spot_img
Homeຂ່າວຕ່າງປະເທດຍີ່ປຸ່ນເຕືອນໃຫ້ຫຼຸດເວລາເຮັດວຽກ ກ່ອນວຽກຈະຂ້າຕາຍ ເພາະເຮັດວຽກໂອທີເດືອນໜຶ່ງ 80 ຊົ່ວໂມງ

ຍີ່ປຸ່ນເຕືອນໃຫ້ຫຼຸດເວລາເຮັດວຽກ ກ່ອນວຽກຈະຂ້າຕາຍ ເພາະເຮັດວຽກໂອທີເດືອນໜຶ່ງ 80 ຊົ່ວໂມງ

Published on

ອີງຕາມການລາຍງານຂ່າວຂອງເວບໄຊເດລີ່ເມວ ລາຍງານເມື່ອວັນທີ 10 ຕຸລາວ່າ ລັດຖະບານຍີ່ປຸ່ນມີຄວາມກັງວົນໃຈ ກັບການເສຍຊີວິດຈາກການເຮັດວຽກໜັກເກີນໄປ ຂອງປະຊາກອນໄວເຮັດວຽກໃນປະເທດ ໂດຍ 1 ໃນ 5 ຂອງທຸກບໍລິສັດຍີ່ປຸ່ນ ຈະມີພະນັກງານທີ່ເຮັດວຽກຢ່າງໜັກຕໍ່ເນື່ອງກັນຫຼາຍຊົ່ວໂມງແບບບໍ່ໄດ້ພັກ ເປັນເຫດເຮັດໃຫ້ພະນັກງານເຫຼົ່ານີ້ ສ່ຽງຕໍ່ການເກີດພາວະຄຽດ, ສຸຂະພາບອ່ອນເພຍ ຈົນເຮັດໃຫ້ຂ້າໂຕຕາຍ ໂດຍສະເພາະໃນປີ 2015 ຜ່ານມາ ມີຄົນຍີ່ປຸ່ນຂ້າໂຕຕາຍເພາະຄວາມຄຽດຈາກວຽກຫຼາຍຮອດ 2.159 ຄົນຈຶ່ງຢາກໃຫ້ມະນຸດເງິນເດືອນເຮັດວຽກພໍດີກັບຄວາມສາມາດ ເພື່ອສຸຂະພາບຮ່າງກາຍ

ລາຍງານຍັງເວົ້າວ່າ ແຕ່ກ່ອນຄົນສ່ວນຫຼາຍຈະຄຸ້ນເຄີຍກັບພະນັກງານຢູ່ຍີ່ປຸ່ນເຮັດວຽກໜັກ ແລະຟ້າວໄປສະຖານີ ເພື່ອໃຫ້ທັນລົດໄຟຮອບສຸດທ້າຍ, ແຕ່ດຽວນີ້ ໄດ້ປ່ຽນໄປ ເພາະພະນັກງານບໍລິສັດຍັງນັ່ງເຮັດວຽກ ເຖິງແມ່ນຈະກາຍເວລາກັບບ້ານແລ້ວ ເຮັດໃຫ້ມີຜູ້ທີ່ເສຍຊີວິດຈາກການເຮັດວຽກປີລະຫຼາຍຄົນ. ດ້ວຍເຫດນີ້ລັດຖະມົນຕີຈຶ່ງໄດ້ເຮັດສະຫມຸດປົກຂາວຂຶ້ນ ເພື່ອເປີດເຜີຍຂໍ້ມູນການສຳຫຼວດພຶດຕິກຳການເຮັດວຽກຂອງມະນຸດວ່າ ມີມະນຸດເງິນເດືອນຈະນວນຫຼາຍທີ່ເຮັດວຽກໜັກປະມານ 21.3% ເຮັດວຽກຫຼາຍກວ່າ 49 ຊົ່ວໂມງຕໍ່ອາທິດ ແລະກວ່າ 22.7% ເຮັດວຽກລ່ວງເວລາຫຼາຍກວ່າ 80 ຊົ່ວໂມງ ໃນແຕ່ລະເດືອນ ເຊິ່ງເຫດນີ້ເຮັດໃຫ້ພະນັກງານຄຽດ, ເມື່ອຍ ຈົນເຮັດໃຫ້ເກີດການເສຍຊີວິດຈາກພະຍາດຫົວໃຈ ແລະຂ້າໂຕຕາຍ

ໂຕເລກການເຮັດວຽກໜັກຂອງຄົນຍີ່ປຸ່ນນີ້ ສູງກວ່າການເຮັດວຽກຂອງຄົນອາເມລິກາ ແລະຄົນຢູໂລບຫຼາຍ ໂດຍຢູ່ອາເມລິກາມີ 16.4% ເທົ່ານັ້ນ ທີ່ເຮັດວຽກໜັກກວ່າ 49 ຊົ່ວໂມງຕໍ່ອາທິດ, ໃນອັງກິດມີ 12.5% ແລະຝຣັ່ງມີ 10.5% ເທົ່ານັ້ນ. ຈາກຂໍ້ມູນໃນສະໝຸດປົກຂາວດັ່ງກ່າວ ພົບວ່າ ພະນັກງານທີ່ເຮັດວຽກດ້ານໄອທີແມ່ນເຮັດວຽກໜັກທີ່ສຸດ, ຮອງລົງມາຄື ວິສະວະກອນ, ການບໍລິການຂົນສົ່ງສາທາລະນະ ແລະໄປສະນີ

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...