spot_img
Homeຂ່າວຕ່າງປະເທດຍີ່ປຸ່ນປະຫານຊີວິດ ຜູ້ກໍ່ຄວາມຮຸນແຮງ ຈົນເຮັດໃຫ້ເສຍຊີວິດ 7 ຄົນ

ຍີ່ປຸ່ນປະຫານຊີວິດ ຜູ້ກໍ່ຄວາມຮຸນແຮງ ຈົນເຮັດໃຫ້ເສຍຊີວິດ 7 ຄົນ

Published on

ລັດຖະບານຍີ່ປຸ່ນປະຫານຊີວິດ ຜູ້ກໍ່ຄວາມຮຸນແຮງໃນຍ່ານອາກິຮາບາຣະ ກາງກຸງໂຕກຽວ ເຮັດໃຫ້ມີຜູ້ເສຍຊີວິດແລ້ວ 7 ຄົນ ແລະ ບາດເຈັບ 10 ຄົນ ໃນປີ 2008.

ອ້າງອີງຈາກ ທາງການຍີ່ປຸ່ນ ໄດ້ລາຍງານວ່າ: ລັດຖະບານໄດ້ປະຫານຊີວິດ ທ້າວ ໂທໂມຮິໂຣະ ຄາໂຕະ ອາຍຸ 39 ປີ ດ້ວຍການແຂວນຄໍ ໃນຊ່ວງເຊົ້າຂອງວັນອັງຄານຕາມເວລາທ້ອງຖິ່ນ, ທັ້ງນີ້ ຖືເປັນການປະຫານຊີວິດນັກໂທດ ຄັ້ງທີ່ 2 ໃນສະໄໝ ທ່ານ ຄິຊິດະ ນາຍົກຍີ່ປຸ່ນຄົນປັດຈຸບັນ.

ຈາກຄຳຕັດສິນໃນປີ 2015 ທ້າວ ຄາໂຕະ ຂັບລົດບັນທຸກຊົນປະຊາຊົນໃນເຂດທາງຍ່າງ ໃນຍ່ານອາກິຮາບາຣະ ໃນວັນທີ 8 ມິຖຸນາ 2008 ເຮັດໃຫ້ມີຄົນເສຍຊີວິດ 3 ຄົນ ແລະ ບາດເຈັບ 2 ຄົນ ແຕ່ຫຼັງຈາກນັ້ນໄດ້ໄລ່ແທງອີກ 4 ຄົນດ້ວຍມີດ ຈົນເສຍຊີວິດ ແລະ ບາດເຈັບອີກ 8 ຄົນ.

ການພິຈາລະນາຄະດີພົບວ່າ ແຮງຈູງໃຈໃນການກໍ່ເຫດໃນເທື່ອນີ້ ແມ່ນຍ້ອນຄວາມແຄ້ນ ຫຼັງຈາກທີ່ຖືກເວົ້າໃຫ້ ໃນຄອມເມັ້ນທາງອິນເຕີເນັດ ແລະ ການກະທຳຂອງລາວນັ້ນໂຫດຮ້າຍເກີນໄປ.

ສານສູງໂຕກຽວ ພິພາກສາຍື່ນຄຳຕັດສິນດັ່ງກ່າວໃນເດືອນກັນຍາ ປີ 2012 ກ່ອນທີ່ສານສູງສຸດຈະຕັດສິນປະຫານຊີວິດໃນເດືອນ ກຸມພາ ປີ 2015.

 

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...