spot_img
Homeຂ່າວການສຶກສາຍີ່ປຸ່ນ ສະເໜີໂອກາດທາງການສຶກສາ ທີ່ປະເທດຍີປຸ່ນ ໃຫ້ແກ່ນັກສຶກສາລາວ

ຍີ່ປຸ່ນ ສະເໜີໂອກາດທາງການສຶກສາ ທີ່ປະເທດຍີປຸ່ນ ໃຫ້ແກ່ນັກສຶກສາລາວ

Published on

ລັດຖະບານຍີ່ປຸ່ນ ສະເໜີໂອກາດທາງການສຶກສາທີ່ປະເທດຍີປຸ່ນ ໃຫ້ແກ່ນັກສຶກສາລາວ ປະຈຳປີ 2015
ຢູ່ທີ່ມະຫາວິທະຍາໄລສະຫວັນນະເຂດ, ໃນວັນທີ 21 ພຶດສະພາ 2014 ໄດ້ຈັດໃຫ້ມີການນຳສະເໜີທຶນການສຶກສາ ຂອງລັດຖະບານຍີປຸ່ນ ໃຫ້ແກ່ຊາວໜຸ່ມ ກໍ່ຄືນັກສຶກສາລາວ ເພື່ອໄປສຶກສາຕໍ່ທີ່ປະເທດຍີປຸ່ນປະຈຳປີ 2015 ໃນລະດັບຊັ້ນສູງ ຈົນເຖິງລະດັບປະລິນຍາເອກ. ໃຫ້ກຽດເຂົ້າຮ່ວມໃນພິທີດັ່ງກ່າວນີ້ ໂດຍມີ ທ່ານ ຮອງສາສະດາຈານ ດຣ ສີທາ ເຂັມມະລາດ ຮອງອະທິການບໍລິດີຝ່າຍວິຊາການ ມ.ຂ, ທ່ານ ນາງ ຢູກິໂກະ ເຊຕະ ທູດການສຶກສາຂອງລັດຖະບານຍີ່ປຸ່ນປະຈຳລາວ.

ສຳລັບທຶນການສຶກສາ ທີ່ລັດຖະບານຍີປຸ່ນສະເໜີໃຫ້ນັກສຶກສາລາວໃນປີ 2015 ນີ້ແມ່ນແຍກອອກເປັນ2 ກຸ່ມໃຫຍ່ຄື: ກຸ່ມນັກສຶກສາທີ່ຈະໄດ້ຮັບທຶນຫຼັງປະລິນຍາຕີນັ້ນ ກໍ່ແມ່ນການສຶກສາໃນລະດັບປະລິນຍາໂທ ແລະປະລິນຍາເອກ ໃຊ້ເວລາຮຽນ 2-3 ປີ, ກຸ່ມທີ 2 ແມ່ນກຸ່ມຫຼັງການຮຽນຈົບຊັ້ນມັດທະຍົມຕອນປາຍນັ້ນກໍ່ຄື ການສຶກສາໃນຊັ້ນປະລິນຍາຕີ ແລະຊັ້ນສູງ, ໃນນີ້ສຳລັບຊັ້ນປະລິນຍາຕີແມ່ນມີໄລຍະການຮຽນ 5 ປີ,ສ່ວນຊັ້ນສູງດ້ານເຕັກໂນໂລຊີແມ່ນມີໄລຍະການຮຽນ 4 ປີ ແລະສຳລັບຊັ້ນສູງທົ່ວໄປແມ່ນມີໄລຍະການຮຽນ 3 ປີ. ການສະເໜີທຶນຂອງລັດຖະບານຍີປຸ່ນໃຫ້ແກ່ນັກສຶກສາລາວປະຈຳປີ 2015 ນີ້ແມ່ນໄດ້ນຳສະເໜີໃນສະຖາບັນການສຶກສາສຳຄັນຕ່າງໆຂອງພາກລັດຄື: ທີ່ແຂວງຫຼວງພະບາງ ແມ່ນໄດ້ນຳສະເໜີທຶນດັ່ງກ່າວນີ້ທີ່ມະຫາວິທະຍາສຸພານຸວົງ, ສ່ວນຢູ່ທີ່ນະຄອນຫຼວງວຽງຈັນ ແມ່ນໄດ້ສະເໜີຢູ່ມະຫາວິທະຍາໄລແຫ່ງຊາດ, ຢູ່ແຂວງສະຫວັນນະເຂດ ແມ່ນໄດ້ນຳສະເໜີທີ່ ມ.ຂ ແລະຢູ່ທີ່ແຂວງຈຳປາສັກແມ່ນໄດ້ນຳສະເໜີທີ່ມະຫາວິທະຍາໄລຈຳປາສັກ.

ສ່ວນຄ່າໃຊ້ຈ່າຍຕ່າງໆໃນການຮຽນທີ່ປະເທດຍີປຸ່ນແມ່ນລັດຖະບານຍີປຸ່ນເປັນຜູ້ອຸດໜູນທັງໝົດ./.

ທີ່ມາ www.facebook.com/Savanhphuttana-News/

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...