ຊຽງຂວາງພົບລະເບີດໃຫຍ່ໜັກ 113 kg ໃກ້ໂຮງຮຽນ

ຕາມການລາຍງານ ຈາກອົງການເກັບກູ້ລະເບີດແມັກ ໃນວັນທີ 25 ທັນວາ 2020 ທີ່ຜ່ານມາວ່າ ພົບເຫັນລະເບີດໃນເຂດການກໍ່ສ້າງທີ່ດ້ານຫຼັງຂອງໂຮງຮຽນອະນຸບານທີ່ເມືອງຄູນ, ແຂວງ ຊຽງຂວາງ ເຊິ່ງທາງທີມງານເກັບກູ້ລະເບີດ ແລະ ຜູ້ຊ່ຽວຊານດ້ານລະເບີດໄດ້ລົງພື້ນທີ່ດັ່ງກ່າວໃນທັນທີ.

ລະເບີດທີ່ພົບໃນຄັ້ງນີ້ມີຂະໜາດໃຫຍ່ ແລະ ໜັກເຖິງ 250 ປອນ ຫຼື 113 ກິໂລກຣາມ ເຊິ່ງຢູ່ຫ່າງຈາກອາຄານຂອງໂຮງຮຽນພຽງແຕ່ 20 ແມັດເທົ່ານັ້ນ.

ດັ່ງນັ້ນ, ເພື່ອຄວາມປອດໄພນ້ອງໆນັກຮຽນ, ຄູອາຈານ ແລະ ບັນດາພໍ່ແມ່ປະຊາຊົນທີ່ຢູ່ເຂດອ້ອມຂ້າງທາງອົງການເກັບກູ້ລະເບີດແມັກໄດ້ເຄື່ອນຍ້າຍໄປໄວ້ສະຖານທີ່ປອດໄພແລ້ວ.

ຮຽບຮຽງຂ່າວ:​ ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.