຍູ້ສົ່ງເສີມ ການພັດທະນາເສດຖະກິດ-ສັງຄົມ, ນຳເອົາ

ປະເທດຊາດກ້າວໄປສູ່ອຸດສາຫະກຳທັນສະໄໝ ແລະ ສ້າງບາດກ້າວໃໝ່ໃຫ້ແກ່ການສ້າງສາ ເສດຖະກິດແຫ່ງພູມປັນ

ຍາ.

ໃນ​ໄລຍະ​ຜ່ານ​ມາ ພັກ ​ແລະ ລັດຖະບານ​ ໄດ້​ເອົາ​ໃຈ​ໃສ່​ຕໍ່​ການ​ພັດທະນາ​ວຽກ​ງານ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ເປັນ

ຕົ້ນ​ແມ່ນ​ການ​ສົ່ງ​ເສີມ​ສະຕິ​ປັນຍາ, ຫົວຄິດ​ປະດິດ​ໃນ​ການ​ຄົ້ນຄວ້າ ​ແລະ ພັດທະນາ, ການຖ່າຍ​ທອດ​ເຕັກ​ໂນ​ໂລ​ຊີ​,

ການ​ດຶງດູດ​ການ​ລົງທຶນ​ພາຍ​ໃນ ​ແລະ ຕ່າງປະ​ເທດ ​ໃນ​ການ​ສ້າງ​ນິຕິ​ກຳ ​ແລະ ການ​ພັດທະນາ​ຊັບພະຍາກອນ​ມະນຸດ;

ການ​ປົກ​ປ້ອງ​ຊັບ​ສິນ​ທາງ​ປັນຍາ ​ແລະ ການ​ບໍລິການ​ທາງ​ດ້ານ​ວິທະຍາສາດ ​ແລະ ​ເຕັກ​ໂນ​ໂລ​ຊີ​ ທີ່​ ເປັນ​ປັດ​ໄຈ​ໃຫ້​ແກ່​

ການ​ຫັນ​ເປັນ​ອຸດສາຫະກຳ ​ແລະ ທັນ​ສະ​ໄໝ ຂອງ​ປະ​ເທດ​ເຮົາ​ເທື່ອ​ລະ​ກ້າວ.

ແຫລ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...