spot_img
Homeຂ່າວເຫດການຍທຂ ນະຄອນຫລວງວຽງຈັນ ແຈ້ງປິດບາງເສັ້ນທາງ ໄລຍະກອງປະຊຸມສຸດຍອດອາຊຽນ!

ຍທຂ ນະຄອນຫລວງວຽງຈັນ ແຈ້ງປິດບາງເສັ້ນທາງ ໄລຍະກອງປະຊຸມສຸດຍອດອາຊຽນ!

Published on

ເພື່ອອຳນວຍຄວາມສະດວກ ໃຫ້ແກ່ການຈັດກອງປະຊຸມສຸດຍອດອາຊຽນ ຄັ້ງທີ 28–29 ທີ່ລາວເຮົາໄດ້ຮັບກກຽດເປັນເຈົ້າພາບ ໃຫ້ດຳເນີນໄປຢ່າງສະດວກ ແລະ ມີຜົນສຳເລັດສູງ, ດັ່ງນັ້ນ ພະແນກໂຍທາທິການ ແລະ ຂົນສົ່ງ (ຍທຂ) ນະຄອນຫລວງວຽງຈັນ ໄດ້ອອກແຈ້ງການສະບັບເລກທີ 3125/ຍທຂ.ນວ ລົງວັນທີ 2 ກັນຍາ 2016 ເຖິງ: ບັນດາບໍລິສັດ, ລັດວິສາຫະກິດ, ຫ້າງຮ້ານ, ພະນັກງານ, ທະຫານ, ຕຳຫລວດ, ຕະຫລອດຮອດປະຊາຊົນບັນດາເຜົ່າ ຜູ້ນຳໃຊ້ລົດໃຊ້ຖະໜົນ ໃນທົ່ວນະຄອນຫລວງວຽງຈັນ ຮັບຊາບ:

  1. ເລີ່ມຕັ້ງແຕ່ວັນທີ 6 ຫາ 8/9/2016 ເປັນຕົ້ນໄປ ໃຫ້ງົດການສັນຈອນພາຫະນະທຸກປະເພດ ຕາມເສັ້ນທາງສຳຄັນດັ່ງນີ້: ຖະໜົນ ໄກສອນ ພົມວິຫານ (ແຕ່ປະຕູໄຊ-ສີ່ແຍກໄຟອຳນາດດົງໂດກ) ຖະໜົນຈອນມະນີ (ແຕ່ວົງວຽນໂທລະພາບແຫ່ງຊາດ-ສີ່ແຍກໄຟອຳນາດໜອງໜ່ຽງ)
  1. ໃຫ້ງົດການສັນຈອນພາຫະນະທຸກປະເພດຊົ່ວຄາວ (ເປັນບາງເວລາ) ຕາມຖະໜົນດັ່ງນີ້:
  • ຖະໜົນສຸພານຸວົງ (ແຕ່ສາມແຍກສີໄຄ-ສີ່ແຍກໄຟອຳນາດສີຫອມ ຫລັກ 1)
  • ຖະໜົນເສດຖາທິລາດ (ສີ່ແຍກໄຟອຳນາດສີຫອມ ຫລັກ 1- ສີ່ແຍກໄຟອຳນາດທາດຂາວ)
  • ຖະໜົນສາມແສນໄທ (ສີ່ແຍກໄຟອຳນາດທາດຂາວ-ສາມແຍກສວນເຈົ້າຟ້າງຸ່ມຫລັກ 2)
  • ຖະໜົນເຈົ້າຟ້າງຸ່ມ (ສາມແຍກທາດຂາວ-ສາມແຍກສຳນັກໃຫຍ່ ທະນາຄານການຄ້າຕ່າງປະເທດ)
  • ຖະໜົນລ້ານຊ້າງ (ແຕ່ຫໍຄຳ-ປະຕູໄຊ).
  1. ຫ້າມຈອດລົດທຸກປະເພດຕາມແຄມທາງ, ທາງຄົນຍາງ (ຟຸດບາດ) ຢ່າງເດັດຂາດ ຕາມເສັ້ນທາງທີ່ໄດ້ລະບຸໄວ້ໃນຂໍ້ທີ 1 ແລະ ຂໍ້ທີ 2 ຂ້າງເທິງນີ້.
  2. ໃຫ້ນັກຂັບຂີ່ພາຫະນະທຸກປະເພດ ປະຕິບັດຕາມສັນຍານຂອງ ເຈົ້າໜ້າທີ່ຕຳຫລວດຈະລາຈອນ ທີ່ປະຈຳຢູ່ແຕ່ລະຈຸດຕາມເສັ້ນທາງຢ່າງເຂັ້ມງວດ.
  3. ມາດຕະການໃນການຈັດຕັ້ງປະຕິບັດ ມອບໃຫ້ຂະແໜງຄຸ້ມຄອງ ການຂົນສົ່ງພະແນກ ຍທຂ ນວ ເຈົ້າໜ້າທີ່ຕຳຫລວດຈະລາຈອນ ທຸກພາກສ່ວນໄດ້ເອົາໃຈໃສ່ປະຕິບັດຢ່າງເຂັ້ມງວດເດັດຂາດ.

 

ແຫລ່ງຂ່າວ:

ລພນ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...