spot_img
Homeຂ່າວຕ່າງປະເທດຊາວໂລກເປັນຫ່ວງ 2 ນາງງາມມຽນມາຖືກອອກໝາຍຈັບຫຼັງຮຽກຮ້ອງໃຫ້ນານາຊາດຊ່ວຍເຫຼືອ

ຊາວໂລກເປັນຫ່ວງ 2 ນາງງາມມຽນມາຖືກອອກໝາຍຈັບຫຼັງຮຽກຮ້ອງໃຫ້ນານາຊາດຊ່ວຍເຫຼືອ

Published on

ແຟນນາງງາມທົ່ວໂລກເປັນຫ່ວງຄວາມປອດໄພຂອງ 2 ນາງງາມຈາກປະເທດມຽນມາ. ຈາກມິສແກຣນເຖິງມິສຢູນິເວີດ ໃນການລົນນະລົງຕໍ່ຕ້ານລັດຖະປະຫານມຽນມາ ປະກົດເທິງເວີການປະກວດນາງງາມລະດັບໂລກອີກຄັ້ງ.

ນາງ ຮານ ເລ ມິສແກຣນມຽນມາ ທີ່ໄດ້ເດນທາງມາເຂົ້າຮ່ວມການປະກວດ ມິສແກຣນອິນເຕີເນັດຊັ່ນແນລ 2020 ທີ່ປະເທດໄທ ນາງໄດ້ເວົ້າກ່ຽວກັບສະພາບການປະທ້ວງທີ່ກຳລັງເກີດຂຶ້ນພາຍໃນປະເທດມຽນມາ ພ້ອມຂໍຄວາມຊ່ວຍເຫຼືອຈາກນານາຊາດໃຫ້ຫັນມາສົນໃຈ ແລະ ໃຫ້ຄວາມຊ່ວຍນຳຄວາມສະຫງົບສຸກກັບຄືນສູ່ປະເທດ ຫຼັງຈາກນັ້ນ ໄດ້ມີການຄາດການວ່າ ການກະທຳຂອງນາງ ຮານ ເລ ໄດ້ສ້າງຄວາມບໍ່ພໍໃຈໃຫ້ລັດຖະບານມຽນມາ ເນື່ອງຈາກເປັນການກະທຳທີ່ຜິດຕໍ່ກົດໝາຍ ແລະ ຂັດຕໍ່ຄຳສັ່ງຂອງລັດຖະ ບານມຽນມາໃນເວລານີ້.

ນອກຈາກນີ້, ນາງ ທູຊາ ວິນ ລວິນ ມິສຢູນີເວີດມຽນມາ 2020 ທີ່ເດີນທາງເຂົ້າປະກວດ Miss Universe 2020 ທີ່ປະເທດອາເມລິກາ ໃນຮອບຊຸດປະຈຳຊາດນາງໄດ້ສື່ສານໃຫ້ຄົນທົ່ວໂລກຮັບຮູ້ດ້ວຍການຍົກປ້າຍ “Pray for Myanmar” ແລະ ມີຂໍ້ມູນເປີດເຜີຍວ່າຫຼັງຈາກຈົບການປະກວດແລ້ວ ນາງຈະເດີນທາງໄປທີ່ນິວຢອກ ເພື່ອໄປຫາ ບິວຕີ້ ເພື່ອນຊາວມຽນມາທີ່ເປັນນາງແບບໃນສັງກັດແຫ່ງໜຶ່ງ ແລະ ຈະເຮັດວຽກຮ່ວມກັນໃນງານ ນິວຢອກແຟຊັ່ນວີກ ທີ່ກຳລັງຈະເກີດຂຶ້ນ ຈົນກວ່າສະພາບການໃນປະເທດຈະດີຂຶ້ນ.

ເພື່ອຮຽກຮ້ອງສັນຕິພາບໃຫ້ກັບມຽນມາ ເຮັດໃຫ້ປັດຈຸບັນນາງງາມທັງ 2 ຫຼັງຈາກສຳເລັດການປະກວດພວກນາງບໍ່ສາມາດກັບຄືນບ້ານເກີດເມືອນອນໄດ້ ເນື່ອງຈາກເປັນຫ່ວງຄວາມປອດໄພ ແລະ ພວກນາງໄດ້ຖືກອອກໝາຍຈັບຈາກລັດຖະບານມຽນມາຮຽບ ຮ້ອຍແລ້ວ.

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...