spot_img
Homeຂ່າວການຊ່ວຍເຫຼືອຍີ່ປຸ່ນມອບວັກຊີນແອັສຕຣາເຊເນກ້າ 6 ແສນກວ່າໂດສ ພ້ອມອຸປະກອນການແພດໃຫ້ແກ່ລາວ

ຍີ່ປຸ່ນມອບວັກຊີນແອັສຕຣາເຊເນກ້າ 6 ແສນກວ່າໂດສ ພ້ອມອຸປະກອນການແພດໃຫ້ແກ່ລາວ

Published on

ລັດຖະບານຍີ່ປຸ່ນໄດ້ສະໜອງວັກຊີນແອັສຕຣາເຊເນກ້າ ຈຳນວນ 616.820 ໂດສທີ່ຜະລິດໃນປະເທດຍີ່ປຸ່ນໃຫ້ແກ່ ສປປ ລາວ ໃນການປ້ອງກັນພະຍາດໂຄວິດ-19 ໂດຍຜ່ານໂຄງການ COVAX ພາຍໃຕ້ການຮ່ວມມືກັນລະຫວ່າງອົງການພັນທະມິດຮ່ວມມືດ້ານນະວັດຕະກໍາເພື່ອຮັບມືກັບພະຍາດລະບາດ (CEPI), Gavi ເຊິ່ງເປັນ​ພັນທະມິດວັກຊີນ ແລະ ອົງການອະນາໄມໂລກ (WHO), ໂດຍມີອົງການຢູນິເຊັບເປັນຄູ່ຮ່ວມງານສຳຄັນໃນການຈັດສົ່ງ.

ພິທີມອບຮັບວັກຊີນດັ່ງກ່າວ ໄດ້ຈັດຂຶ້ນໃນມື້ວານນີ້ ທີ່ນະຄອນຫຼວງວຽງຈັນ, ໂດຍການ​​ເປັນປະທານຂອງທ່ານ ນາງ ປານີ ຢາທໍ່ຕູ້, ຮອງປະທານປະເທດ  ແຫ່ງ ສປປ ລາວ. ທ່ານ ເຄໂຊ ທາເກວະກະ, ເອກອັກຄະລັດຖະທູດຍີ່ປຸ່ນ ປະຈໍາ ສປປ ລາວ, ​ເປັນຜູ້ມອບວັກຊີນເຫຼົ່ານີ້​ໃຫ້ແກ່ລັດຖະບານແຫ່ງ ສປປ ລາວ ຢ່າງເປັນທາງການ.

ທ່ານ ນາງ ປານີ ຢາທໍ່ຕູ້ ກ່າວວ່າ: “ລັດຖະບານແຫ່ງ ສປປ ລາວ ຕີລາຄາສູງຕໍ່ການຊ່ວຍເຫຼືອວັກຊີນແອັສຕຣາເຊເນກ້າ ໃຫ້ແກ່ລາວ ໃນຄັ້ງນີ້, ເຊິ່ງເປັນການສະແດງເຖິງຄວາມພະຍາຍາມຂອງລັດຖະບານ ແລະ ປະຊາຊົນ ຍີ່ປຸ່ນ ເພື່ອຊ່ວຍລັດຖະບານ ແລະ ປະຊາຊົນລາວ ໃນການສະກັດກັ້ນ ແລະ ຄວບຄຸມການແຜ່ລະບາດຂອງພະຍາດ ໂຄວິດ -19 ຢູ່ ສປປ ລາວ ແລະ ທາງພາກສ່ວນກ່ຽວຂ້ອງຈະສືບຕໍ່ສັກວັກຊີນເຫຼົ່ານີ້​ໃຫ້ແກ່ກຸ່ມບູລິມະສິດ, ລວມທັງຜູ້ທີ່ມີ​ອາຍຸ 60 ປີຂຶ້ນໄປ, ຜູ້ທີ່ມີ​ພະຍາດປະຈໍາຕົວ​​ ແລະ ພະນັກງານສາທາລະນະສຸກໃນຂອບເຂດທົ່ວປະເທດຈຳນວນ 3 ແສນກວ່າຄົນ.

ທ່ານ ເຄໂຊ ທາເກວະກະ ກໍໄດ້ກ່າວວ່າ: “ລັດຖະບານຍີ່ປຸ່ນເປັນຜູ້ສະໜັບສະໜູນ ທີ່ໃກ້ຊິດຂອງ​ລັດຖະບານແຫ່ງ ສປປ ລາວ ໃນການຕອບໂຕ້ກັບພະຍາດ ໂຄວິດ-19 ນັບຕັ້ງແຕ່ການລະບາດຂອງເຊື້ອໄວຣັສໃນເບື້ອງຕົ້ນ ເເລະ ​ຍັງໄດ້ສະໜັບສະໜູນ ສປປ ລາວ ດ້ວຍອຸປະກອນປ້ອງກັນສ່ວນຕົວ (PPE) ສໍາລັບພະນັກງານແພດ​ໝໍຢູ່ແຖວໜ້າ ແລະ ອຸປະກອນ​ອົກຊີເພື່ອປິ່ນປົວຄົນເຈັບທີ່ຕິດເຊື້ອພະຍາດ ໂຄວິດ-19, ພ້ອມທັງສ້າງຄວາມເຂັ້ມແຂງຂອງອຸປະກອນລະບົບຄວາມ​ເຢັນໃນປະເທດພາຍໃຕ້ແຜນງານ​ “Last One Mile Support”.

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...