ຍີ່ປຸ່ນພົບຜູ້ຕິດເຊື້ອພະຍາດໝາກສຸກລີງກໍລະນີທຳອິດ

0
204

ຍີ່ປຸ່ນປະກາດ ພົບຜູ້ຕິດເຊື້ອພະຍາດໝາກສຸກລີງ ຫຼື ຝີດາດລີງ ກໍລະນີທຳອິດຂອງປະເທດ ໂດຍຜູ້ຕິດເຊື້ອມີປະຫວັດ ເດີນທາງໄປຕ່າງປະເທດ.

ອ້າງອີງຈາກ ທາງການຍີ່ປຸ່ນ ລາຍງານວ່າ: ນາງ ຢູອິເກະ ເຈົ້າຄອງນະຄອນໂຕກຽວ ປະກາດຢືນຢັນວ່າຜູ້ຕິດເຊື້ອໝາກສຸກລີງ ກໍລະນີທຳອິດຂອງປະເທດຍີ່ປຸ່ນ ໃນກຸງໂຕກຽວ ໂດຍເປັນຜູ້ຊາຍ ອາຍຸ 30 ປີ ທີ່ມີປະຫວັດເດີນທາງໄປຕ່າງປະເທດ ໂດຍລາວຫາກໍກັບມາຈາກເອີຣົບເມື່ອບໍ່ດົນມານີ້ ໂດຍຂະນະນີ້ຜູ້ປ່ວຍ ກຳລັງຮັກສາໂຕໃນໂຮງໝໍທີ່ກຸງໂຕກຽວ.

ການຢືນຢັນການຕິດເຊື້ອດັ່ງກ່າວ ໄດ້ເກີດຂຶ້ນຫຼັງຈາກທີ່ລັດຖະບານຍີ່ປຸ່ນ ໄດ້ຈັດປະຊຸມເພື່ອຮວບຮວມຂໍ້ມູນ ແລະ ກຽມພ້ອມສຳລັບການກວດເຊື້ອ ແລະ ຮັບມືສຳລັບໄວຣັສໝາກສຸກລີງຕາມຄຣີນິກຕ່າງໆ, ຂະນະທີ່ກະຊວງສາທາລະນະສຸກຂອງຍີ່ປຸ່ນ ຈະມີການຫາລືໃນວັນສຸກນີ້ ວ່າວັກຊີນປ້ອງກັນຝີດາດທີ່ມີຢູ່ ຈະສາມາດນຳມາໃຊ້ຮັກສາຝີດາດລີງໄດ້ບໍ.