spot_img
Home​ຂ່າວທ່ອງທ່ຽວຊົມຄວາມງາມຂອງບຶງບົວກັບບັນຍາກາດພັກຜ່ອນທີ່ງຽບສະຫງົບທີ່ ເມຊົງ ດາລາບົວ

ຊົມຄວາມງາມຂອງບຶງບົວກັບບັນຍາກາດພັກຜ່ອນທີ່ງຽບສະຫງົບທີ່ ເມຊົງ ດາລາບົວ

Published on

ເມຊົງ ດາລາບົວ ຖືເປັນສະຖານທີ່ ທີ່ຖືກກ່າວຂານຫຼາຍທີ່ສຸດໃນກຸ່ມນັກທ່ອງທ່ຽວທີ່ມາ ແຂວງຫຼວງ ພະບາງ; ອົງການອຸຍແນສໂກ ໄດ້ຮັບຮອງເອົາສະຖານທີ່ແຫ່ງນີ້ເປັນ ໜອງບົວທໍາມະຊາດຂອງເມືອງ. ເມຊົງ ດາລາບົວ ຕັ້ງຢູ່ໃຈກາງຂອງຄວາມງຽບສະຫງົບຂອງເມືອງມໍລະດົກໂລກນັ້ນເອງ.

ທ່ານກໍ່ຈະພົບທາງເຂົ້າຂອງໂຮງແຮມ ແລະ ເມື່ອກ້າວເຂົ້າມາ ອາດຮູ້ສຶກໄດ້ວ່າໄດ້ກ້າວເຂົ້າມາອີກໂລກໜຶ່ງກໍວ່າໄດ້. ປະຕູທາງດ້ານໜ້າຂອງລ໋ອບບີ້ຈະນໍາທ່ານໄປເຖິງຄວາມງົດງາມທາງ ທໍາມະຊາດ ເຊິ່ງບັນຍາກາດແບບນີ້ ທ່ານຈະບໍ່ສາມາດຫາໄດ້ເລີຍໃນຊີວິດໃນຕົວເມືອງ.

ທ່ານ ນາງ ຕຸ່ນ ສີສຸພັນທະວົງ, ນັກທຸລະກິດທ້ອງຖິ່ນ ໄດ້ສານຝັນຂອງຕົນເອງໃຫ້ເປັນຈິງ ໂດຍການນໍາ ເອົາເນື້ອທີ່ດີນຂອງຄອບຄົວເພິ່ນ ມາສ້າງເປັນໂຮງແຮມບູຕິກ. ເມຊົງ ດາລາບົວ ມີຫ້ອງພັກທັງໝົດ 40 ຫ້ອງ, ຫ້ອງພັກ ແລະ ສ່ວນຕ່າງໆຂອງໂຮງແຮມໄດ້ຖືກຕົບແຕ່ງໃນສະໄຕລ໌ລາວບູຮານ ຜະສົມຜະສານກັບການຕົບແຕ່ງສະໄໝໃໝ່, ເຟີນີເຈີສ່ວນໃຫຍ່ເປັນໄມ້, ມີການນໍາແຜ່ນແພລາວ ແລະ ເສັ້ນໄໝລາວມາເປັນຊົບໝອນ, ຜ້າປູບ່ອນ, ໃຊ້ປະດັບສ່ວນຕ່າງໆຂອງໂຮງແຮມ; ມີການວາງຕົ້ນໄມ້ດອກໄມ້ທົ່ວທຸກຈຸດເພື່ອໃຫ້ບັນຍາກາດສົດຊື່ນ ແລະ ໃກ້ຊິດກັບທຳມະຊາດ.

ນອກຈາກນັ້ນ, ແຂກຂອງໂຮງແຮມຍັງສາມາດຊົມ ທິວທັດຄວາມງາມຂອງໜອງບົວທີ່ຖືກອະນຸລັກໄວ້, ພ້ອມທັງສະລອຍນໍ້າ. ໃນສ່ວນ ສະປາ ຂອງໂຮງແຮມ ແມ່ນຕັ້ງຢູ່ໃນເຮືອນເກົ່າທີ່ອົງການອຸຍແນສໂກ ໄດ້ສະຫງວນເປັນມໍລະດົກໂລກ ແລະ ສະປາແຫ່ງ ນີ້ສາມາດຕອບໂຈດໃຫ້ແຂກທີ່ຕ້ອງການ ການພັກຜ່ອນ ແລະ ຜ່ອນຄາຍໄດ້ເປັນຢ່າງດີ.

ນອກຈາກນີ້, ທາງໂຮງແຮມຍັງໃຫ້ຄວາມເອົາໃຈໃສ່ໃນການຄັດເລືອກພະນັກງານ, ເຊິ່ງຈະຄັດເລືອກເອົາ ພະນັກງານທີ່ມີຄວາມສົນໃຈ, ເອົາໃຈໃສ່, ເປັນກັນເອງ ແລະ ຮັກໃນການບໍລິການເພື່ອມາໃຫ້ບໍລີການ ແກ່ແຂກຂອງໂຮງແຮມເທົ່ານັ້ນ.  ພະນັກງານທຸກຄົນຂອງໂຮງແຮມ ບໍ່ວ່າຈະແມ່ນ ພະນັກງານຕ້ອນຮັບ, ພະນັກງານເປີດປະຕູ ຫຼື ຄົນຈັດສວນ ຕ່າງມີອັດທະຍາໄສທີ່ດີ ແລະ ຮັກໃນການບໍລິການ, ທຸກຄົນຕ່າງກ່າວທັກທາຍ “ສະບາຍດີ” ແລະ ຮັບຕ້ອນແຂກທຸກທ່ານຢ່າງເຕັມທີ່. ເມຊົງ ດາລາບົວ ເປັນໂຮງແຮມແບບຄອບຄົວ, ເຖິງແຂກຈະເດີນທາງມາພັກພຽງທ່ານດຽວ ກໍ່ສາມາດສໍາພັດໄດ້ເຖິງຄວາມອົບອຸ່ນແບບຄອບຄົວຈາກສະຖານທີ່ແຫ່ງນີ້.

 

 

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...