ຍີ່ປຸ່ນກັງວົນທະເລສະອາດເກີນໄປກຽມອະນຸຍາດໃຫ້ປ່ອຍນໍ້າເສຍລົງທະເລໄດ້

ອີງຕາມແຫຼ່ງຂ່າວຈາກສຳນັກຂ່າວຍີ່ປຸ່ນ ລາຍງານໃຫ້ຮູ້ວ່າ ກະຊວງສິ່ງແວດລ້ອມຍີ່ປຸ່ນມີແຜນປະຕິບັດມາດຕະການຕ່າງໆ ເພື່ອບໍ່ໃຫ້ທະເລເຊໂຕະສະອາດເກີນໄປ ເຊິ່ງທາງກະຊວງເຊື່ອວ່າພາວະດັ່ງກ່າວເຮັດໃຫ້ທະເລຂາດສານອາຫານ ຈົນເຮັດໃຫ້ສາຫຼາຍຈືດ ແລະ ປະຊາກອນປາຫຼຸດລົງ ເຊິ່ງເປັນຜົນເສຍຕໍ່ອຸດສາຫະກຳປະມົງໃນທ້ອງຖິ່ນ.

ແຫຼ່ງຂ່າວຍັງບອກອີກວ່າ ກະຊວງຈະສະເໜີຮ່າງແກ້ໄຂກົດໝາຍສະບັບໜຶ່ງ ທີ່ຈະອະນຸຍາດໃຫ້ມີການຜ່ອນຜັນມາດຕະການອະນຸລັກສິ່ງອວດລ້ອມເຂົ້າສູ່ການພິຈາລະນາຂອງສະພາໃນຕົ້ນປີໜ້າ.

ຮ່າງກົດໝາຍສະບັບປັງປຸງນີ້ຄາດວ່າຈະອະນຸຍາດໃຫ້ຜູ້ບໍລິຫານຂອງບາງເມືອງທີ່ຢູ່ອ້ອມຮອບທະເລເຊໂຕະປ່ອຍນໍ້າເສຍ, ປ່ອຍນໍ້າອອກຈາກເຂື່ອນ ແລະ ອ່າງເກັບນໍ້າໄດ້ບາງເວລາ ເພື່ອເພີ່ມທາດອາຫານໃນທະເລ ໂດຍສະເພາະໃນຊ່ວງລະດູການໃບໄມ້ຫຼົ່ນຈົນຮອດລະດຸໃບໄມ້ປົ່ງໃນປີໜ້າ.  

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.