ຊຽງຂວາງເກມເລື່ອນອອກໄປຈົນຮອດປີ 2021

ໜັງສືພິມວຽງຈັນທາຍ ລາຍງານ ໃນວັນທີ 15/09/2020 ວ່າ ລັດຖະບານແຫ່ງ ສປປ ລາວ ໄດ້ແນະນໍາໃຫ້ ແຂວງຊຽງຂວາງ ເລື່ອນການຈັດມະຫະກໍາ ກິລາແຫ່ງຊາດ ຄັ້ງທີ 11 ຫຼື ຊຽງຂວາງເກມ ອອກໄປຈົນຮອດປີ 2021 ເພື່ອສະກັດກັ້ນ ຄວບຄຸມ ແລະ ປ້ອງກັນ ການແຜ່ລະບາດ ຂອງເຊື້ອໂຄວິດ-19. ສ່ວນ ວັນເວລາ ການຈັດງານ ໃນປີໜ້າ ແມ່ນຈະໄດ້ແຈ້ງໃຫ້ຊາບ ໃນພາຍຫຼັງ.

ງານມະຫາກຳກິລາແຫ່ງຊາດ ຄັ້ງທີ 11 ຫຼື ຊຽງຂວາງ ເກມ ກຽມ ພ້ອມແລ້ວ 100%  ໂດຍສະເພາະສະໜາມກີລາທີ່ຈະນຳໃຊ້ເຂົ້າໃນພິທີເປີດ-ປິດ ແລະ ສະຖານທີ່ພັກເຊົາຂອງຄະນະນຳ, ຄູຝຶກ ແລະ ນັກກິລາ ກໍ່ໄດ້ມີການປັບປຸງແກ້ໄຂຄືນໃໝ່ ສໍາເລັດໄປແລ້ວ 100%, ປະຈຸບັນ ຍັງລໍຖ້າທາງລັດຖະບານ​ ກໍຄື ກະ ຊວງສຶກສາທິການ ແລະ ກິລາ ອະນຸມັດເປີດການແຂ່ງຂັນຢ່າງເປັນທາງການ ໃນມື້ໃດເທົ່ານັ້ນ.

ຮຽບຮຽງຂ່າວ:​ ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.